( الـرفيـــــق) فـايـز المـسردي

[الذيب2010]

الرفـيق اليا زهمني أجيله وأحتميه ..
وان بداله لازمن يبشر بسد اللزوم ..
والرجل لا صار مابه حميا ما نبيه ..
مايذب الريع رجلن يهاب من القدوم ..
كم وجيهن لابدت تستحي منها وجيه..
وكم علومن يا عرب ما تعد من العلوم
والرخامه مالها غير سودان الوجيه ..
الرخوم اللى تخاوي على الطرقه رخوم ..
والمراجل كايده ما تهيا للسفيه ..
ما تهيا غير للى يعد من القروم ..
والله اكبر يا رفيقن يعد انه نبيه..
والنباهه في الردى عيب والله ما تدوم ..
ما يدوم الا القدى والقدى كلن يبيه ..
والرجال العارفه ما تعدل من السلوم ..
رفقة الخيب فشل لازمن ترجع عليه ..
ورفقة الطيب فخر لاحضر يجلي الهموم..
والردي يبقى ردي ماحدن يبغى يجيه ..
والكفو يبقى كفو غالين عند العموم..
والختم ذكر النبي يا صلاة الله عليه ..
عد مابه من حجيجن ومابه من نجوم.. [/indent]الشــاعـر / فـــايـز بن سالم ابو زوير المسردي

[المسامح]

صح لسانك واعتلى شانك

[الذيب2010]

ارررررررررررررررحب يا المسامح والله يحييك وصح الله بدنك ولا هنت على المرور تقبل تحياتي اخوك الذيب

[هذال آل الشوافه]

صح لسانك يابو سالم درر وحكم من شاعر متمكن...

[غيث المسردي]

صح اللسانك

قصيدة جزله

[الذيب2010]

اررررررررررررررررحب ياهذال تراحيب المطر وصح الله بدنك ياغالي ومشكور على هذا الاطراء وشهاده اعتز فيها تقبل تحياتي اخوك الذيب

[الذيب2010]

اررررررررررررررحب يا غيث المسردي والله يحييك وصح الله بدنك وانت الجزل وردك جزل تقبل تحياتي اخوك الذيب

[الذيب2010]

اشكر الاخوه الاعزاء الذين شاركونا بردودهم واتحفونا باطرائاتهم فلولا هذا الجمهور وهذا التفاعل الملحوظ لما حرصت على تنزيل ما عندي من جديد ولكم جزيل تحياتي اخوكم الذيب

[هذال آل الشوافه]

يالذيب2010 متعطشين لقصايد جديده لك ولا عليك أمر ياذيبان.

[الذيب2010]

اررررررررررررررررحب يا هذال وانت تامر امر والحقيقه قصيدة الرفيق توها طازه ولم انظم بعدها الا قصيده خاصه جدا بي واشكرك على هذا الحماس ياهذال والله يعطيك العافيه تقبل تحياتي وتقديري اخوك الذيب