وين الشاعر (ابوشهد )

[الطرقي]

يابن سمران مدري ويشهو مستواك =ويش عندك شهاده تعتبر عاليه
ان كان تبغى العطايا ربي عطاك =من جوايز قبيلتنا لك التاليه

[الطرقي]

يابن قحطان وينك فيه داعي (ن) دعاك = المداهيل عقبك صفصف (ن) خاليه
رد لي الصوت رده لاعدمنا نباك =سيف ابو زيد ينهي بعض الاشكاليه

[القحطاني]

يم الاجواد يالطرقي وش اللي حداك= وش تبي بالشيوخ اصحاب الامواليه
قبل نبحث خفا الاجواد نبحث خفاك = قلتها والمحاور معك يحلا ليه

[الطرقي]

صلب جدي وربعي قبل هاذا وذاك =( وافتخاري بهم )ياطيّب الفاليه
قبل تبحث خفايانا بتاصل مداك =ورانا ذا العلوم ان كان تحتاليه

[القحطاني]

يابو زيد الهلالي قل لنا وش بلاك= ماتبي للعرب مرة ولا حاليه
واقف في طريق الناس تومي عصاك= ما علي منك في الاولى ولا التاليه

[الطرقي]

ودي اخذ معك وعطي وعلمي عفاك =ان كان ما جاتكم الاخبار متتاليه
شاركو قبل تمضي فترة الاشتراك= لازم (ن) تبعثون بقايم اعماليه

[القحطاني]

لا توضح مصادر علمنا نافداك = مانحب الرياء في كل الاحواليه
مير الاجواد لا خالف هواهم هواك = قام واديك سيله يضرب الجاليه

[الطرقي]

اسعد الله صباحك واسعد مساك=ياعسى ماندوّر فيك الابداليه
انت لاشفت ذا الاجواد جاك ارتباك =حطهم في رصيدك عملة غاليه

[القحطاني]

ما يسوق المعاني يمك الا غلاك = وكل كلمة تجي من صاحبي غاليه
لا تفتش ياطرقي داك داخل دواك = كل ما شفت ليلى قلت يا لا ليه