إعـــــــلان

تقليص
لا يوجد إعلان حتى الآن.

مصطلحات عاااااااااميه

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

    مصطلحات عاااااااااميه

    مصطلحات قصمنجية
    " مير "
    اختلف المترجمون في تفسير هذه الكلمة ، واتفقوا أن هذا المصطلح مال أمه داعي ، ولا له موقع من الاعراب ، يوضع لتزيين الجملة ،، مثال : الله مير يسلمك ، الله مير ياخذك

    " غديه "
    وتعني : كوده !! ،، وفسر الماء بعد الجهد بالماء

    " ومصع "
    دعوة عند القصمان وتأتي بعدة أوزان : مصع ، يمصع ، ممصوعا ،، مثال : جرّن مير يمصعن

    " ياهملالي "
    ...منتشرة عند النحوتين والنظولين ، مثال : مزنة : مادريتي نورة توظفت ؟ ،، حصة : ياهملالي عنده واسطة ،،، منقهررررة

    " من تلالتنا"
    من حمبنا

    " واخزياه "
    مصطلح ينتشر عند بعض الناس يقالهم مستحين ، وهم وجيه بن فهرة ، " ووجه بن فهرة هو الوجه المغسول بمرق "

    " أويق "
    هذه الكلمة تنتشر عند البلوغين أي الملاقيف ، معناها أناظر وأناظر معناها أشوف !! ،، مثال : حصه : خير وش عندتس رازتن خشتس عند الدريشة " النافذة " ؟؟ ،، مزنة : أبد ، أويق على اللي يفحطون

    " أعبطه "
    أعجنه واسويبه فطاير

    " قوه "
    كلمة من أصل إنقليزي " والله محنب سهلين " معناها تخاويني؟ ، مثال : حصة : قوه معي للسوق ،، مزنة : مشينا ، كلش إلا السوق ، تخاويها وهي مغمضه

    " حوّل "
    وراكم طيرتوا عيونكم بي ، ترى منيب بالنجدة ، بس حوّل يعني : انزل

    " شنق "
    تعني : جهة

    " هماه "
    وتجي بمعنى " مب كذا - مو "

    " نيم "
    وتعني : نائم

    " تهقى "
    تعني : تظن؟ ، والاسم منها " هقوتي " اي أغلب ظني ،، مثال : حصة : تهقين نورة تجي ؟

    " بوه "
    أهم مصطلح عند القصمان ويوضع بآخر الكلمة مثال : وشبوه ، جبتوه ، مادريتبوه ، وينهوبوه، وتقول هالكلمة وانت ماط بوزك شوي

    " يهوجس "
    سرحان ، يفكر

    وصلني بالإيميل 00

    #2
    إبن عب

    أرجو منك لاحقاً عدم تحديد المكان بالنسبة للعنوان

    تعليق


      #3
      مشكووووووور على هذه المصطلحات

      تعليق


        #4
        [align=center:4c2a7a3e36]ابن عباد

        والله ان اختيارك رائع

        واللي أعجبتني بقوه هذي

        " ومصع "
        دعوة عند القصمان وتأتي بعدة أوزان : مصع ، يمصع ، ممصوعا ،، مثال : جرّن مير يمصعن

        تحياتي،،،
        .
        .

        [/align:4c2a7a3e36]

        تعليق


          #5
          ابن عباد تسلم

          واشتغل على اللي بعده ........

          وش رايك ؟


          قوه "
          كلمة من أصل إنقليزي " والله محنب سهلين " معناها تخاويني؟ ، مثال : حصة : قوه معي للسوق ،، مزنة : مشينا ، كلش إلا السوق ، تخاويها وهي مغمضه

          وبعدين حنا نقول كو.......يعني وحده تقول تعالي نروح للسوق .......انا اقولها كووووو

          يعني يالله او شي زي كيذا ......

          بس القصمان مدري والله عنهم يمكن سارقينها مننا وأضافوا لها بعض التعديلات

          تحياتي لك

          تعليق


            #6
            مشكوريـــــــــــــن000 ابونايف00 المشرف محسن000 المسعودي00 شـــــــــذى الورد00 على تصفحكم وانتــــــــــظروا المزيد0

            0000 تحياتي0000

            تعليق


              #7
              هههههههههههه والله المصطلحات الي ادوخ الراس انا الحين ابي اعرف كلمه قوه هذي عند الكويتين معناها السلام عليكم :مثال:قوه شذى
              وانت اتقولين
              مثال : حصة : قوه معي للسوق
              ابي اعرف ايش الفرق

              تعليق

              يعمل...
              X