أنواع الحب

[مجموعة انسان]

[poet font="Arial,5,black,normal,normal" bkcolor="transparent" bkimage="backgrounds/11.gif" border="groove,5,gray" type=0 line=200% align=center use=ex length=0 char="" num="0,black" filter="":067f71a6ce]
أنواع الحب
-
حبٍ يشيّب صاحبه ما بَعَدْ شاب=وحبٍ يشيب وصاحبه في شبابه
وحبٍ يغيب وصاحبه ما بَعَدْ غاب=وحبٍ يدوم وصاحبه في غيابه
وحب يذوّب خافقٍ ما بعد ذاب=وحبٍ يداوي صاحبه من عذابه
وحبٍ يتوّب خافقٍ ما بَعَدْ تاب=وحبٍ يزيدك رغبةٍ في الكتابه
وحبٍ حياته كلّها لوم وِعْتاب=وحبٍ حقيقي ما يضرّك عتابه
وحبٍ بلا معنى وحبٍ بلا اسباب=يبدا غريب وينتهي في غرابه
وحبٍ ضعيفٍ مثل حبرٍ على كْتاب=تمحيه دمعه في ثواني كآبه
وحبٍ قويٍ مثل قصرٍ له ابواب=لو هبّ عاتيْ الريح ما اهتز بابه
وحبٍ بداية رحلته نظرة اعجاب=واخر مطافه مثل يومٍ بدا به
وحبٍ يعيش بداخل قْلوب الاحباب=وحبٍ يشيع وكل حَيٍ درى به
وحبٍ مقامه في ضلوع الصَدِر طاب=وحبٍ يعدّي مثل مرّ السحابه
وحبٍ على قبره نعق بوم وغْراب=وحبٍ تغنّى به لحون الربابه
وحبٍ بمقدارٍ وحبٍ بلا حْساب=وحبٍ بمعروفٍ وحبٍ نهابه
وحبٍ يعيش أهله وسط داره اغراب=ويموت قهر ويندفن في ترابه
وحبٍ غدا سرّه سوالف للاجناب=وحبٍ يموت وصاحبه ما حكى به
وحبٍ يشيب وصاحبه ما بَعَدْ شاب=وحبٍ يشيب صاحبه في شبابه
-
-
غير معروف
-
-
[/poet:067f71a6ce]


قصيده اعجبتني لاتفروحون تفكروني شاعر ههههه

[طييييوف]

مشكور على انواع الحب

واحلى شي هي :


وحبٍ قويٍ مثل قصرٍ له ابواب
لو هبّ عاتيْ الريح ما اهتز بابه



وش رايك ( مجموعة انسان ) ؟؟؟؟

[مجموعة انسان]

الاخت طيوووووف
كلك ذوووووووق
وانا اشاركك الراي في هالنوع من الحب فعلآ حب قوي
تحياتي

[محسن المسردي]

[align=center:2b81c5fbdb]أخي العزيز ... مجموعة انسان
.
.
.
اختيار رائع رائع ولا أروع منه

الا مجموعة انسان

تسلم يمينك وفعلاً أروع بيت

وحبٍ قويٍ مثل قصرٍ له ابواب *** لو هبّ عاتيْ الريح ما اهتز بابه

مع العلم ان القصيده كلها رائعه
.
.
.
تم تنسيق القصيده وعساها تعجبك

وبعدين أنا راح أجيب اسم الشاعر

قريباً حفظاً للحقوق
.
.
.
تقبل شكري وتقديري،،،
.
.[/align:2b81c5fbdb]

[abunaif]

شفت الأسير شلون يشتاق للدار . هذاك أنا وسط الأسر وأنت داري

[المسعودي]

تسلم يا مجموعة انسان

وعيدك مبارك

[مجموعة انسان]

مشكورين يا شباب
المسعودي وابو نايف
وكذلك انت يابو حسن ماقصرت على التعديل في الديكور للقصيده
لكن يابو حسن ابحث على من له هذه القصيده اذا ماحصلت صاحبها
اكتبها بأسمي
هههههههههههه
تحياتي لك وللجميع

[ناصر بن سالم]

الله الله الله عليك يامجموعة انسان



روعه وسلمت يمينك.........وصح لسان قايلها

والله جننتني هالقصيده

يسلم ذوقك ومشكور

[مجموعة انسان]

ابو عبدالله
سلامة قلبك يالغالي
وشهاده نعتز ونفتخر فيها من شاعر ورسام متمكن
ولو اني ماني بصاحب هالقصيده
تحياتي