زقارة الكنت قامت تشعل اشعالي=بيدي ودخانها يملا شراييني

والايد الاخرى قست من مسك جوالي=والليل هودوباح الصبر مافيني

ودقت وقالت سلام وقلت طوالي=حيالله اللي سلاما"منه يشفيني

يالعنبو غيركم ماعاديحلالي=الاكلامك ولاغيرك يسليني

ابطيت ماجيتني يامشغل البالي=الله والاحاجتا"عنكم توديني

انااحسبا"الفراق اشلاعلي حالي=واثره عذابا"علي لالاتخليني

قالت بغيت اتصل بدري ولاجالي=واختي الصغيره معي واخاف توحيني

وراحت وانا عقبها لاماني بسالي=والهم ياناس مثل الشن طاويني

عزي لقلبي والاياوجدي لحالي=الوقت عود يبيع ويشتري فيني

ويالعين يالعين جعل الدمع همالي= ولاعلي منك لوتبكين ياعيني

باجرصوتي وزين حس موالي=اقزيت عيني وجمر الشوق كاويني

وباردهاللعزيزمعرب الخالي=اللي يسداللزوم ويقضي الديني

ذاك ابوركان قرم وطيب الفالي =ولاني بكاني عليه ولايخافيني

ابي نصيحه لقلبا"صابه اخبالي=والله يفرج علي في باقي اسنيني

عجل علي يامناحي جاك مرسالي=وأرفق علي بنصيحه لاتقاصيني

يا فوح صدري فوح جمر الوجارا=اللي جثامير الحطب به عداما
امس العصر مريت تالي نهارا=دارأّ سكن به سيد البيض عاما
دار غداله داخل القلب دارا= وله منزلا بين الضلوع ومقاما
وله هيبة عندي وعز ووقارا =لعل جدره مايجيه الهداما
نظرت له ودموع عيني تبارا=وهديت له من كل قلبي سلاما
ودخلت باب كان منه ويسارا=مرباع شفقات الشفوف الهياما
ياما قضينا الليل جنبه سهارا=وياما تعانقنا من الشوق ياما
كن حن من اللي في الضماير سكارا=نغشى وكنه يموت حيل العظاما
وادنف على ذيك النهود الصغارا=كني بعلق فوق صدره وساما
تشبه زبيدي ظاهر في زبارا=عليه من وبل السحايب قداما
ومعتق له في الظلام اجتهارا=يشع نوره مثل بدر التماما
ينزل عليه من الجدايل استارا=تضفي على ستر الحشيم احتشاما
واللي ذكرته ياطوال العمارا=لاينحسب ضدي دليل اتهاما
اقسم برب حط كون ومدارا=ان الشرف فيها مقر ومقاما
غير التلاقي من بعد الانتظارا=مثل الفطر للمنهكين الصياما
ومبعد قربه يهوداً نصارا=عليه حطو معتقل قوتناما