المساعد الشخصي الرقمي

مشاهدة النسخة كاملة : هـــــذا غـــــــرامــــي ســـــــمـــــــه الــــلـــي تســــــــــمـــــــيــه


خط القدر
17 / 09 / 2009, 56 : 03 PM
هذا غرامي سمّه اللي تسمّيه
جنون..عشق.. او سمّه اللي بدالك
يا صاحبي ما عاد تفرق معانيه
القصد حبك والاماني وصالك
كلا ولا في شي عندي اخفيه
الحب لك والقلب عاشق دلالك
حلفت غيرك بالمخاليق ما بيه
ولا خطر في بالي إلاّ خيالك
قلبي على كفي هديه لغاليه
والعُمر كله ياحبيبي حلالك
لا والذي زيّن جمالك وسوّيه
ماله طبيباً ياحبيبي بدالك
مجروح وانت اللي بيدك تداويه
يا روح روحه جعل روحه فدالك
لا تبتعد عن عاشقك لالا تخليه
وحيد في دنياه وانته لحالك
العُمر فاني والدقايق لياليه
لا تخسره ياصاحبي من قبالك
انا سمير الهم ليلي اقضيه
والصبر كسّر كل حلماً يطالك
ما غير طيفك كل لحظه اناجيه
في خلوتي واتنشده كيف حالك ؟؟

زمان يافن
26 / 09 / 2009, 45 : 05 PM
مشكور خط القدر

kk
26 / 09 / 2009, 24 : 06 PM
مشكوووووووووووووووووور خط القدر :)

ناصر بن هذال
26 / 09 / 2009, 13 : 07 PM
يعطيك العافيه.
سؤال: هل الابيات لك ؟

خط القدر
26 / 09 / 2009, 56 : 10 PM
مشكور خط القدر




الشكر موصول لك اخي الكريم

لمرووووووووووورك بمتصفحتي

خط القدر
26 / 09 / 2009, 57 : 10 PM
مشكوووووووووووووووووور خط القدر :)



نورتني ياعبودي

خط القدر
26 / 09 / 2009, 58 : 10 PM
يعطيك العافيه.
سؤال: هل الابيات لك ؟


مشكور ابو هذال لمرووووووووووورك


لا والله الابيات منقوله