ياسلام الله على اللي يسدون اللزوم =مكرمين الضيف والجار يامالا الغناه
هات ياعايض علومك وخذ مني علوم = ياصديقي كلنا نعرف القدر وغطاه

ياهلا يامرحبا عد ودان الغيوم = يارفيق تكسب الطيب من كل أتجاه
خابر انك يامناحي على الشده عزوم=تطلب العلم القصاوي وعلمك من وراه

حط في برنامجك صوم يوم وفطر يوم = ثم تصير ايامكم كلها صوم وصلاه
مشكلتك انك تحط النقط فوق الرقوم =والحروف أم النقط مالها عندك طراه

لا توصي واحدٍ يّدّي الفرض ويصوم =ماخذاله منهج مايناسب للحياه
منهو اللي سالم منك ما قد جاه لوم =نظرتك للكل فيها تشره واشتباه

نبرتك فيها زعل وانت غالي ومحشوم = كيف ازعل واحد مقدر اوصف غلاه
جيت في مركز دفاع وانا مركز هجوم = دايم اقول لبيه وانت تقول هاه

انت حبك مثل حب المصالح مايدوم = لاطراله ينتهي من خلاه وفي خلاه
من تلقى هجمة الناس مجبور يقوم =ماله الا ينثني دون ماله ويحماه

شكل ابو حيبان جوه ملبد بالغيوم = كل بيت من زميله يمشيه بهواه
ماحصل نقطة تلاقي توافق للعموم = صاحبي لاقلت قرب يلقيني قفاه

صاحبك يبغاك في عالي الاجواء تحوم =ينبسط لسمع بيتك ولامنه قراه
حاول ان السالفه ماتجي دون اليموم=راعي الابداع وشلون ينقص مستواه

نرجع لموضوعنا اللي سبق وانت مخدوم=ودي اوجه لبعض العرب لفت انتباه
الحيا عم المدينه ورابغ والجموم =والبحر واجد ولا يروي الضميان ماه

دام رديت المغادر على باب القدوم = فاخدمه فيما يريده ولا تبحث خفاه
الحيا يقسم من الله وكلاً له قسوم= دبرة المعبود واللي سقاه الله سقاه