إعـــــــلان

تقليص
لا يوجد إعلان حتى الآن.

لو البنات يسوقون !

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

    لو البنات يسوقون !

    [center:2c0867482b][table=width:70%;background-color:transparent;background-image:url();:2c0867482b][cell=filter:;:2c0867482b][align=center:2c0867482b]تخيلوا لو أن البنات مصرح لهم بالسواقة ((تعالوا خلونا نشوف وش راح يصير))
    1_ أكيد محطة البنزين راح تكسب كثير وراح تدخل باليوم مثل ما تدخل بالشهر من كثر الدوران .
    !! وش راح يصير ..!!
    2_ الولد يصير بيته الشارع ومايجي للبيت إلى وقت النوم والأكل أحيانا إذا كان مطفر (( مامعه فلوس )) .

    3_ يوميا يغسل سيارته ويلمعها من أولها إلى آخرها .

    4_ تلقاه عند الإشارة يتلفت يمين ويسار ويختاروحده سيارتها كشخه وطردي وراها لين يرقمها (( هذا إذا عطته وجه )) .

    5_ ما يطلع من البيت إلا وهو كاشخ وأحسن عطر وأحسن الملابس عنده اللي يشوفه يقول رايح يحضر زواج .

    6_ تكثر المشاكل وباليوم الواحد حجز الناصرية يكون فيها أكثر من 500 شخص محجوز .. وبكذا يضطرون يحطون فروح ثانية في كل حارة وحي لحجز الناصرية .

    7_ إذا وقف عند سوبر ماركت بيشتري بكت دخان وأول مايشوف وحده في السوبر ماركت يطلع الجوال على باله يكلم ويعطيها من النظرات والبنت تعطيه نظرات ساحرة وشويه ويدق جواله وتدري انه أصلا ماكان يكلم وتاخذ فكره عنه انه كذاب ومايصلحلها ..((الله يعين اللي دق عليه أنواع السب )) يقوله مالقيت تتصل علي إلى في الوقت هذا بالذات .. حتى لو مايمون عليه .. وبالأخير يطلع أبوه وينطم ويقول أمر تددل .. بعد ماجاه أبوه سب .. الوعد البيت تحجير وأنواع الطق فيه .

    8_ أول مايشوفون وحده كفر سيارتها منسم أكثر من 100 سيارة يوقفون ويقولون مساعدة ((لو رجال كان المسكين ماحد عطاه وجه ولا أحد عبرله )) وكلهم يحاولون يساعدونها واكثرهم يرمون من ذي الكروت .. وشوي تجي الشرطة والشعب المغازلجي كل واحد يركب سيارته وبلا ترقيم بلا هم وينحاشون ويجي الملازم هذا ويقول ممكن مساعدة وتقول ياليت ((طلع العن منهم )) استانست على النجمه .. ويجي الجندي اللي معه ويقول عنك أنا اركب الكفر ويروح الملازم وتشويت بالجندي ويقوله مالك دخل خلك بالسيارة .. ويوم يخلص الملازم يقولها خوذي رقمي إذا احتجتي شيء ماشيات أو إذا أحد ضايقك دقي علي بأي وقت وأنا في الخدمة .

    9_ الشباب يوميا الصبح عند المدرسة والظهر عند الكلية أو الجامعة والعصر في السوق والمغرب دوران والعشاء في الفيصلية والمملكة والساعة 10 وفوق تلقاه في بنده مسنتر ساعتين وفي الأخير عصير الربيع على الريق عاد هو وحظه ما لقى شيء اليوم بكرى بيلقى أو بعده .

    10_ راح تكثر الحوادث المرورية في الطريق بنسبة 80% هذا بعد إذا ما كانوا البنات راعين تفحيط .

    11_ تلقا الواحد عند الإشارة وقدامه بنت يصدم صدامها على باله مادرى وتنزل البنت وتتهاوش معه وهو يقول خلاص يابنت الحلال أنا أصلحها لك على حسابي تقول لا خلاص يقول لا ماني رايح لين ترضين على .. أنا ماني قاصد ((خبيث)) وتقول الحين كيف اصلحها يقول لها خوذي رقمي ومتى مافضيتي كلميني وانا أروح معاك واصلح سيارتك تقول اوكي هاته (( خوش خطة والله )) .

    12_ يتقدم على البنت ويصير قدامها وفجأه يمسك فرامل والبنت تصدمه ((متعمد يسوي كذا عشان ياخذ ويعطي معاها )) وينزل على باله معصب ويقول سيارتي جديدة وش سويتي فيها ماتشوفين ((أشو أنها ددسن )) والبنت مسكينه خايفه وتقول آسفه مادريت ..يقول لا اسفك هذا وين اصرفه بأي بنك .. تقول طيب خلاص ولا تزعل أناراح أصلحه لك.. يقول ماتقدرين تعرفين كم تكلف وكالة !! والبنت خافت وماتدري أيش تسوي .. وتقول وش أسويلك اجل .. يقول مالنا إلا نجيب الشرطة وتوديك للحجز عشان تشوفي طريقك مره ثانية .. والبنت مسكينه ماتعودت على الأمور هذي وتقول له الله يخليلك أمك وأبوك الشرطة لا .. هو أخذها فرصه وقال طيب بشرط نتعرف تقول طيب اوكي ويعطيها الرقم .. وقال انتضرك آخر الليل .. والرجال سهران وينتظر وفي الأخير ولا شيء .. عطته خامس .. (( مسكين ضحكت عليه )) .

    13_ نشوف واحد بالشارع والبنت ماشية بالسيارة يطلع عليها متعمد ويخليها تصدمه ويطيح على باله متعور وحالته حال .. وتجي لمه وتقول سلامات .. ويقول الله يسلمك لا حصل خير وهو يبين لها أن الصدمة قوية وأثرت عليه وهو متعور مررره .. والبنت تخاف وتقول تعال اركب معاي أوديك للمستشفى .. بس هو ركب معاها خلاص العوار راح وياخذ يسولف لها ويقول لها طبت والله يوم ركبت معاك .. وتقول لا لازم أتطمن عليك ((مصدقة المسكينة )) ويقول لها لا ما ودي أحرجك مع الشرطة وتحقيق وإزعاج ومدري كيف ..قال وديني للبيت بس وماعليكي أنا راح أروح وأعالج نفسي .. عاد البنت تقول طيب اوكي بس خذ رقمي واتصل فيني أول بأول وقلي عن حالتك .. وتصير معرفة .. ((يخاطر بنفسه عشان يشبكها )) والله شباب آخر زمن .

    14_ يدخل مطعم ويشوف وحده تطلب طلبات ويطلب بعد هو .. ويوم جت تحاسب تقول كم حسابك يقول كذا .. تقول وااااااو طيب طيب رجع من هذا حبتين ومن هذا اربع ((عشان يصير طلبها على قد فلوسها )) وهو يجي ويقول لا ولا ماترجعينه على حسابي خله يامعلم والبنت تقول لا مشكور .. ويحلف ومدري أيش .. ويقول الحين أنا طيب بعطيه الحساب واعتبريه دين قالت لا .. قال طيب بدفع الباقي من الحساب وأنا بروح البيت وآخذ منك اللي دفعته منك .. قالت إذا كذا مو مشكلة ((خبيث عشان يدل بيتها )) ويتعرف عليها .

    15_ أصحاب اللوموزينات من الهنود والباكستانيين ما يصيرلهم كرت أبدا ويضطرون بكذا يرجعون لديرتهم لان اللوموزين ينتهي سوقه بعد سواقه البنات والحريم .

    16_ سواقين باصات المدارس كلهم تقاعد لأن ماراح يركب معهم أحد في الباص .

    17_ السواقين وقتها مالهم كرت وأحسلهم يسافرون ديرتهم او يشترولهم سياكل بس عشان يجيبوا عليه طلبات البيت .

    18_ الشباب ما يفكرون بالسفر برى وديرتهم تصير لهم حياتهم ((عشان البنات )) .

    19_ تشوف الواحد عند الإشارة ويغازل وحده وتقوله بلا قلة أدب .. وهو يحاول معاها ويضايقها ويجي واحد ملقوف على باله يدافع عنها ويقول مالك ومالها وش تبي منها .. يرد عليه ويقول أنت وش دخلك ويطلع له ذاك الجسم ويبدأ فيه طق .. وتفتح الإشارة وتمشي البنت ولا تعبر لأحد ((مسكين على باله تحبه إذا دافع عنها)) .


    * هذي الطرق اللي راح تصير لو طبق الشيء هذا وصار للبنات تحريح بالسواقه .. والله راح تشوفون شيء ماشفتوه .. .. لكن أقول الله لا يجيب اليوم هذا بصراحة قولوا آمين .. أقول قولوا آمين من قلب ..لأن راح تكون مهزلة بمعنى الكلمة إذا طبقت.. وأتمنى ما تزعلون من كلامي هذا وأتمنى يكون خيالي .. وتقبلوا مني تقديري وأحترامي لكم جميعا [/align:2c0867482b]
    [/cell:2c0867482b][/table:2c0867482b][/center:2c0867482b]

    #2
    Re: لو البنات يسوقون !

    المشاركة الأصلية بواسطة المميز
    [center:1f27eb9a5a][table=width:70%;background-color:transparent;background-image:url();:1f27eb9a5a][cell=filter:;:1f27eb9a5a][align=center:1f27eb9a5a]

    * .. لكن أقول الله لا يجيب اليوم هذا بصراحة قولوا آمين .. أقول قولوا آمين من قلب ..لأن راح تكون مهزلة بمعنى الكلمة إذا طبقت.. ا [/align:1f27eb9a5a]
    [/cell:1f27eb9a5a][/table:1f27eb9a5a][/center:1f27eb9a5a]

    امييييييييين

    تعليق

    يعمل...
    X