السلطان 7
03 / 10 / 2009, 20 : 12 AM
~~ خارطة الطريق ~~
يا ذا الجلال اللي عروشك فوق واملاكك حدر
ومهماً تسامت به عروشه مستحيل يطولهـا
يا حـي يـا قيّـوم يـا ذا الأنافـة والكبـر
ما نافسك في عظمتك مكر العبـاد وهولهـا
وما نافسك من عمّر بيوته على سطح القمـر
واللّي ترسي فوق اقاليـم الميـاه سطولهـا
ما انته بحاجة من عبد ولا بحاجة مـن كفـر
ولا بحاجـة ثابـت الدنـيـا ولا منقولـهـا
أنت السميع لمن حمد وأنت المزيد لمن شكـر
واللي ما يشكر نعمة المنعم عليـه تزولهـا
ياذا الجبروت العظيـم ويـا القديـر المقتـدر
تفزع لنا في معضلات مـا نريـس حلولهـا
تلعب بنا خلاّن فرغتنـا كمـا لعـب الكـور
أن اقبلت صاحوا لها وأن دبّرت صاحوا لهـا
لا هبّنا الطايف بعض الأحيان في فية عصـر
شهب الليالي مـن ورانـا يسحبـن ذيولهـا
أنت السلام اللي لك الإسلام وانت المشمخـر
اللي عجايب قدرتك فـي المعجبيـن ذهولهـا
سلام يا محمد رسول الله راعي الوجه الأغـر
وسلام يا روح ملائكـة السمـا صلّـوا لهـا
سلام يا بو بكر يا عثمان يـا علـي وعمـر
وسلام يا سبع الآفـاق أطلالهـا وسفولهـا
سلام يا صدق النوى سلام يا وسـع الصـدر
سلام يـا مفتـاح بيبـان الفـرج وقفولهـا
وسلام يا شمس الضحى تشرق على بر وبحر
وتشرق على كل الديـار جبالهـا وسهولهـا
وسلام يا غر السحاب اللـي تبجـح بالمطـر
وشم الجبال اللي تبجـح بالسحـاب قذولهـا
وسلام يا هوج الرياح اللي عطاهـا مستمـر
مهما خذوا منها من الحسنات مـا ردوا لهـا
ليت الرحاب اللي لنا بوجيههـا حـق وقـدر
ما تضمحل من الزمان ولا نشوف سمولهـا
و ياليتنا لاما سرحنا اليوم الأبيض من فجـر
تبطي عبات الليل ما تضفي عليـه سدولهـا
ولاّ ليامنهـا ضفـن سدولهـا يطلـع بـدر
يا صل ضياه اللي على الكوره تطق طبولهـا
المعتبر يآخذ على الدنيا دروس مـن العبـر
والنـاس يكسبهـا معاملهـا بقـد عقولهـا
أحيان تصدف لعبة الشاطر مع غلطـة عمـر
مره .. لكن لا عدت الغلطة ما عـاد ينولهـا
حنا عرفنا كلنا ما طـال مـن شـيء قصـر
والأحلام ماتوا قبلنا شرهين ما وصلـوا لهـا
حتى الجمال اللي تحمّلها الهقـاوي بالصبـر
يالله بحملتهـا تقـوم وتــدّرج بحمولـهـا
والحب سيسـان العبـادة والعبـادة بالجهـر
ان ما قدرت تقولها وجـه الصحيـح يقولهـا
يسرون عميان المحبة تيه في غـدرا الغـدر
للي تحـد سيوفهـا واللـي تعـن خيولهـا
ولا تفكر فـي غنـاة ولا تفكـر فـي فقـر
وتشفع لبيضان الصدور احضوضها وفعولهـا
واهل التكلف بالمعرفـة والتصنـع بالبشـر
والله ما هي حول الصحيح ولا الصحيح بحولها
اللي يفضّل ما يقيم بو ميه مـن بـو عشـر
حتى الفضولية عن الفاضـل بطـل مفعلوهـا
اللي تخبره لحيته ذا ..طولهـا يصبـح بـزر
واللي تخبره بزر يصبح لحيتـه ذا ..طولهـا
...........................................
الا يالهبـوب البـاردة عجـلـي هـبـي
على جاش مـن قامـت هواجيسـه تلوبـه
انـا مـرةٍ اصـحـى ومــره يغيـبـي
واسـرح معـا كثـر الطـواري بغيبوبـه
الا يادهـر مـا هـو بـحـقٍ تلاعـبـي
وخليتـنـي لمـقـرد الخـلـق لعبـوبـه
عـبـادٍ مغفلـهـا الـزمـان وتعجـبـي
يحسبون قـل المـال فالرجـل عذروبـه
وانـا قانـعٍ باللـي علـي كاتبـه ربـي
ومؤمـن بمقـدوره وقـانـع بمكتـوبـه
ولا ابغى عمـى الاريـا برايـه يجربـي
وهو ما عرف ماجوب ربي ومـا جوبـه
هدور المجالـس راعـي المـدح والسبـي
وهو بالخلا لو جـاه بنـتٍ خـذت ثوبـه
يقولون لي تـب مـن تصرفـك وتحبـي
وهي توبتي مـن مجتمعهـم هـي التوبـه
ديـار الوبـا مـن طبهـا راح متـوبـي
وقرابة الجربـا علـى الحـول مجروبـه
انا عارفٍ منصـاي ليـا مـن بـدا نبـي
وعارف طريقي والـذي باتجـه صوبـه
وانا اعرف من اعادي وانا اعرف من احبي
وبه نـاس لاتعـرف ولاهـي بمحبوبـه
.................................................. ......
المـــمـــاشـــــــي
لاتخالفت المماشـي تخالفـت الـدروب
مـع مـن يعنيـك ويقـدرك وتـقـدّره
والبشر محدٍ على شف غيره بمغَصوب
مـن بغالـه شعـب فيسنـده ويحّـدره
والأدمي ماهوب يدري بسـدات الغيـوب
وارد المـا مايدلّـه يـاكـود مـصّـدره
ولا تجيك الحصبه الا من فراش امحصوب
وحبة الجدري تجي من فـراش مجّـدره
...........................................
آه يا قلب ياللـي دايـمٍ فـي ذهـول
والله انه ثقيـلٍ ليـن جـوه الثقـال
يا قطـاة العبيّـه يـا هيـام الذلـول
يا عيون النداوي يـا رقبـة الغـزال
نور وجهك على من شاف منك القبول
نور صبحٍ تبسّم فـي رهـاد الجبـال
كنّي اقرا على طـرّت جبينـك تقـول
انا قلبـي يحبـك يـا حبيبـي تعـال
كان قدّمي حدٍ فالحـب راح امهبـول
والله انه خطيـرن لا يجينـي اهبـال
المحبـه جملهـا مرسـلٍ وامعقـول
لعنبو من يقـول ان المحبـه اخبـال
والذي ليلة الاسراء عرج بالرسـول
ان حبك لحال وحـب غيـرك لحـال
............................
إحـــدة قصائــــده الجميله
بدون نقط ....
مع الهم والوسواس والسهر والولـوال
ادله هموم الصـدر والصـدر مادلـه
سهوم الوساع السود لأهل الهوى سلال
لاسلهـم سلهامـه سهـوم مرسلـه
أحاول على حلو الحـلا وهـو محـال
وحاول ودار الحـول وعملـه عملـه
هو اللولوه وهو الدراهم ورأس المـال
وما لاملك لـه لولـوه لاحـلال لـه
يا ذا الجلال اللي عروشك فوق واملاكك حدر
ومهماً تسامت به عروشه مستحيل يطولهـا
يا حـي يـا قيّـوم يـا ذا الأنافـة والكبـر
ما نافسك في عظمتك مكر العبـاد وهولهـا
وما نافسك من عمّر بيوته على سطح القمـر
واللّي ترسي فوق اقاليـم الميـاه سطولهـا
ما انته بحاجة من عبد ولا بحاجة مـن كفـر
ولا بحاجـة ثابـت الدنـيـا ولا منقولـهـا
أنت السميع لمن حمد وأنت المزيد لمن شكـر
واللي ما يشكر نعمة المنعم عليـه تزولهـا
ياذا الجبروت العظيـم ويـا القديـر المقتـدر
تفزع لنا في معضلات مـا نريـس حلولهـا
تلعب بنا خلاّن فرغتنـا كمـا لعـب الكـور
أن اقبلت صاحوا لها وأن دبّرت صاحوا لهـا
لا هبّنا الطايف بعض الأحيان في فية عصـر
شهب الليالي مـن ورانـا يسحبـن ذيولهـا
أنت السلام اللي لك الإسلام وانت المشمخـر
اللي عجايب قدرتك فـي المعجبيـن ذهولهـا
سلام يا محمد رسول الله راعي الوجه الأغـر
وسلام يا روح ملائكـة السمـا صلّـوا لهـا
سلام يا بو بكر يا عثمان يـا علـي وعمـر
وسلام يا سبع الآفـاق أطلالهـا وسفولهـا
سلام يا صدق النوى سلام يا وسـع الصـدر
سلام يـا مفتـاح بيبـان الفـرج وقفولهـا
وسلام يا شمس الضحى تشرق على بر وبحر
وتشرق على كل الديـار جبالهـا وسهولهـا
وسلام يا غر السحاب اللـي تبجـح بالمطـر
وشم الجبال اللي تبجـح بالسحـاب قذولهـا
وسلام يا هوج الرياح اللي عطاهـا مستمـر
مهما خذوا منها من الحسنات مـا ردوا لهـا
ليت الرحاب اللي لنا بوجيههـا حـق وقـدر
ما تضمحل من الزمان ولا نشوف سمولهـا
و ياليتنا لاما سرحنا اليوم الأبيض من فجـر
تبطي عبات الليل ما تضفي عليـه سدولهـا
ولاّ ليامنهـا ضفـن سدولهـا يطلـع بـدر
يا صل ضياه اللي على الكوره تطق طبولهـا
المعتبر يآخذ على الدنيا دروس مـن العبـر
والنـاس يكسبهـا معاملهـا بقـد عقولهـا
أحيان تصدف لعبة الشاطر مع غلطـة عمـر
مره .. لكن لا عدت الغلطة ما عـاد ينولهـا
حنا عرفنا كلنا ما طـال مـن شـيء قصـر
والأحلام ماتوا قبلنا شرهين ما وصلـوا لهـا
حتى الجمال اللي تحمّلها الهقـاوي بالصبـر
يالله بحملتهـا تقـوم وتــدّرج بحمولـهـا
والحب سيسـان العبـادة والعبـادة بالجهـر
ان ما قدرت تقولها وجـه الصحيـح يقولهـا
يسرون عميان المحبة تيه في غـدرا الغـدر
للي تحـد سيوفهـا واللـي تعـن خيولهـا
ولا تفكر فـي غنـاة ولا تفكـر فـي فقـر
وتشفع لبيضان الصدور احضوضها وفعولهـا
واهل التكلف بالمعرفـة والتصنـع بالبشـر
والله ما هي حول الصحيح ولا الصحيح بحولها
اللي يفضّل ما يقيم بو ميه مـن بـو عشـر
حتى الفضولية عن الفاضـل بطـل مفعلوهـا
اللي تخبره لحيته ذا ..طولهـا يصبـح بـزر
واللي تخبره بزر يصبح لحيتـه ذا ..طولهـا
...........................................
الا يالهبـوب البـاردة عجـلـي هـبـي
على جاش مـن قامـت هواجيسـه تلوبـه
انـا مـرةٍ اصـحـى ومــره يغيـبـي
واسـرح معـا كثـر الطـواري بغيبوبـه
الا يادهـر مـا هـو بـحـقٍ تلاعـبـي
وخليتـنـي لمـقـرد الخـلـق لعبـوبـه
عـبـادٍ مغفلـهـا الـزمـان وتعجـبـي
يحسبون قـل المـال فالرجـل عذروبـه
وانـا قانـعٍ باللـي علـي كاتبـه ربـي
ومؤمـن بمقـدوره وقـانـع بمكتـوبـه
ولا ابغى عمـى الاريـا برايـه يجربـي
وهو ما عرف ماجوب ربي ومـا جوبـه
هدور المجالـس راعـي المـدح والسبـي
وهو بالخلا لو جـاه بنـتٍ خـذت ثوبـه
يقولون لي تـب مـن تصرفـك وتحبـي
وهي توبتي مـن مجتمعهـم هـي التوبـه
ديـار الوبـا مـن طبهـا راح متـوبـي
وقرابة الجربـا علـى الحـول مجروبـه
انا عارفٍ منصـاي ليـا مـن بـدا نبـي
وعارف طريقي والـذي باتجـه صوبـه
وانا اعرف من اعادي وانا اعرف من احبي
وبه نـاس لاتعـرف ولاهـي بمحبوبـه
.................................................. ......
المـــمـــاشـــــــي
لاتخالفت المماشـي تخالفـت الـدروب
مـع مـن يعنيـك ويقـدرك وتـقـدّره
والبشر محدٍ على شف غيره بمغَصوب
مـن بغالـه شعـب فيسنـده ويحّـدره
والأدمي ماهوب يدري بسـدات الغيـوب
وارد المـا مايدلّـه يـاكـود مـصّـدره
ولا تجيك الحصبه الا من فراش امحصوب
وحبة الجدري تجي من فـراش مجّـدره
...........................................
آه يا قلب ياللـي دايـمٍ فـي ذهـول
والله انه ثقيـلٍ ليـن جـوه الثقـال
يا قطـاة العبيّـه يـا هيـام الذلـول
يا عيون النداوي يـا رقبـة الغـزال
نور وجهك على من شاف منك القبول
نور صبحٍ تبسّم فـي رهـاد الجبـال
كنّي اقرا على طـرّت جبينـك تقـول
انا قلبـي يحبـك يـا حبيبـي تعـال
كان قدّمي حدٍ فالحـب راح امهبـول
والله انه خطيـرن لا يجينـي اهبـال
المحبـه جملهـا مرسـلٍ وامعقـول
لعنبو من يقـول ان المحبـه اخبـال
والذي ليلة الاسراء عرج بالرسـول
ان حبك لحال وحـب غيـرك لحـال
............................
إحـــدة قصائــــده الجميله
بدون نقط ....
مع الهم والوسواس والسهر والولـوال
ادله هموم الصـدر والصـدر مادلـه
سهوم الوساع السود لأهل الهوى سلال
لاسلهـم سلهامـه سهـوم مرسلـه
أحاول على حلو الحـلا وهـو محـال
وحاول ودار الحـول وعملـه عملـه
هو اللولوه وهو الدراهم ورأس المـال
وما لاملك لـه لولـوه لاحـلال لـه