وينك ياخالد

[الطرقي]

الا يا خالد ابن معدي نزعّلك ونراضيك=على وضح النقاء والعلم له نهجه ومدلوله
انا في ذمتي ماقول فيك وفيك مالا فيك =ولكن عيبك اللي فيك قلي ليش ماقوله

[خالد بن معدي]

الأخ الطرقي آسف على التأخير وأقسم بالله اني لم انتبه لها الا اليوم واكرر اسفي وانا من زمان اتمنى اللعب معك وهذا من ما يزيدني شرف

عقب طول البطا يالطرقي ارحب والله يحييك = تفضل والعلوم اللي تجينا منك مقبوله
لك الله كلنا نخطي لكن ياخوك وش حاديك = تفتش في عيوب الناس والاسباب مجهوله

[الطرقي]

يدوم بك البقاء ياللي ترحب والله يعافيك =ولا يستغرب الناموس من مربّاه وزحوله
خطايا الناس واجد والحقايق مابها تشكيك=ومثلك عارف(ن) ما ينقض المعنى ومفتوله

[خالد بن معدي]

ليا رحبت بك هذا دليل اني بعد مغليك =على عز وشرف ونفوسنا بالطيب مكفوله
ابامشي معك في موضوعك اللي قلت واجاريك =لعل الكنترول يبين المستور وحلوله

[الطرقي]

على نهج الغلا ياخالد انهج هيك 00والا00هيك=يقولون ابو جوخ وجبخانه يضرب طبوله
وانا مدري تبي صرف الجواهر كاش والا شيك=تخيّر كيف تبغى صرفها والدار منزوله

[خالد بن معدي]

تخيرني وحبل السالفه وخطامها في ايديك = وانا خابرك سباح البحر في عرضه وطوله
وانا ما ادري وش اللي دخلك في شي ما يعنيك= عليك الله اكبر كلمتك ماهي بمعقوله

[الطرقي]

انا أبغى حاجة في خاطري ياصاحبي وأبغيك =على درب الصحيح بعيد عن الازوال والضوله
انا اللي قلت شي(ن)واقعي في الحق ما يذيّك = واذا لك فيه أذاء فبعد من العامل ومحصوله

[خالد بن معدي]

تبيها يا طويل العمر في هذيك ولا ذيك = على ماتشتهي ما عندي الا الغاز ابو كوله
ترى الميت يزيدك بالغبينه والكفو يحييك = وهذي كلمة (ن) من ساير العربان منقوله

[الطرقي]

مادام الغاز عندك ولعه وأبشر بمن يكويك=على فرغ الدماغ بميسمه والباقيه حوله
حياتي فوق قدرك واجتهادك غير لا يغويك=خيال (ن) غطرسي (ن)والمواهب فيه مصقوله

[خالد بن معدي]

تداعا بالشفا واثرك مريض الله لا يشفيك = لعلك غرفة (ن) فـ شهار مقفوله ومعزوله
نواياك الخبيثه تنزلك فالقاع وترقيك = ويميني عن مصافح مثلك وشرواك مشلوله

[الطرقي]

يقولون الدعاء طبع النساء والغيض لا يعميك=علامه فار دمك واحن باقي فأول الجوله
عن النيات يدري ربنا والا أنت وش يدريك=مع عمّك تبي تبسط يدّه وأيديك مغلوله

[خالد بن معدي]

تنصى للكلام وكل هرجي ماهو بناصيك = انا في دولة(ن) وانت الله يسلمك في دوله
ولكن من غلا صاحبك بسامحك واعدًيك = واردك للطريق الملتوي وتعدل ميوله

[الطرقي]

اذا هرجك مايعنينا لابله هرجناّ يعنيك =مدام انها كذا(مطلوب )عند الحق وعدوله
وانا لاجل الصحيب اعاين لخاطرك واداريك = لا الله ثم هو كان السلال الحدب مسلوله

[خالد بن معدي]

على بعض السوالف والله العظيم مايمديك=ليا جات الصمايل جتك مفروده ومدبوله
لو لا الله ثم هو والله مايطري علي اعفيك=لا حدك لين اعلمك الكلام الجزل واصوله

[الطرقي]

اليا جات الصمايل يا صبي من واقعك بمحيك=وعولتك القديمه غلقّت معاد به عوله
على درب الزلق ياحبيبي لا لا تشد بريك =ترى ادنى حاجة بتقطع استاذي وكشكوله

[خالد بن معدي]

ياهمال السحايب من سحايبك امتلا واديك = ليت الله يعدلك في وادي (ن) ماسالت سيوله
وتلبس الأرض ديباج الخضار ويبتهج راجيك = وترضي عالم(ن) من غيبتك لا غبت مشغوله

[الطرقي]

ياهمال السحايب فوق خالد من رهى راهيك =يهمّل من سحابك لاترازم كل هملوله
على وجه الثرى الشعرور (خالد) وده يقاويك =عليه اغدق عطاك وروه التبجيل منهوله

[خالد بن معدي]

لا بالله بعد هذي يالطراقي ساري(ن) ساريك = يبا يلقاك ليل(ن) يذهل الرجال من هوله
على درب الشقا مدري وش موديك ومعنيك = تجي سوق الغلا وتسوم ما في جيبك سيوله

[الطرقي]

على كل الطرايق جاهز بمضلع البلجيك =لها خمسين مشط جاهزه واكياس مفلوله
احب الصيد وان شفتك على حد النظر برميك =وبازكيك قدام الدجاء لا يضفي اسدوله

[خالد بن معدي]

انا مثل الجبل واليا رميت ادع الله يكافيك=تعود لك شظايا(ن)من حيود الضلع مرسوله
شظايا(ن) تبترع مثل السيوف الحدب ماتخطيك=ماتلقا بعدها من دمك مايملا ربع توله

[كونان]

وش ذا كله؟

كل هذا تسألون وين خالد؟؟؟ تلقونه عند ام عياله