منتديات بوابة جاش - قصيده مدح في رسول الله

يافكر يافكر السعد والغنيمه **جاتك ولا باقي سوي عدت ايام
افرح بها فرحت نديم بنديمه** صارت لك اللوحه وانا اخبرك رسام
في من يفوق الخلق قدراً وقيمه **الحاشر العاقب وهو مسك بختام
مرسول كرم بالصفات العضيمه **سيد بني آدم وحوي والآنام
عزت به سعدٌ وعزت حليمه ** تكريم مولاهم قبل عز الاسلام
واخرج فؤاده مالضلوع الهشيمه ** وغسل بماء زمزم وفي إناء من خام
امين في قومه والايدي كريمه ** لين انزلت ( فاصدع بما تؤمر) وقام
وقامو عليه اهل العقول الغشيمه ** وسبوه بالصابي وبمسفه احلام
ابو جهل وابو لهب واللئيمه ** مع روس شركٍ فعلهم خيب وسام
واسري بهِ من فوق ضهر البهيمه ** وكُذب بعد ما فرضت اركان واعظام
وهاجر وخلا زمزمه مع حطيمه ** ودرهم علي القصوي ولين لها خطام
واستبشرت يثرب بديمه وغيمه ** ورجالها هلوا به بجود واكرام
انصاره بّاسٍ وقوة شكيمه ** عند النزال وضربت حسام بحسام
واسس ركون المنطلق والعزيمه ** وحطم عظام الشرك واجساد الاصنام
ودارة علي الكفار عقبي وخيمه ** واعطي الرساله حقها الكامل التام
ثلاثه وعشرين بيض وصريمه ** والاربعين دروس وإيجاد واللمام
وبانت بمحمود الفعل والسليمه ** بإيجاز في التكليم وإعجاز وإفهام
وبالصبر يوم المعضلات الكضيمه** وبالعصمه المعطاه له بأمر علام
وبالنور بلاج اليالي العتيمه ** وبالسيره الي عطرة حبر الاقلام
والمعجزات المذهلات العديمه ** مخيبات شكوك طاعن وضلام
وكيف امدح الممدوح بآيه حكيمه**من قبل الف وزود اربع مية عام
وقد جاء كلام الله يمدح كليمه ** في سورة محمد والاعلي والانعام
صلي عليه الله ماهل ديمه ** واعداد ما لا يوصله عد الارقام