علي كثروا أعوان الدهر
علي كثروا أعوان الدهر
-
علي كثروا أعوان الدهر والدهر ضدي=وذا حال من صارت ظروف الدهر ضده -تحداني الدنيا على غير ما ودي=وحبل الرجا رث ٍ ليا جيت با أشده بعض الأصدقاء لا جيت با قابله صدي=ومن كنت محتاج ٍ لوده بدا صده ولا عاد لي غير أترك الدار وأشدي=ومن عدني ولا فوالله ما أعده وصدر الفضاء واسع مع الأفق ممتدي=ومن سار في درب ٍ وصل لو بعد مده ليا باروا الخلان والحظ متردي=فلا للفتى الا يترك الدار من جده وخل ٍ بدل خل ٍ وحد ٍ بدل حدي=وربي هو اللي يقصر العمر ويمده تمسكت في حبل الصله وتعَبَتْ يدي=بلا فايده واليوم ذا الحبل با أهده وبا قوس ثوبي دمت حي ٍ على قدي=وكل ٍ يفصل له ثياب ٍ على قده فمن لا يسر بواجبه مات ما سدي=ولا خير فيمن واجبه مات ما سده بأشد الرحال وبأترك الدار من جدي=ومن له علي فضل ٍ ومعروف يرتده ورزقي على اللي لا عطا يجزل المدي=ومن يستعين بخالقه نال ما وده لو أبقى وحيد ٍ ما حد ٍ ماخذ ٍ عدي=ولاني بمن هو ياخذون العدى عده فلا خير فيمن يقبل الضيم والضدي=ويخسى الذي تقصر عن المرجله يده أنا أختار خالي والدي وأنتخى بجدي=وولد الردي لا أختار خاله ولا جده لمني نويت بدرب ماني بمردي=ولي قلب ما الخوف من الأخطار بيرده ولا لحقت الضلفه من الكور للبدي=صبور ٍ ليا شفت الدهر مايل ٍ شده وما دام حالي فوق دنياي مستدي=وربي معافيني ولي حيل با أكده ولاني بمتخضع ولاني بمتفدي=لمخلوق واللي له علي دين يعتده - حمد بن هادي المسردي - - |
مااااااشاء الله على ذي الابياااااات واااااافيه من شاعر وافي
رحمة الله عليك يالمسردي |
الله يرحمه شااعر كفووو وقصايده كفووو ومشكور خوي على هذا النقل الرائع
تقبل مروري اخوك الشاااايب |
شـــكـــرا لــــــك
|
الله يرحم الشاعر والله انها من احب القصائد اللتي سمعتها
شـــــــــــكراااا محسن |
هذال آل الشوافه
السلام عليكم ورحمة الله وبركاته شـكــ وبارك الله فيك ـــرا لك ... لك مني أجمل تحية . ودائما مايجيب السمينه إلا المطاليق شروى (أبونايف) والقراء الكرام = ونتطلع أخوي محسن إلى النوادر منك -فتقبل أحترامي وتقديري وإعجابي******** |
الله يرحمه الصراحه شاعر مميز مافيه احد زيه ولا اتوقع احد بيجي زي حمد هادي مشكور اخوي محسن على النقل
|
عزيز نفس الله يغفر له
|
الله يرحمه
|
الساعة الآن 43 : 09 AM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.
جميع المشاركات ملك لكاتبيها