الجوال ابو كاميره بجميع انواعه هل هو ممنوع في المملكه

[البارون]

السلام عليكم ورحمة الله وبركاته وبعد
عندي سؤال بسيط وهو الجوالات الي فيها كاميره ذاتيه هل هي ممنوعه عندكم في السعوديه ولا لا

لاني سمعت انها منعوها بسبب المشاكل الي سببتها اول ما نزلت لان في ناس قامت تستخدمه

بشكل خاطئ مثل تصوير المحارم في الشوارع او في الاعراس وينزلونها في الانترنت ويفضحون

الناس فيها وغيرها من الخرابيط هذي وشكرا

[عايض بن هداف]

انا في قطر لكن حبيت اشارك

انا سمعت من رجال ثقه انها تباع في جده بشكل طبيعي واكيد ان باقي المناطق مثل جده


تقبل تحياتي

[البارون]

يعطيك العافيه اخوي عايض بس اهل البلد ادرى بهذا الشي وانا مثلك سمعت بهذا الشي

بس انا حاب اتأكد قبل ما اسافر علشان ما ابتلش

والله لا يهينك ما قصرت

[الحب الدائم]

انا شريته من الرياض ولكن
بعد عودتي من احد الدول المجاوره قاموا باتلاف الكاميرا ::يبكي:

[البارون]

::يبكي: ::يبكي: ::يبكي: ::يبكي: ::يبكي:

انت من جدك ولا تمزح اشلون يبيعونه في السعوديه وفي الجمارك يتلفونه اشلون هاه

علمني :قهر: :قهر: :قهر:

[ناصر بن سالم]

ممنوع


لكن يباع عن طريق اللي لهم واسطه



والحقيقه انه كارثه



وخطير على محارم الناس


وبما ان جوالك فيه كاميرى تقدر تقولي ايش الفايده منها

[كونان]

لا واسطة ولا شي يبيعونه بأي محلات ومشاعل الخليج تجيبه مع الضمان :قهر:


يمدحون العنيد او تدري بلا مشاكل اشتر جوال من البقالة اللي يقول (الو مرحبا) والبطارية مجانا :رائق: :شوشة:

[البارون]

وبما ان جوالك فيه كاميرى تقدر تقولي ايش الفايده منها

والله تبي الصدق انا مهب راعي الحركات البايخه حقت الشباب تصوير بنات ما بنات للعلم

الكليه الي انا ادرس فيها تراها خلط بنات وصبيان مع ذالك لا اكلم بنت ولا حتى اطلب منها شي اذا بغيت شي اطلبه من ربعي الي معي في الصف وانا اقول هذا الكلام مهب علشانك ولا علشان غيرك لكن ارد على سؤالك فقط

وبعدين انا ما ابي الكاميره الي فيه لانا ابي المميزات الي فيه من تخزين وتركيب برامج

وانت عارف هذا النوع من الجوال 6600 جوال عملي بالمره اما الكاميرا انا خايف عليها لا
تتلف لاني اذا بغيت ابيع الجوال والكاميرا متلوفه ما راح يستباع عرفت الحين يا بعد حيي



.................................................. .................................................. ..

اشتر جوال من البقالة اللي يقول (الو مرحبا) والبطارية مجانا

روح يالعرض المغري بطاريه ببلاش وين اعينها ذي هههههههههههههههههههههههههه

[ناصر بن سالم]

ما جاوبت على سؤالي يا البارون


انت رحت بعيد


انا اسأل عن فوائد الكاميرى بالجوال فقط وهذا ما يعنيني


اعطيك مثال انا اعتبر الآله الحاسبه في الجوال مفيده جداً اما الكاميرى فلا اعرف لها ضروره هذه وجهة نظري


فهل للكاميرى فوائد؟

[البارون]

والله كل واحد وله وجه نظر انا عني يا بعد شبدي

اصور فيها سيارت سبورت اشياء غريبه مممم حوادث سيارات وانزلها في الكمبيوتر

واخليها للذكرى او اسوي منها بعث للدراسه بحكم نوع دراستي لانه صعب اتشل معك كاميره فيديو في الشوارع فهذي الكاميره اتسد وتكفي بالنسبه لي من حيث الخفه والحجم

وبس

وانا معك ان هذي الكاميره مشكله في بعض الاحيان اذا طاحت في ايد ناس ما يقدرونها او جهال لانها ممكن اتسوي مشاكل واتسوي فضايح اذا استخدمت بالشكل الخطأ

خذ هذي مني من قبل 3 اسابيع كنت في محطت بترول وشفت لي سياره من نوع المرسيدس
وبصراحه موتر اعجبني من حيث التظبيط وصورته بالجوال علشان اوريها ربعي
بعدها بيومين كنت اتمشى في شارع معروف بالسباقات الي اتصير فيه ومسكني واحد من التحريات المرور وسئلني وين كنت في الوقت الفلاني لان في ذاك اليوم اللي انا صورت فيه كان في سباق والرجال شاك فيني لاني موتري من النوع الي له سمعه خايسه عند المرور
فقلت انا كنت عند المحطه الفلانيه قالي ويش اللي يخليني اصدق كلامك فسبحان الله تذكرت
التصوير وطلعت له الجوال وخليته يشوفه طبعا الجوال يطلع لك تاريخ والوقت الي صار فيه التصوير وبعدها سكت ما عاد يقدر يسويلي شي وحركت لو ان ما عندي دليل كان سحبني
للمركز وخالفني لكن الله ستر

وطبعا كل شي له فوائد ومضار الا الصلاه وذكر الله :رهيب:

واسمحلي على الاطاله