إن كانها بالحال بأفديه بالحال
إن كانهـا بالحال ... با أفديه بالحال=وإن كانها بالمال مالي حلالـه وإن كانها في سمعة(ن)...صيتها عال=فأنــا على ايده قد خذيت الجزاله وإن كانها راحت على راحة البال=أنـــا اشهد إن راحة خفوقي قباله وإن كانها صوب الغلاء...حبَــه لحاااال!!=يرجح بميزان الخلايق.....لحاله لابوي مرخص كل شيئاً ولا ازال=لو يطلب اللي في السماء لا اعنا لـــه تاج على راسي ولو قال ماقال=يبشر ويبشر كل شيئاً ينالـــه انا يمينه يضرب خفاف وثقال=يامر وينهى والحمادي فداله الله يمد ايامه سنين وطوال=والله يمده بالعمر ويهنا لـــه الشوق في قلبي كتب عدَة أقوال=نقيت منها عدتاً في عجاله |
صح لسانكـ
كفو ,,ويستاهل ابو محمد . |
صح السان يابو عايض
|
صح السانك ياابوعايض
وانت وابوك ونعم تقبل مروري ولك مني اطيب المنى, |
صح لسانك يا ابو عايض .. والله يخلي لك ابوك .. نعم المادح ونعم الممدوح ..
دمت نجماً يتلألأ في سماء الشعر .. |
صح اللسانك يابو عايض
ابداع غير مستغرب ونعم فيكم كلكم تحياتي |
صح لسانك والله يردك بالسلامه وان كانك قد رجعت الله يحييك ويطول عمر ابوك
|
صح لســآنك اخوي محمد
ويستاهل ابو محمد |
صح لسانك يامحمد والله يطول عمرك وعمر ابوك وكلها فترة زمن وتعود انشاءلله سالم وخريج تحياتي ولاتحرمنا جديدك |
صحــت أبدان الجميع..
ولاهنتــوا على تشريفكم بمروركم العطـر.. تحيتي.. |
الساعة الآن 43 : 03 PM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.
جميع المشاركات ملك لكاتبيها