المساعد الشخصي الرقمي

مشاهدة النسخة كاملة : وينكم ياشعار المنتدى

ابن عويد
01 / 04 / 2009, 59 : 01 AM
سلام ياهل المنتدى وان كان تبغون الجديد = الليله الليله نجيب السالفه وحلولها
قدلي ثلاث شهور ادور مالقيت الي اريد= والناس تفرق عن بعض باسلوبها وعقولها
ساري اليل
01 / 04 / 2009, 46 : 12 PM
يا مرحبا يامرحبا يالله عسى شورك سديد=واليله اليله تجيك القافله بحمولها
خلق البنادم من طمع ويقول هل به من مزيد=ويمكن يسدك فالها قبل يجيك عقالها
ابن عويد
02 / 04 / 2009, 51 : 12 AM
دام البقاء واليله الي جيتت فيها ليل عيد = واهل الفعول تبين مانقدر نغط افعولها
لكن وردها على الجمه عسى حبلك جويد =بعده تبين السالفه وش عرضها من طولها
ساري اليل
02 / 04 / 2009, 35 : 10 AM
ياشاعر البل خابرينك رجل وعظامك حديد=وللي رقص للشيخ طاحت غترته وعقالها
لاشك اعرف انك بطل لكن سيفك من جريد=لاتنتحر والقوم جنبها وخلك حولها
ابن عويد
03 / 04 / 2009, 29 : 12 AM
اعتز والبل حبها يجري مع دم الوريد= والشيخ لامني مدحته كلمتي واقولها
انااحسب انك جيتها تبغى تفيد وتستفيد=واثرك سوات الي تشيل الهوش وسط حثولها
ساري اليل
04 / 04 / 2009, 51 : 10 AM
اول زمانك ياعجب اتقول كنك ابن الوليد=واخر زمانك طحت طيحه والعرب لدو لها
ماظن راع البندق العوجا يعود معه صيد=عود سوات الي تشيل الحبل تحت همولها
ابن عويد
04 / 04 / 2009, 00 : 02 PM
لاصار تعرفنـــي وانا مااعرفك مانتبلي نديــد = بيت تجيبه بالهاوالبيت الاخر بوُلهـــــا
مانيب من يقنص ويرجع للعرب من غير فيد = اطلع مطاليع الجدي واقولها واطولها
ساري اليل
04 / 04 / 2009, 58 : 06 PM
صحيح ما حنا سوا لا من قريب ولا بعيد=دامك تدور بولها دقت عليك اطبولها
انكان جاء عبدالصمد يفهم على عبدالمجيد=عنت لهم بنت الهوا واهل البلد عنو لها
ابن عويد
04 / 04 / 2009, 18 : 10 PM
ياساري الليل انت شاعر مير من نوعك فريد= تطلع بروس جبالها ثم تنحدر لسهولها
اثرالعسر بالناس حتى بالسوالف والقصيد= منهوشهد مع الحصاني غير زهر ذيولها
ساري اليل
05 / 04 / 2009, 34 : 11 AM
حنا بلشنا في سعيد وبتلشنا في سعيد=الي تمد اشدوقها والي تدن احجولها
اثرك ما تعرف تفرق في القصيد وفي العصيد=اتلد يم ذيولها والناس فوق خيولها
ساري اليل
05 / 04 / 2009, 36 : 11 AM
الله يمسيك بالخار وانتوقف على كذا لاني مابي انزل معك في كلام مابي ............اقوله
ابن عويد
05 / 04 / 2009, 24 : 12 PM
انا دخلت ومقصدي رجل على المعنى رشيد= مادور الخباز انا مالي ومال خبولها
عبدالصمد مايعتبر عبد الحميد الا عضيد= ترى العرب خص الاجانب كلهم فطنولها
طيب الفال
13 / 04 / 2009, 11 : 03 PM
صح الله السان الجميع ونرجو عدم التجريح في بعضكم
بدر .15.
16 / 04 / 2009, 01 : 10 AM
ياهيه ياهل الشعر الصناديد = الحرب قاتله والشهاده من ينولها
وكثر الحكي والدلمجه بالترديد= خرب المعاني لا تجي بصولها