المساعد الشخصي الرقمي

مشاهدة النسخة كاملة : محاورة الطرقي والقحطاني


القحطاني
06 / 06 / 2009, 38 : 12 AM
سلام يالطرقي عدد ما ساقت النود السحاب = يا شاعر عنده ثقة في النفس والمخرج ملي
ما هو من اللي يختلف لا عض ناب فوق ناب = اعرف نظامة مايسير بعكس والمخرج ملي

الطرقي
06 / 06 / 2009, 02 : 06 AM
يامرحبا بك ياقحطاني بعد ماطال الغياب =اطلع بمطلاعك طلوع الشمس والمخرج ملي
مليت مدحك ببجديات التشره والعتاب =ماتدري ان اليوم غير الامس والمخرج ملي

القحطاني
06 / 06 / 2009, 19 : 09 AM
تزعل وانا باقي مقفل للمعاني كل باب = وراك يابو زيد شكلك عمس والمخرج ملي
ان لم تكن ذيب على ماقيل تاكلك الذياب = ياللي تمشى من جيان لمكس والمخرج ملي

الطرقي
06 / 06 / 2009, 00 : 01 PM
انا ادري ان بندق سعد مشحونه وفوق الزهاب =البندق ام الخمس فيها خمس والمخرج ملي
الله يجنبنا الخطاء والله يقدينا الصواب =واعرف قلبك كيف احمسه حمس والمخرج ملي

القحطاني
06 / 06 / 2009, 18 : 03 PM
مالي ومال البندق اللي راح راعيها وغاب= اللي يثورها الرعد واللمس والمخرج ملي
وش ذا الحروف اللي لفتنا زايدة وسط الكتاب = لكن نبي نطمس عليها طمس والمخرج ملي

الطرقي
06 / 06 / 2009, 12 : 11 PM
ياطير شلوى من تنشّد لازم يلقى الجواب =اما اخذ ليلك باوله والا امس والمخرج ملي
الله يعينك تحتمل جور الشدايد والعذاب =من قبل طمسك يابعيد الرمس والمخرج ملي

القحطاني
07 / 06 / 2009, 04 : 12 AM
هذي السنة شبنا وهذيك السنة كنا شباب = والطايرة تحتاج طول وكبس والمخرج ملي
حنا على حسب السؤال اللي يجي نعطي جواب= وانته تمشيها ضنون وحدس والمخرج ملي

الطرقي
07 / 06 / 2009, 41 : 01 AM
مادام شايب ويش حدك للذهاب وللاياب=ريّح ضميرك يالهلاله وانس والمخرج ملي
اظن فيك بظن طيب وياعسى ظني ماخاب =لازال فهمك فيه مثل البس والمخرج ملي

القحطاني
07 / 06 / 2009, 17 : 09 AM
تراك لا طال المدى ياشيخ نوخت الركاب = تصبح سواليفك شوي وهمس والمخرج ملي
على عيونك يا زميلي من بعض الاشياء ضباب = جنك تعاملهم معامل الانس والمخرج ملي

الطرقي
07 / 06 / 2009, 59 : 08 PM
ما هوب انا اللي تقصر اعزومه من حدود الصعاب =وعلم الحيا قد جاك لكن عس والمخرج ملي
كل على حسب العمل يجزاء و دقق في الحساب = والله ما نخصم عليكم فلس والمخرج ملي

القحطاني
07 / 06 / 2009, 15 : 09 PM
احد يخاف من الحكي واحد يخاف من العذاب=واحد رخو حبله يبي له مس والمخرج ملي
ماشفت مندوب الجزيرة يوم جانا بالخطاب= لكن كتبناله على نفس الرساله طس والمخرج ملي

الطرقي
07 / 06 / 2009, 48 : 10 PM
ذا الحين توك تنتبه لذنوبك وتبغى الثواب =الحمد لله عاد فيك الحس والمخرج ملي
اللي لقينا با سمك مسجل قسيمة الا كتتاب=لكن ربحك من وراها طفس والمخرج ملي

القحطاني
08 / 06 / 2009, 06 : 12 AM
القشله اللي عشعش بجدرانه طير الغراب=ماعند اهلها غير فجل وخس والمخرج ملي
نبي نوطيها السهل نبي نرقيها الهضاب = نبي نوصلها مضارب عبس والمخرج ملي

الطرقي
08 / 06 / 2009, 16 : 08 AM
وشلون ما جاء فيك منها لا نفور ولا ارتيباب =ومعامله احدى الفواسق رجس والمخرج ملي
ومن وين ما يممت توّك كل مالذا وطاب = يغدق بذخها لين تنطق بس والمخرج ملي

القحطاني
08 / 06 / 2009, 20 : 09 AM
لكن بعض الناس ضاقت به وسيعات الثياب=صار الكبر مغروس وسطه غرس والمخرج ملي
صف الكلام وقال مامثلي مشى فوق التراب=يمشي مع اللفات ويقول ارس والمخرج مي

الطرقي
08 / 06 / 2009, 16 : 12 PM
ما فيه شي (ن) يحمّل الضيقات يا دمث الجناب =والكبر يطلع من ضعيف النفس والمخرج ملي
لوتسمع ان ابليس تاب ا تصدق ان ابليس تاب =فكر وقلي لا فهمت الدرس والمخرج ملي

القحطاني
08 / 06 / 2009, 23 : 02 PM
اللحمه اللي وقفت مابين ضرس وبين ناب = مدري تجي في الناب والا الضرس والمخرج ملي
الرابح اللي ياعميلي من هداه الله واناب=ويكب منه كل خلق شرس والمخرج ملي

الطرقي
09 / 06 / 2009, 28 : 08 AM
حنا على وارد الايجار اللي بدا فيها الخراب=وش رايك نرجع مديل الهبس والمخرج ملي
الطرق راحت موضته والقاف في الطاروق شاب =والوضع كله بين روم وفرس والخرج ملي

ابوعساف
23 / 10 / 2009, 55 : 05 AM
الطرقي *القحطاني
صحة السنتكم جميعآ
وبصراحه انا عجزت اقرر امسك صف مين
كلكم رائعين بس حسب القرعه
ولكي نبتعد عن العنصريه انا بمسك صف
الطرقي ونخليك يالقحطاني على الصامت
تحياتي

الصريح
24 / 10 / 2009, 13 : 03 PM
ابوعساف ماتبي العنصريه اعكسها
ابيات واضحه
وتحياتي لك وللشاعرين


اطيب المنى,

ابوعساف
26 / 10 / 2009, 36 : 11 PM
اخي الصريح شكلك مافهمت علي
انا تراني مع الطرقي ماني مع القحطاني
بس عسى الله يجيب القحطاني كنه ابطا

القحطاني
25 / 12 / 2010, 53 : 11 AM
تبون الصراحة
اول مرة افكر في هذه المحاورة
وصراحة نبي تقرونها مرة ثانية
يمكن يستفيد منها بعض الناس