عسى الله يعيد العيد للمسلمين اجمع

[حسن المسعودي]

عسى الله يعيد العيد للمسلمين اجمع
-
عسى الله يعيد العيد للمسلمين اجمع=بسلم وسلام وراية العز خفاقه
لواني بعض للحيان دمع العيون اربع=دموع العيون اللي على الخد دفاقه
وكن الخناجر في عروق الحشا تقطع=وكنه يخلج القلب عبرود تفاقه
على ألأرض وهل الارض ومودعٍ ودع=بسبة يهودٍ للمواثيق بواقه
على راس بوش ودبه الأحمر الأبشع=هذا قول ابن هذال وموثق اوثاقه
احد جاهلٍ في فعل شارون والتبع=عساه ايتذوق كل ماللعرب ذاقه
طمع في ضعوفٍ ماوراهم ولامطمع=وشب الحرايب بووسط القدس وشناقه
-
(((((ابو تركي)))))
-

[مجموعة انسان]

ابو تركي مشكووووووووووور على هالقصيده الرائعه


والله ينصر اخوننا المسلمين في كل مكان

احد جاهلٍ في فعـل شـارون iiوالتبـع عساه ايتـذوق كـل ماللعـرب iiذاقـه

اميييييييييييييييييييييييييييييييييييييييييييييييي ييييييييييين


تحيااااتي لك

[سلطان]

ابو تركي صح السانك وكل عام وانت بخير والمسلمين جميعا بخير

قصيده رائعه الله يعطيك العافيه

ولكن لي ملاحظه بسيطه جدا ولا اعرف هل هي غلط املائي الي هي


شطر هذا البيت



على ألأرض وهل الارض ومودعٍ ودع


مع تحياتي وشكري لك يابو تركي

[حسن المسعودي]

الغالي مجموعة انسان هلابك ومشكور على الحضور والدعوات الطيبه تقبل تحياتي وتقديري

[حسن المسعودي]

مرحبا ياسلطان وملاحظتك لم تظهر للي بشي سواء نقص حرف ان كان تقصده وهو وأهل ألأرض

هذا للإيضاح وتقبل تحياتي وكنت اتمنا ان تكتشف الغلط ألأملائي للي في _وكن الخناجر في عروق الحشاء تقطع)


لك اجمل التحايا

[محسن المسردي]

أبو تركي

تسلم على هذه القصيده

والتي موضوعها يعني لنا الشيء الكثير

صح لسانك وبيض الله وجهك

وأعتقد أن الأخ سلطان لم يقرأ الشطر بالشكل المطلوب

على ألأرض وهل الارض ومودعٍ ودع

فكلمة ( مودع ) منونه وكلمة ( ودع ) الدال مشدده

تحياتي،،،
.
.

[حسن المسعودي]

الأستاذ القدير محسن لاهنت على كل مافعلت ومااوضحت وكل عام وانت بخيرتحياتي لك دائماً نأخذ من وقت الله لايهينك



ابو تركي