|
الحساسيه
لسانك..حصانك.. ولو عندك..فـراسه جمعت..بـيـن..الفـراسـه..والفروسيه ولكن..اللي..ما يمسك..باسه..براسه يضـرب بها..عرض..ثم تجـيه راسـيه والمدح..والردح..كلٍ .. ماخـذٍ كاسـه لا شك..خلها..بثوب الستر ..مكسـيه الهرج..لا صـار..ما قسته..بمقياسـه يمكن.. تحطّم بـه.. ارقــامٍ..قيـاسـيه اما خذابك.. على الـعـلـيـا..تـنكــّاسه والا هوى بك.وطحت.وجات عكسيه احذر..ترى الناس..شكـّاكه وحساسه وتشوف الاعراض.. فرعيه..واساسيه احدٍ.. تحمّر عيونـه..من سطر راسه و حدٍ.. تحمّر عيونـه.. من حساسيه عبدالله المشعلي عام (1440) |
| الساعة الآن 18 : 10 PM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.
جميع المشاركات ملك لكاتبيها