ياسلام الله سلام"ن" يكشف ستار الحقيقه=يعجب الزوار والشعار يلحقها مداها
انت يالطرقي على الطرقة معك صك ووثيقة=احمد الله واشكرة لاجاك خير"ن" من وراها

مرحباً ترحيبة(ن) فيها يلدّون الخليقه =تطرب الزوار والشعّار ماتبحث خفاها
أنت ياسلطان في الطرقه وكلاً في طريقه = والصحيح ان الخلايق محداً يكسب رضاها

حاول انك ماتحملك بحمل(ن)ماتطيقه=ثم يظيق ابطيب الجدين يالطرقي فضاها
والله انه مايسبب للرياجيل الشقيقه=غير قوم(ن) طيبها بالحكي لاغلق عشاها

كان اّبو زيد الهلاالي مادرى منهو رفيقه=ينشد العربان عن شلفاء ذياب وعن شباهـا
والله اني خابرن مافي السراب الا بريقه=عقَب اللي لانطق له كلمتين ماحماهـا

كان زعل الطرقي من الحق جعله في حريقة=شرهة السلعة على من باعاها ولاشراها
بارك الله في الحرار اللي مخالبها طليقة=يوم بعض الناس تكفخ من خلاها في خلاها

صاحبك ماهوب يواخذ صاحبه والا صديقه = وانت من بيني وبينك عروة تمسك عراها
يارعى حلوان عد الثانيه قبل الدقيقه =في الحقوق اللازمه والتافهه شطب عليها