إسـمـحـيـلـي يـالـغـــرام........

[أبو إيلان]

[poet font="Arial,5,black,normal,normal" bkcolor="transparent" bkimage="backgrounds/6.gif" border="double,4,gray" type=2 line=200% align=center use=ex length=0 char="" num="0,black" filter="":4f6af5f091]
إسمحيلي يالغرام

إسمحيلي يالغرام العف يا الوجه السموح=إن لزمت الصمت أو حتى لبست الأقنعة
أعترفلك ما بقي من عالي الهمة سفوح=انحدر كلي كما طفل تحدر مدمعه
من يبي بالله يفتحلي غلق صدره أبوح=ضاقت الدنيا بشاعر طيب قلبه ضيعه
ما قبلني الحظ قولي وين أبرحل وين أروح=الصبر ياهو يعذب والأماني موجعه
آه يا جود الحزن وياي والفرحة شحوح=ضايع بهمومي الغبرا بوسط المعمعة
أشتكي لوسادتي دنياي واسمعها تنوح=كنها بعضي وبعضي وين هو منهو معه
إيه أنا والعالم المغرور والياس اللحوح=خايض حرب الرياح اللي تسوق الأشرعة
مختلط في عبرتي حبر الشقا ودم الجروح=ومستوي في نظرتي غرب الوجود ومطلعه
عودي المبري ما بقابه من عطايا الوقت روح=وفصل خامس حاير بين الفصول الأربعة
وراس مالي ذكريات وحلم وآمال وطموح=لا صديق ولا رفيق ولا طريق واتبعه
نوب أسافر في سديد الراي ونوبٍ في جنوح=مختفي صوت الحقيقة كيف واشلون اسمعه
سامحيني دام عذري واضحٍ كل الوضوح=واسمحيلي بالرحيل بلا تذاكر ولا أمتعة


الشاعر المبدع أسير الشـــــــــــــــوق
[/poet:4f6af5f091]

[ابو طلال]

صح لسان الشاعر ولسانك