المساعد الشخصي الرقمي

مشاهدة النسخة كاملة : قصيدة الدليهي مع الجمس.. ……


أبـو نـــــواف
05 / 10 / 2009, 48 : 05 PM
قصيدة الدليهي مع الجمس.. ……

الشاعر حمد ابن سعد الدليهي الخالدي احد الشعراء المعروفين في ساحة الشعر بالمنطقه الشرقيه ذواااق للشعر وله فيه شعره معانيه الساميه التي تنبيء بشاعر له قيمته الشعريه ..

هذه بعض ابيات من قصيده واصفا به الجمس حيث كان مولعا به الى درجة الجنوووون اتمنى ان تعجبكم ....

هذه القصيده بعد ايام من بيعه لجمسه الاخير ويقصد على لسانه وعلى لسان الجمس

الدليهي

ماعاد لك ياجمس في خاطري كرت / من يوم ساقوك الغشم والوراعين

انااشهد اني مـنك عـزلـت دبـرت / ماعـاد اطالــع فيـك ابطـارف العين



الجمس

الله واكـبر يـالـدلـيهي تـكـبــرت / خـلـيـتني شـفـقن بـركب السيادين

ماهو بحق اليوم عـني تـنـكرت / تلعبي الورعان وســـط الــبلاديــن



الدليهي

جار الزمن ياجمس فيك وتعثرت / ولانـسـيـتـك يــوم جـمع الـمـحـبـين

واليوم روح كنك اليوم مـاصرت / لاصار وقتك يجـمع الـزيـن والشين

الجمس

اذكر زمـان فـات كـانـك تذكـرت / حكمك علي حكم الرجال السـلاطـيـن

اسرفت فيني يالدليهي واسرفت / اسرفت بي سرف اليـهـود بفلـسطين

الدليهي
فكرت في مافات ياجمس فكرت / عديت نفسي مــن حســاب الـخبالين

كم مرة ضيقت صدري وبنشرت / والناس ماتاقف على الـدرب ماشيـن

الجمس

كم مرة فيـهـا زعـلـت وتكـدرت / وسريت بي فالـلـيل والناس مـمسين

في مطلبك يالخالدي ماتــعذرت / رفيق صافي لك على العسر واللـيــن



الدليهي

هيهات كم مره علينا تبـعثرت / وكم ورشة فيها مضالـك اسـبوعين

هذي طبوعـك كـلها ماتغـيرت / غربلتني وذهبتني ديـــــن في ديــــن

الجمس

يعني خلاص تقول يالخالدي برت / يوم انزلوا بالــمدن كــل البــداوين

ياما وردت العـد وامـرار صـدرت / على الوعر تعشيق من ثالث اثنين

وسط الغماره مع وليفك تـخدرت / وبدر الغريب يجاوب الصوت صوتين

الدليهي

يالعنبوك اسكت تراني تفجرت / وكل العلوم الماضيه جبـتهــا منــيـن

خلاص انا قررت شاريك قررت / وكل السوالف خلها فيك بــعــديــــن

بذبــح بدل حلفي كرامه وكفرت / والناس لوتزعل انـاوانــت راضــين

تمشي بي الدنيا وانا ماتطورت / ابيع واشري جمس خلفه قزوزيييين

أبو محمد
05 / 10 / 2009, 00 : 06 PM
يامرحبا ومسهلا بابو نواف 000000000000000000000000000لاهنت على المشاركه

أبـو نـــــواف
12 / 10 / 2009, 24 : 12 AM
أسعدني مرورك ياأبو محمد ومن قال مايهون.

تحياتـــــــــــــــــــــي.

عطـــر جـــاش
12 / 10 / 2009, 03 : 01 AM
قصيدة جميلة جدا مشكوووووور ابونواف

,, واعجبني البيت اللي يقول ,,

وسط الغماره مع وليفك تـخدرت / وبدر الغريب يجاوب الصوت صوتين

أبـو نـــــواف
15 / 10 / 2009, 56 : 09 PM
أشــكر مرورك وتعليقــك ياعطـــر جـــاش .

تحياتــــي للجميــــع.

بعيدة نظر
15 / 10 / 2009, 42 : 11 PM
حوار رائع وشيق بين الدليهي وجمسه ,,

قصه وقصيده راااائعه ومتميزه


دمت متميزا ورائعاا أبو نوااااف


,,,

أبـو نـــــواف
27 / 10 / 2009, 45 : 12 PM
أشــكر مرورك وتعليقــك ياشيخـــة الغـــلا .

تحياتــــي للجميــــع.