الى الطرقي مع التحيه
يالطرقي اللي تحفظ احكام وامثالي=ياكيف حالك عساك بخير بالحالي وشرايك اليوم نبداها بموالي=والبيت مايثبت الا فوق سيسانه انت ياملازم الشرطه تراني نقيب=مااحب التسيب واحترم لنتظام طيبتي لاتغرك وانتبه يالبيب=والاجازه على مثلك تراها حرام |
ياصاحبي ياسفير الحب وشلونك =والله يحييك درًجها بقانونك وابتد مواويلها والله في عونك=والبيت مايثبت الا فوق سيسانه يانقيب انت مالك حق عنا تغيب=لك ليالي تفوت موعد الاستلام وطيبتك لاتغير وضعها يالحبيب=لي عليك احترام ولك علي احترام |
حاضر ولكن تغيبنا مشاغلنا=ولاانت فاضي تدوج ودوم مشغلنا والموتر اللي معك ماساعه ونا=والبيت مايثبت الا فوق سيسانه شاعر من شروق الشمس لين المغيب=مايوني ولايعرف لذيذ المنام المغشه تراها من بعيد وقريب=ولاتغرك مواري دين ولا التزام |
مادام غيبتك يالطيب من اشغالك=وشفيك تدعي العرب وتجر موالك ياهيه00ياهيه فال الله ولا فالك=البيت مايثبت الا فوق سيسانه شاعر مايجيله في المواقف نصيب=ودك انه على وجهه يحط اللثام والمغشه لاهلها واكثر الهرج عيب=يلحقك في بعض ماقلت مني ملام |
حبيت امازحك لكن اختلف ظني=متغير وش حصل لك ياولد مني ماتدري ان الوفا ماخوذ هو عني=والبيت مايثبت الا فوق سيسانه انت يالي تبرى الذيب وسط القليب=رح وفتش جيوبك قبل حل الظلام ماعلي من زعلكم دام ربي حسيب=وكلمة الحق عندي مثل رد السلام |
ياللي تمازح ترى الموال غيرته=واخلفت طرقه وفيه الوزن كسرته عسرك معناه والموضوع عاسرته=والبيت مايثبت الافوق سيسانه ياسفير المحبه فيك شك وريب=قمت تومي بها من بين شرق وشام اشهد ان ماعلى ذا الوقت شي عجيب=كلمة الحق قدهي حجة الاتهام |
اسمحو لي بالمرور و تقديم التشجيع و اتمنى ان تقبلوني متابعة.
|
ماهوب يعسرني المعنى ليا قلته=وترى الخطا وارد ماظنك ابدعته ولي حصل رحت انا با ليد واصلحته=والبيت مايثبت الا فوق سيسانه ياحليل السكرتي معه وصفة طبيب=يامضيع شبابه قبل وقت الصرام لاتعجب ومثلك يحسبنه خطيب=وكثرة الدق يالطرقي تفك اللحام |
ماهوب يعسرك كيف تصلح الغلطه=وتخالط ابيوتها وتقالب الخلطه وشلون سويتها ياضابط الشرطه=والبيت مايثبت الافوق سيسانه ياسفير المحبه وانت شاعر واديب=استمع ياحزام اللي يبي له حزام لا تدق اللحام ولا تحل الصعيب= وانفرد للمحبه والهوى والغرام |
ياسلالالالالالالالالالالالالالالالالالالالالالالال الالالالام في الصف يالطرقي |
الساعة الآن 13 : 01 AM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.
جميع المشاركات ملك لكاتبيها