ما كل مطرودةٍ بالوقت ملحوقه=لا فاتت الفايته ما عاد نلحقها
يا كثر الأمثال والأمثال مطروقه=أما سمعنا بها والا نتطرقها
ومن ضيع حقوق غيره ضاعت حقوقه=ويموت بعض الأماني ما يحققها
والآدمي نفسه تمنيه وتسوقه=في ساقت آمالها ساقت وسايقها
ان كان حظه نهض به لا حت بروقه=وأيامه البيض رزت له بيارقها
وان كان حظه تردى شانت وفوقه=ويروح يعوّد يدينه يصفقها
والأرض تحت المغامر والسما فوقه=لو سار من مغرب الدنيا لمشرقها
يرجع وكبده من اللوعات محروقه=من واقع لايعٍ كبده ومحرقها
وأنا بعد كل شي راح بمروقه=عوّدت أراجع حساباتي وأدققها
مريت في تجربه ما هيب مسبوقه=مع من حسانيه سياته تسابقها
أثره هذورٍ لسانه يضرب شدوقه=يجمع علوم وعلومٍ يفرقها
اليا حضر بالمجالس فك صندوقه=واسمع كثير العلوم ولا تصدقها
يحط طابوقةٍ من فوق طابوقه=واللي معه من مفاهيمٍ يطبقها
صحيح ميزان عقل الرجل منطوقه=تعرفه من كلمته من حين ينطقها

عبدالله المشعلي

صح السانك 000000000000000000

المشاركة الأصلية كتبت بواسطة ناصر بن هذال (المشاركة 228766) ومن*ضيع*حقوق*غيره*ضاعت*حقوقه. ،. صح لسانك

المشاركة الأصلية كتبت بواسطة محمد المسردي (المشاركة 228767) صحيح ميزان عقل الرجل منطوقه صح لسانك

المشاركة الأصلية كتبت بواسطة سفير النوايا الحسنه (المشاركة 228772) صح الله لسانك

المشاركة الأصلية كتبت بواسطة أبو محمد (المشاركة 228773) صح السانك 000000000000000000