المساعد الشخصي الرقمي

مشاهدة النسخة كاملة : محاورة بين سالم بن حويسه وعبدالله المشعلي


عبدالله المشعلي
09 / 05 / 2010, 46 : 06 PM
محاورة بين :
سالم بن حويسه وعبدالله المشعلي
بتاريخ ( 28/4/1431ه ) ـ

=سالم بن حويسه
عد ما لا براق يبشر قدومه=يا سلامي عليكم حسب نهج الشريعه
يا عبدالله لقيت إبليس غارق بنومه=قلت وش ذا السوايا يا خبيث الطبيعه
=عبد الله المشعلي
مرحبا بالعميل اللي تجينا علومه= لوانا بالرياض وهو بحد الواديعه
اتركه دام نايم طول ليله ويومه =أنت لو تنشده ضيّق عليك الوسيعه
=سالم بن حويسه
السدود محفوظه والقلوب معصومه = كل واحد يقدم حسب ما يستطيعه
لا تبرا وريمه بالخطام مخطومه = من تبرا دعينا له بحبل القطيعه
=عبدالله المشعلي
دام عمك جمل ولا توانت عزومه = أنت أبو ما بغيت الا الجهل ما نطيعه
يا ابيض الوجه من جا نا قضينا لزومه = والحفاير وعدنا الصبح ولا تبيعه
=سالم بن حويسه
لا تلوم ابن عمك فالزمن لا تلومه = صابر والزمان الشين ما به نفيعه
المحارب تحرى حرب فرسه ورمه =لا توسط بصيفه قال يمكن ربيعه

=عبدالله المشعلي
ما نلوم العرب معطاه ولا محرومه=المهم العرب ما يخلفون الطبيعه
كل من يعترض حر الزمان وسمومه = أن وصل غايته ولا خذا له ذريعه

=سالم بن حويسه
نعرف ان اسما بالليل تسمر نجومه = والعرب تذرع خطوط البلاد السريعه
علم اللي يشب النار داخل هدومه = لا يطرف يمينه للسباع المجيعه

=عبدالله المشعلي
حالم الليل لا قمنا نفسر حلومه = أصبح العلم بين الناس كل يذيعه
ما حد يعترض له قوم ما هيب بقومه = وأنت مدري معى تميم والا ربعيه

=سالم بن حويسه
البلاد معروفه والشعوب محكومه = خل راسك تحت حكم الحصون المنيعه
الذهب ما قليل المال يقدر يسومه = وحافي الرجل لا يامن شرور النقيعه

=عبدالله المشعلي
البلاد معروفه والحيا اتبع وسومه = وأنت مثل الوحش في فراس عيطا رفيعه
وان شرينا وبعنا فالأمور محسومه = ما كسبنا المكاسب بالمكر والخديعه

=سالم بن حويسه
القضا جاك ما تقدر تدافع سهومه = والمخاطر علاج أهل العقول الصديعه
أمرحوا في سدير وتحت سدره ودومه = ومن يغير طريق الزمل نلعن صنيعه

=عبدالله المشعلي
الكحيلي نعرفه لو يشمر كمومه = ما قدر ينطح الغاره ولا سد ريعه
لا أنت خصمي ولا بيني وبينك خصومه = وعند راع الوداعه ما تضيع الوديعه

=سالم بن حويسه
ليه يا طير يا اللي ضيع الطقس حومه = الكحيلي يبارز بسيوف البتيعه
الثقه في بعض الأشخاص والله معدومه = وانت صت المهاة الجافل المستصيعصه

=عبدالله المشعلي
أرقب اللي تحرّى كل يومٍ قدومه=هذا رد البراء وأرزاق ربي وزيعه
حن شتانا بنجد وصيفنا في تنومه=صيدةٍ أتقفّاها والأخرى صريعه

الصريح
10 / 05 / 2010, 14 : 03 PM
صح السنتكم جميع
محاوره امتعت القارئ
ولا تحرمنا جديدك يابو مبارك
تقبل مروري ولك مني


اطيب المنى,

سفير النوايا الحسنه
11 / 05 / 2010, 38 : 01 AM
صح لسانك يابومبارك وصح لسان سالم

تقبل مروري.

صوت وصدى
11 / 05 / 2010, 11 : 03 AM
محاورة نارية وجميله ومشكور ابو مبارك

وانا اعتقد ان الصريح رد اول واحد بحكم صداقته المتينه مع ابن حويسه


وتراه بصف ابن حويسه ...
لمعلوميه

الطرقي
11 / 05 / 2010, 34 : 04 AM
صح السانك يابو مبارك
وبان التمكن ماشاء الله عليك وكذلك ابن حوسه ماقصر

زمان يافن
12 / 05 / 2010, 43 : 10 PM
صح السنتكم جميع
محاوره امتعت القارئ
ولا تحرمنا جديدك يابو مبارك
تقبل مروري ولك مني جزيل الشكر

راعي المقناص
17 / 05 / 2010, 55 : 08 PM
صح السنتكم على ه\ي المحاوره الجميله