|
سلسلة لقاءا ت شعراء جاش..الشاعر/ عجب بن حمد
أحبائي أعضاء منتدى جاش وزوارها..
أستكمالا لسلسلة الحوارات مع شعرائنا الأفاضل ..عدنا اليكم.. اليوم ضيفنا تميز بأجادته لفنين من فنون الشعر.. القلطه.. والنظم.. وقد أجاد في الاثنان.. نرجوا منكم اثراء الحوار كما أعتدنا منكم ضيفنا هو عضو منتدى جاش ( ابن عويد) الشاعر / عجب بن حمد بن عويد [IMG]لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .[/IMG] |
حيا الله شاعرنا عجب بن حمد بن عويد آل مبارك ,,
يامرحبا باللي حضر له مقاما=يامرحبا ترحيبة تشعل الكون يامرحبا عد الجبال العظاما=ترحيب وافي للميامين مشحون وأخص بالذكر المعطر وساما=ابوحمد غالي كما الدر مكنون فيه الوفا والطيب بدرٍ تماما=كمله ربي بالحلا فيه مدفون لا ياحمام الورق ودي السلاما=وأقري قصيدٍ بالحشا فيه مضمون وردي العلوم اللي تعدا الغماما=في خد صفحه بالقوافي لها لون وختامها غيم وسحاب وحماما=في مهمه بالقلب غالي ومرهون حينما نواجه شخصاا بمقامكم الكريم تنحني الاقلام رغما عن انفهااا لتخط لكم ما يجود به حبرهااا ,,, لي عوده بإذن الله ,,, |
في البدايه
اشكر القائمين على الموقع وشكر خاص لابو خالد. .. امسي بالخير على الضيف الكريم .. واقول له "اررحب يابو حمد " وسؤالي: هل كل الأخوان شعراء ؟ (أقصد أخوانكـ) وشكرا لتفاعلك مقدما.. |
بسم الله الرخمن الرحيم اولا احب اشكر القائمين على المنتدى وخاصة الاخ الشاعر ابو خالد
شكر خاص لشيخة الغلا على هذه الابيات الجميله ويشرفني الرد عليها بهذه الابيات وسامحوني اذا حصل تقصير
دام البقاء وعداد برق الظلاما=واقول انا ذليل شاكر وممنون الله يجملنا بزين الكلاما=وارد لهل الطيب مايستحقون الطيب والهرج المهذب تواما=اقراه باالمكتوب والناس يقرون شيخة غلا واهديك كل احتراما=يفدونك اللي باللوازم يصدون اقول ياشيخه عداك الملاما=الطيب منبع والخلايق يعرفون وانتي على قول الرجال الكراما=بنت الشيوخ اتطول مالا يطولون واللي يميز في حلال وحراما=دايم يقول الحق مهما يقولون |
ياهلا يابو يزيد
[يامرحبا يا بو يزيد والله يمسيك بالنور والسرور وبالنسبه لسؤالك اخواني فيهم عويد شاعر والباقين على الخفيف وعلى فكره ابوي الله يحفظه ماهو شاعر لكن ورثنا الشعر عن جدي ابو امي وهو الشاعر المعروف محبوب بن مانع بن سمران الله يرحمه ويحسن اليه
|
عجب حياك الله وشكرا على الاستظافة ...
سؤالي طلب خاص وهو مقتطفات من اقرب ابياتك الى نفسك مع ان الشاعر كل قصيده يقولون مثل عياله مابينهم فرق لكن حاول ترضي طلبنا ,,,, ولك الشكر والتوفيق |
[
الله يحييك ياسوالف ليل ولي الشرف وانا اقول مثل ماقلت كل قصايد الشاعر غاليه عنده ومثل عياله ان قام حض العبد جــــابه ووداه=وان طاح طاحـت معنويات راعيه يالله بحض يكتب اسمي ويقراه=في صفحة التاريخ تثبت رواسيه وكذلك : الرجل لاصار محسوب لربوعه سفير=يحسرك بين الرياجيل لاقـــــ الوكفى والله انه مايحز الخواطـــــر والضمير=مثل هفوة راعي الطيب لامنه هفى وكذلك: انته تعرف انك على عمري تمون=وقلبي وروحي في يدينك رهينه لاصـــار ماتقـــــدر تكلــــم تليفون= ارسل رســاله والعـذر قابلينه |
مساك الله بالخير يابو حمد وانا من اشد المعجبين بشعرك الجزل
اما سؤالي من افضل شعراء المحاوره من الجيل الحالي ؟ طبعا في نطاق القبيله شاكر لكم الاستضافه. |
ارحب ياعجب 000000حياك االله في منتداك 00000000000000000000000000000000000000 ويشكر ابو خالد على اهتمامه واتاحة هذا اللقاء وعندي كم سؤال وهي 00 ماهو سر ابتعادك عن الاعلام؟ وقلة مشاركاتك حتى في المنتدى ؟ ماهي نظرتك للحداثه بكل صراحه ؟ من يشد انتباهك من الشعراء ؟ وهل انت صريح في النقد شاكر لك التواجد 00000000000000000000000000000تحياتي |
الســـلام عليــكم جميـــعا.
ســـؤالي:- للشاعر/عجب. من هــو الشــاعر الذي أثـر فيــه من قـريب أو من بعيــد؟ ومن هــو شاعر القبيــله في الوقت الحـالي (بــدون مجــامله)؟ تحيــــاتي للجميــــــع. |
| الساعة الآن 23 : 04 PM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.
جميع المشاركات ملك لكاتبيها