المساعد الشخصي الرقمي

مشاهدة النسخة كاملة : محاورة بين عايض بن حيبان ومناحي معدي


مناحي معدي المسردي
26 / 05 / 2009, 57 : 08 AM
سلام ياعايض ولد حيبان والدنيا عبر= اما توقع الاوله ولا تطير الثانيه
اترك حجر يا صاحبي واحذف حجر واقلب حجر = فكر وقدر والرشاء من فوق متن السانية

أبو محمد
26 / 05 / 2009, 58 : 05 PM
خاوووووووها
يامرحبا والله يحييكم تحيات المطر = قبل السوالف في اليدين الهادمه والبانيه
عندك خبر لكن مدري ويش عندك من خبر=يامطّوع الرحمن والدنيا باهلها فانيه

مناحي معدي المسردي
26 / 05 / 2009, 35 : 06 PM
انته معك وجهة نظر وانا معي وجهة نظر = اللي يضيع حجة بيده هو الغلطانيه
يا بو محمد ما نسير الا على نور القمر = واليا غبي نور القمر بسم الله الرحمانيه

أبو محمد
26 / 05 / 2009, 00 : 08 PM
قال المثل ياصاحبي ما طال من شي(ن)قصر =يمكن تضيع حقوق ذو القربى وحق العانيه
واللي يمصون العجم ما هم بيعطون التمر=الله يحاسب من جعلها من وراء العدوانيه

مناحي معدي المسردي
27 / 05 / 2009, 02 : 12 AM
الله يثبتنا على الدرب الصحيح المعتبر= للطيبين حقوق وانت تعلم العربانيه
بغت تضيع السالفة من بيننا والله ستر = لكن صح الله لسانك ياولد حيبانيه

أبو محمد
27 / 05 / 2009, 16 : 01 AM
ما فيه شك والنوايا كلها عز وقدر=والثقل بالميزان لكن وينهو الميزانيه
شعيل با قي ما ردعه الطلي من فوق الوبر =خاين وجاء في ساقته كم بلحط خوانيه

مناحي معدي المسردي
27 / 05 / 2009, 36 : 06 AM
انته وراء الخط الحمر ولا على الخط الحمر = الوضع عادي وانت لا راضي ولا زعلانيه
خل العرب تاخذ وتعطي في الحقايق والصور = اللي يعلكون السوالف مثل علك البانيه

أبو محمد
27 / 05 / 2009, 50 : 07 AM
عسى عيونك سالمه ماصابها قصر النظر=انكان مافيها (قصر) عندك عمى الالوانيه
وش قال مندوب الخليفه بعد ما جاء في مصر = ياطير شلوى نعرف الفاضي من المليانيه

مناحي معدي المسردي
27 / 05 / 2009, 10 : 11 AM
ما عند رعيان المعيز يكون رعيان البقر = وكل السوالف في مجالسهم عن الرعيانيه
وام الديوس محينه والناس ذابحها الفقر = واليا ذبحك الجوع فاحلب ناقة اليتمانيه

أبو محمد
27 / 05 / 2009, 45 : 11 AM
وش ذا السوالف والردود اللي لها بطن وظهر=وش ذا التواضع والوفاء والرقه المتفانيه
ماكنت احسب انك تحب اجواء الحضاره والحضر =اثرك مع اصحاب الحضاره تطمر الجرفانيه

مناحي معدي المسردي
27 / 05 / 2009, 13 : 12 PM
حنا تعلمنا الادب والشكر يجزا بالشكر = خل البداوة للبدو وتصير حلو لسانيه
احد يموت من الضماء واحد يموت من القهر = واحد من الحسرة يطق الراس بالضلعانيه

أبو محمد
27 / 05 / 2009, 22 : 11 PM
اللي مدرسك الادب لونه مولانا الخضر=عندك تناقض مايغطى في بعض الا حيانيه
قالو (مصر) فيما مضى تجعل هزيمتها نصر=ياللي على مبدا مصر صدقتو الاعلانيه

مناحي معدي المسردي
28 / 05 / 2009, 43 : 06 AM
مادام ربي واهبك يا صاحبي سمع وبصر = وشبك تشب النار ثم تضيع في الدخانيه
ترى السوالف ياعميلي ماحد(ن) منها تجر = لكن جر عواك تالي الليل يا سرحانيه

أبو محمد
30 / 05 / 2009, 01 : 03 AM
الحمد للوهاب علاّم الخفايا والجهر=اللي عطاني ما يميزني على الاخوانيه
ان كأن ماتبغى السوالف غيّر الدعوى واسر=اظن محدا" واقف توك على البيبانيه

مناحي معدي المسردي
30 / 05 / 2009, 00 : 06 PM
الله يعين اهل العيون اللي يعانون السهر = والله يعين المبتلى والمغرم الولهانيه
واكبر ضرر بعد السهر للعين لابان السفر=واكبر مصيبه للمحب مفارق الخلانيه

أبو محمد
30 / 05 / 2009, 00 : 11 PM
يامطّوع بريده كذا 00 والا00 كذا مالك مفر =لازال قلبك مثل ماهو مادخله ايمانيه
الدقن معفيّه ولكن باقي القلب اخضر=نفسك على ماقيل تشعفها ذلول اعمانيه

مناحي معدي المسردي
31 / 05 / 2009, 14 : 06 PM
انا اعترف بالموهبه من زيد ولا من عمر = وانته تبي تخفي حقيقتها بعض الاحيانيه
اللي عطاك الموهبه اعطى كثير من البشر =وانته كذا ولا كذا قلي يابن هرسانيه