المساعد الشخصي الرقمي

مشاهدة النسخة كاملة : قصيده للأمير:محمد الأحمد السديري


القرم
13 / 05 / 2009, 49 : 02 AM
إن صار زود المال بيدين الانذال=== حنّا من المعروف تندا يدينا
وان كانهم شرهوا على طيب الافعال===حنّا وردنا جمامها وارتوينا
وان فكّروا للجود يمشون رحّال===حنّا قبل يمشون يّمه خطينا
يا ما لبسنا للشرف كل سربال===وعلى البسيطة للفضيلة مشينا
في دوحة العربا لنا مجد وظلال===وحنّا على در المكارم غذينا
لو نجمع اللي فات منا من المال===إن كان شيدنا القصور وبنينا
نعطي ولا نتبع عطانا بالاقوال===ونبذل ونسكت كننا ما عطينا
وان باعوا الشيمة بدينار وريال===حنا دخلنا سوقها واشترينا
نطلع لها لو هي على روس الاقذال===لو هو عسير ٍ دربها ما انثنينا
بافعالنا نرسم دروب ٍ للاجيال===إلي نساها غيرنا ما نسينا
أسود سادات ٍ تسجل للاشبال===فضايل ٍ شمنا لها واهتدينا
بيض ٍ نسجلهن جديدات وسمال===حفايظ ٍ لاحفادنا اللاحقينا
نصبر على الشّدات لو شيلنا مال===لو سال دم دفوفنا ما شكينا
نخاف يلقى سدنا كل ختّال===ويبني هزيلات المعاني علينا
الليل يا خالد على والدك طال===وهنّيت ناس ٍ بالكرا نايمينا
يا عز راسي شفت ما خبث البال===شي ٍ يهوّل شيّب الجاهلينا
شي ٍ من اسبابه يشيب بالاطفال===فطّر خشوم مهجرعات الحنينا
أدير قالات ٍ عريضات وطوال===قالات خلنّ المخفىّ يبينا
منهن رزين العقل بالوقت يهتال===بوقت ٍ عبوس ٍ فطّن الغافلينا
وقت ٍ من اسبابه شكى كل ريبال===نصبر ونسكت كننا غايبينا
الناس بالأيام راحل ونّزال===تفجعهم الدنيا وهم دالهينا
وحيات رب ٍ نزل آيات الانفال===عالم خفايا نية الحاقدينا
ما اترك طريق العدل في كل الاحوال===لو يرحل المريخ للفرقدينا

تحياتي .

أبوعبدالله
13 / 05 / 2009, 29 : 03 AM
القرم فعلا قصيده تستحق الطرح لما تحمله من معانية كبيره
وقد اعجبني قوله رحمة الله .
لو نجمع اللي فات منا من المال===إن كان شيدنا القصور وبنينا
نعطي ولا نتبع عطانا بالاقوال===ونبذل ونسكت كننا ما عطينا

وايضا من قصائده التي أعجبتني كثيرا في الحكم ..
لولا الهرم والفقر والثالث الموت ::: يالا دمي بالكون ياعظم شانك
سخرت ذرات الهوى تنقل الصوت ::: وخليتها اطوع من تحرك بنانك
جماد تكلمها وهي وسط تابـــــوت ::: تاخذ وتعطي ماصدر من بيانك
وعزمت من فوق القمر تبني بيوت :::من يقهرك لو هو طويل زمانك
لولا الثلاث وشان من قدر القوت ::: نفذت كل اللي يقوله لسانك

تحياااتي لك يالقرم

القرم
13 / 05 / 2009, 44 : 02 PM
مشكور أخوي أبو عبدالله على مرورك الجميل .
تحياتي لك.

أبو الطيب المتنبي
19 / 06 / 2009, 14 : 04 AM
قصيدة جميلة من شاعر جميل ..... الله يرحمك يالسديري ........

القرم شكرا على النقل من جد أعجبتني .........

تقب مروري !!!!!!!!!!!!