قصيده للشاعر/ سعد بن جدلان

[ابن وافي]

[poet font="Arial,5,darkblue,normal,normal" bkcolor="transparent" bkimage="" border="double,5,darkblue" type=2 line=200% align=center use=ex length=0 char="" num="0,black" filter="":f4c95820be]
الايـالله
-
الا يـالله يـاللي تحـت هيبة سـلطنتك اسـلمت =لك المسلم يسبح لك بحمـدك والك الاسـلامي

احمدك واشكـرك واثني عليك بمـا علي انعمت =وزودني وفاء قدر العشير وصـل الارحامي

ولجـك الفجر ياليل الذهول اللي علي اظلمت =يعرضـك واقع الماضي عليه عـرض الافلامي

ولهتك يالنديم اللي على صافي وفـاك اضرمت =بصفحة ذكريات العام واللي من ورىالعامي

بعد تقـرير مشـوار الـتجارب نجحـك واجزمت =بأن السيف يبغى والعصا والمحزم احزامي

ضمنتـك راس مـالـي مكسبي في كل ماسـاهـمت =قفـلت ابواب حيطان الحسايف والتندامي

عـطتني عـزلـة اخلاصي معك نسيان من نـادمت =كتبتك وانطوت صـحفي عليك ورفعت اقلامي

ابــاهـي لاابـالـي واتبيسـط كـل مـاقـدمت =واشـب النار قدام العرب واشيد اخيامي

نهـــاري حر شمـسه يستحي منها لسان الشمت =ولـيلي ترجـم انـجومه ملامة كل من لامي

علـى ضـوء الكلام اللي كشف عنا ستار الصمت =عرفت اني تحت برق الامل في روض الاحلامي

احـسبـنك تـيمم بـاتجـاهـي ويـن مـايـممت =اثر مانته ورايه بالطريق ولانـت قدامي

مصـيبه لاتـردت قيـمتك فـي عين مـن قيــمت =يشوفك فالسهل وانته تشوفه فالسماالسامي

كثر ماحـن قلبي للونيـس وكـثر مــادرهـمت =فجر صدري حنيني واتعب الاقدام درهـــامي

عيون الصد وعيون التجافي "حول"مهما اكرمت =تشــوف المجتهد كسـلان والبناي هـــدامي

مادام ان جانبي شام لجنابك وانت عني شمـت =كثر خيرك وانـا لاني بلا جايع ولا ظـــامي

اشوف انه علي واجــب ليـا مـريتكـم سـلمت =مرور اكرام تربطها الكرامه عند الاكرامي

على شـان الخفوق اللي على عرشه قعدت وقمت =وحجب عنك الدجا لين اشرقت لك بيض الايامي

ختـام السـالفه يـاطيب العشـره كرمت ودمت =هذا حقك علي وحـق هقواتي على اوهـــامي

مصير الوقت يشرح لك دروسه وان غفلت ونـمت =يصحيك الزمان اللي يصحي كـل مـن نــامي

تذكرني لامنها خــابت اوهـامــك بمـن وهمت =وعرفت الفرق في حب الخشوم وحـب الاقدامي
-
سعد بن جدلان
-
[/poet:f4c95820be]

[سلطان]

الســـــــــــــــــــــــيل

لاهنت وصح السان الشاعر المخضرم

سعد بن جدلااااااااااااااااااااان

قصيده رائعـــــــــــــــــــــــــه

تحياتي ،،،

[محسن المسردي]

الســـــــــــــــيل

قصيده فيها الكثير من الدروس

[poet font="Arial,4,darkblue,normal,normal" bkcolor="transparent" bkimage="" border="double,5,darkblue" type=0 line=200% align=center use=ex length=0 char="" num="0,black" filter="":540f7df28e]
مصير الوقت يشرح لك دروسه وان غفلت ونمت=يصحيـك الزمـان اللـي يصـحـي كــل مــن نـامـي
[/poet:540f7df28e]

يعطيك العافيه

تحياتي،،،
.
.

[أبو سعود]

اسعد الله اوقاتكم اخواني مردادي بوابة جاش الخضر يشرفني ان تكون هذه المشاركه الثانيه لي معكم ولا كنني اود ان أشكر القائمين والمشرفين على هذا المنتدى الكبير الذي يعد من المنديات الكبرى الذي تهتم في جميع الجوانب الثقافيه والعلميه والشعريه واخص با الشكر والسلام شخصآ عزيزن علي وأعده في مكان الأخ وهو الاخ الكريم الأستاذ / ناصر بن مفلح أبو رطبه المسردي القحطاني فلقد علم أنني من مردادي الأنترنت فأشار علي با المشاركه في منتدى جاش فشاركت فيه وارجو ان تحو جميع مشاركاتي معكم بالرضا ومشاركتي هذه هي قصيده غزليه بعنوان ((( كيان الحب ))) لشاعر / سعد بن جدلان الأ كلبي .....
((( كيان الحب )))
تحطم كيان الحب وأهتزت أوضاعه...............ولاعاد باقي من بيوته ولا مبنا
ألا مستحيزآ يطرق الحب بشراعه............... ولا له جدآ ألا كيف ربي يقولبنا
سبب عالمآ لما بدا حبهم ساعه..................يقول أن أنا ويا أفلان تصاحبنا
ألا يالطيف الروح سلمتك أوداعه..................ولكن برتوا في الوداعه وبرت بنا
أن كانك تقول أنك تسنويت بطماعه ...............فلا هوب متعبك الهوع مثل ماأتعبنا
بذرناك في روض الهوى حب وزراعه...............وتركنا ثمرها من عوايد مذاهبنا
((( وسلا متكم جميعآ)))

[ناصر بن هذال]

يعطيك العافيه ابو سعود.

[الميال]

اخي أبو سعود
اشكرك على ا لطرح قصائد هذا الشاعر الكبير الذي اتوقع انة الم يا خذ حقة اعلامياً
وتقبل تحياتي

[أبو سعود]

اسعد الله اوقاتكم اخواني مردادي منتدى جاش الخضر عسى دياركم يجيه الحيا وهاذي المشاركه الأولى لي معكم في الحكم والأمثال والألغاز ومشاركتي الأولى هي عباره عن لغز لشاعر /
سعد بن جدلان الأ كلبي ارجو من الله ان تحوز على رضاكم جميعا





((( فنجال بن ))





ياكبد يلي لصافي الكيف ضميانه .................. كيفآ هله لطرقي مايسونه


فنجال بن وخمس سنين زيانه.......................ياقو خرمة ضيوفن يتحرونه



عز الله أني بذلت الجهد من شانه....................سقت الركايب له وبركن دونه




(((وسلامتكم الأجابه وحده ولاكن ارجو التوضيح في كل بيت من القصيده مايعني)))

[دموع الورد]

أهلاً بك أخي الكريم أبوسعود في منتديات جاش وأتمنى لك المتعة والفائدة

سعداء بك وبمشاركاتك وهذي محاولة لي ربما تكون صائبة

لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .


المطر

[أبو سعود]

اشكركم على المرور

[أبو سعود]

اهلا بك اختي دموع الورد والمعذره على التأخير فلقد كنت بعيد عن الانترنت والمطر ليس الاجابه الصحيحه وخيرها في غيرها

[أبو سعود]

قصية الشاعر \ سعد بن جدلان

ياعلاوي نجد علك مراديم السحاب=ديرة فيها تربيت يوم اني صغير
ياطبيب النفس شنهو علاج الاكتئاب=اعطني وصفةعلاجه ترى وضعي خطير
عشت في غربة حقايق وفي وضع اغتراب=والتجارب علمتني على شيأ كثير
استفت من الذيابه ومن نبح الكلاب=واستفت من الرغاء واستفت من الهدير
ولا كسبت الامعرفت عزيزين الجناب=ولاخسرت الامعرفت عديمين الضمير
اقترب لا مقترب شين بعض الا اقتراب=ابتعد لا مبتعد شي في حقي كبير
ياسؤالا كل مااطرحك ملقالك جواب=مالي الا الصبر واهل الصبر توعد بخير
وصف خلان الرخا مثل ضحضاح السراب=يفرح العطشان شوفه يحسبنه غدير
والدروس انواع تطبيق ولا بنتساب=بس انا الي طبق الدرس قدام المدير

وسلامتكم

[محمد الحياني]

صحت يمنااااااااااااااك على النقل


وصح لسان الشاعر المبدع دائماً

[ماهر الماهر]

ابو سعودالله يعطيك العافية امين

[الميال]

مشكور اخوي ابوسعود على النقل
صح السان الشاعر
طلب مني اى قصيدة عندك لهذا الشاعر المتئلق دائماً لا تحرمنا منها
تحيـــــــــــــــــــــــــــــــــــــــاتي لــــــــــــــــــــــــــــــــــــــــــــ ـــك

[أبو سعود]

اشكركم اخواني محمدالحياني وماهر الماهروالميال على المرور

[أبو فـلاح]

ابو سعود لاهنت ياغالي قصيدة جزلة لشاعر عرف بقوة قصائدة وجزالة معانيه ..

تقبل خالص شكري على تواصلك

[أبو سعود]

اشكرك جاش نت على المرور

[المارد]

ابو سعود شكرا على حسن اختيارك وصح لسان الشاعر المبدع بن جدلان

[محمد بن عايض المسردي]

صــــــــــح..لسانـــــــــكــ..ولســـــــــــــــ ـانــــــــهـــ..تحيــــــــــــاتــــــــيـــ،،،، ،،.

[الميال]

بلّغ اللي كل يوم(ن) أيقابلنا بثوب = مايخدّرنا كلامه مع من خدّره
لا بغينا اللعب نزحف مع الجوّ اللعوب = ون هبطنا سوق طيب(ن) خذينا ندّره
والتجارب عرّفتنا الصّدوق امن الكذوب = والجبل لاسآل نبته يجي بمغدّره
ولا تجيك الحصبه إلا من فراش امحصوب = وحبّة الجدري تجي من فراش مجدّره
المحبّ أذنيه ماهيب تسمع للعيوب = والعدو لادرهمت به تجي متحدّره
دامت الأخلاق يملك بها الواحد شعوب = يآجب إنها في جميع الأمور مبدّره
إن قدرنا نقفل الباب من دون الهبوب = وألا جا درب(ن) لنا والقنيّ امسدّره
الأصايل كل يوم(ن) تلافخ بالكعوب = والرّدي لا عيّن اللي يهينه قدّره
ولا تعرف أحسابك إلا أليا جيت امحسوب = شرهة القادر على العالم المتقدّره
المقبّل تنفتح له دواليب القلوب = والمقفّي " قلعة الوادرين" اتودّره
سعد بن جدلان الأكلبي

[ناصر بن هذال]

شكرا على النقا اخوي.

[الميال]

شكرا على النقا اخوي.
مشكور اخوي على المرور

[ريم الفلا]

الأصايل كل يـوم(ن) تلافـخ بالكعـوب
والـرّدي لا عيّـن اللـي يهينـه قـدّره

صح الله لســــــــــان شاعرنا وسعد بن جــــــــدلان شاعر معروف وشعره مميز

وجعلك سالم اخوي الميال على النقل الرائعه

اختك

ريـــــــــــ الفلا ـــــــــــم

[الميال]

ونتي سالمة اختي ريم الفلا

[الميال]

يسير البنادم قاصد(ن) في طريقه شيّ = وهو بالقدر محكوم. وخطاه مكتوبه
مايدري تجي دنياه وأمره كما يبغي = وألا تنقطع الأنفاس-والأنفاس محسوبه
كم من واحد(ن) روّح. وجت روحته هي. هي = غدت به اصروف الوقت ماكمّل ادروبه
طويت صفحة أيامه على غير علمه طيّ = وهو يبني الآمآل طوبه على طوبه
فلا خير في دنيا التعاسه ودنيا الغيّ = إذا ماتسير إل خدمة الدّين مركوبه
إذا مابها دين(ن) يظّلل سواة الفيّ = فلا عيشها طيّب.ولاهيب مرغوبه
وملا كسب فيها الجميله وراسه حيّ = لا من مات مايجزى بذكره سوى الكوبه
وخوّة هل المعروف والموقف المحميّ = تنومس رفيع الجاه.واتزيد ماجوبه
ولا يكشف أصناف الرجاجيل سمح وعي = إلا الطرقه اللي كلّها هول. واصعوبه
أما يكشف الرّجال عن طيبه المخفي = وألا تنكشف دعواه.واتبيّن اعيوبه
وخوّة رديين المواجيب علم(ن) سي = مايجني مخاويهم سوى زود عذروبه
أمّا أنّه وقف في موقف(ن) مايجمل حيّ = وألا لحق شي(ن) من دنسهم. طرف ثوبه
ون حاول ينزّه لحيته عن خطا المخطي = تسلّوا أليا قفّا.على شذب عرقوبه
هذي تجربة منهو كوته التجارب كيّ = ألين أثّرت حتى.على واقع اسلوبه
فقير(ن) لربه غارق(ن) في ذنوب الغيّ = لو ما تحتويه.وتوسعه رحمة التوبه
ياربّ الفقير المستجير ابك والمنهي = عن الذنب.قبل تآخذه.تغفر اذنوبه
سعد بن جدلان الأكلبي=

[الكاسر]

بسم الله الرحمن الرحيم
السلام عليكم ورحمة الله وبركاته
لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .بحضور صاحب السمو الملكي الأمير فيصل بن خالد بن عبدالعزيز وفي إطار فعاليات مهرجان الصيف بعسير أقيمت مساء اليوم الثلاثاء السادس من شهر رجب 1427هـ على مسرح المفتاحه أمسية شعرية شارك فيها كلا من عبدالعزيز الفراج و فيصل العدواني و علي البورعي .. وقبل أن تبدأ الأمسية ألقى الشاعر العلم سعد بن جدلان الأكلبي رائعة جديدة بعنوان باقة الصيف هي الثانية له خلال أسبوع أهداها إلى صاحب السمو الملكي الأمير فيصل بن خالد بن عبدالعزيز نالت استحسان الجماهير الغفيرة الذي احتشدت به مدرجات المسرح
يقول إبن جدلان:

سلام عدة وبـل مـزن ٍ مراديـف=نو ٍ مـن المنشـأ تزبـر جويـره
يا سيفنا الدايم و يا دايـم السيـف=ابن الملوك أحفاد صقـر الجزيـره
أهل الجمـوع مفرقـات المواليـف=و اهل المقصب و السيوف الشقيره
حبيت أقدم عندكـم باقـة الصيـف=في ملتقى السواح مـن كـل ديـره
شمت هوا تونس و باريس و جنيف=في طلة أبها و الجنوب و عسيـره
خواطري مثل السبـور المشاريـف=المغريـات الـسـرد المستـذيـره
اللـي تهـاوي طيبيـن المواقيـف=و تهيم في مدح الاسامي الشهيـره
تقلط على فيصل تـرز الغطاريـف=شعر يهيـج داخلـه عبـر أثيـره
فيصل ولد خالد مغيـث الملاهيـف=فراج كـرب المعضـلات الكبيـره
المملكه ما رد جيزان لـي طريـف=عاشت بخير الله بـدي ثـم خيـره
وفيصل سمي اللي فتح خط برليـف=يوم انعمت عند الرجـال البصيـره
و فيصل تعشقه طيبات السواليـف=وتخرم لريحـة مستكـاه و عبيـره
عز الله انها تنلقى بهجة الضيـف=علـى كواكـب حاجبيـك المنيـره
يا الهيلع اللي ما تحسب التكاليـف=وهايبـك تغنـي اليديـن الفقيـره
كبر الوهايـم للرجـال الجوازيـف=اللي يشوفـون الكبيـره صغيـره
ولا ترى اللي دايم شبـره ضعيـف=ما يبغـي الا العافيـه و الستيـره
يا سيفنا الدايم و يا دايـم السيـف=المعـذره كـان القصيـده قصيـره

كما ألقى نجم الصايرة المتميز الشاعر العلم محمد بن ناصر بن عباد السلولي قصيدة بعنوان ( النظام روح الحياه ) نالت استحسان الجماهير الغفيره الذي احتشدت بها جنبات مسرح المفتاحه و شهدت تألق لا فت لإبن عباد الذي لقي إشادة رائد الفكر سمو الأمير الشاعر خالد الفيصل و سمو نائبه
يقول محمد :

ألا يـا الله يـا مالـك مفاتيـح الفـرج يــا الله لـك =التسبيـح و التحميـد كلـه و الثنـا كـلـه
نلوذ و نلتزم بحبال و صلـك يـا عظيـم الجـاه =وركنك لا دهانا الخطب نـاوي لـه و نركـن لـه
إلهـي خالقـي مـولاي سامـع دعوتـي ربـاه =تحل عقـود حبـل حـارت الافكـار فـي حلـه
و تعـز الدولـه اللـي حكمـت فينـا كتـابـ الله= و لمـت شملنـا بعـد الشتـات و عـزت الملـه
بعـد ذاك التناحـر لا سـقـاه الله و لا هـيـاه=نعيـم الأمـن صـار لحافنـا و فراشنـا زلــه
و رحمك الله يا ذاك الامـام اللـي نجـح مسعـاه=عسى الفردوس منزل روحه الطاهر و مأوى لـه
وضع حجر الأساس لدولة الاسـلام ليـن أرسـاه=بحزم و عزم و اخلاص و عمـل و مهنـد ٍ سلـه
وتولوه الملـوك أهـل العدالـه و اكتمـل مبنـاه=و عشنا بعد ظـل الله فـي خيـره و فـي ظلـه
ويعيش الحاكم العادل عسى عيـن الولـي ترعـاه=حبيب الشعب لا من ثقـل حمـل الشعـب يشتلـه
ندي الراح أبو متعـب لا جـادت بالعطـا يمنـاه=تغـار الرائحـات اللـي مطرهـا دائـم تهـلـه
صريح ٍ و للصراحه نور في قلبـه و فـي محيـاه=نوايا الصـدق مـا فيهـا تصنـع طبـع و جبلـه
عن أسلوب الغدر و أهل الغدر لنه نيـة ٍ تحمـاه=يعدي عنه كيد أهـل الغـدر عفـوه و حلـم لـه
و ولي العهد أبـو خالـد حشـى لله مـا ننسـاه=سلطان الخير و جه الخيـر و العليـا تكحـل لـه
صليب الرأي ما تاهت عن دروب الصواب خطـاه=و لـه بقلـوب شعبـه مركـز ٍ مرمـوق يحتلـه
وقائـد منتطقنـا نفتخـر بـه و الفخـر يزهـاه=جهوده و اضحه فـي المنطقـة و أريـاه مندلـه
و لا من قيل من هو ؟ و الكلام أرسا على مرسـاه=تجاوبـه المكـارم و القـوافـي و الأدب كـلـه
هذا خالد و لـد فيصـل عريـب ٍ طيـب مجنـاه=وهـذا نايبـه فيصـل ولـد خالـد عضيـد لـه
هذاك الجدي فـي مبـداه و سهيـل فـي مبـداه=و لا ضل و غوى من حـط و احدهـم دليـل لـه
ونا بأستاذنـك يـا سيـدي فـي منطـق ببـداه=عـن الارهـاب و أهلـه كلـمـه بأقولـهـا لله
تخوض بنا السفينه في محيط ما نشـوف أقصـاه=شـراع قامـت الأمـواج تصفـق فيـه و اتلـه
و شفنـا تالـي الايـام شـيء مـا بعـد شفنـاه=مناهج عـن طريـق الحـق منحرفـه و منحلـه
كشفنا منهج التكفيـر و الهجـره حسـب دعـواه=يضـيـع دم معـصـوم عـصـه الله و يحـلـه
يفجر في بلـد الاسـلام و يـروع هلـه و ابنـاه=ويدعـي الجهـاد ويهـدم البنـيـان و يهـلـه
ويذبح مسلم آمـن بـدون اسبـاب ذبحـة شـاه=يقتـل رضـع اطفالـه و يهـدم فوقـه الفـلـه
هـذا والله الفسـاد الله يكافـي المجتمـع بلـواه=ويا بعد الجهـاد مـن الجهـاد اللـي تخيـل لـه
هذا نهـج الخـوارج نعرفـه لـو بـدل مسمـاه=جميع الفكر فكره و الهـدف و النهـج نهـج لـه
يكفـر بالذنـوب النـاس و الوالـي و مـن والاه=ويوقـد مشعـل التخريـب و الارهـاب و يشلـه
ترى نهج الخـوارج منهـج التكفيـر كنـه ايـاه=تطابـق كامـل فـي المعتقـد و الشلـه الشـلـه
ولا يغتـر فيـه الا غشيـم مـا عـرف مـبـداه=ومن يقرا عن التاريخ يـدري بـه و يفطـن لـه
ومن لا ينشد أهل المعرفـه يبقـى علـى عميـاه=تـروح أيامـه فـي الجهـل و العـلـه العـلـه
يقولون الرجال اهل المعرفه مـن نشـد مـا تـاه=و من ضيع طريقه ينشـد اهـل العـرف و تدلـه
ألا يـا أمـة الاسـلام مـا للجـرح غـيـر دواه=و طبه في النظام و كـل شـي زيـن فـي حلـه
تفكر في نظـام الكـون كلـه جـل مـن سـواه=و تسيير الكواكـب كـل كوكـب فـي نظـام لـه
تعرف ان النظام امـر شرعـه الله لنـا و امـلاه=و تشوف الكون مـوزون نظامـه دقـه و جلـه
حيـاة بـلا نظـام مـا لهـا قيمـه و لا مشهـاه=تسود أفرادها الفوضى و ترضـى عيشـة الذلـه
وحياة بـلا نظـام و لا احتـرام للنظـام أشبـاه=وحوش ضاريه في غـاب يـا الله تغفـر الزلـه
وترى منهج سلفنا طاعـة الوالـي مـا نعصـاه=نكمـل لـه حقوقـه طاعـة لله ورضــى لــه
على ما بايـع أصحـاب النبـي قمنـا وبايعنـاه=و لا نرضى يجي فـي عهدنـا غـدر و لا خلـه
على الاثره و في المنشط و في المكره و ما نرضاه=عقدنا بيعة الوالـي و ندعـو لـه و نصبـر لـه
نقدم لـه نصيحتنـا علـى كـف الـولاء مهـداه=بلا عنـف و بـلا تشهيـر بالليـن نتوسـل لـه
و من جانا يبي شقر العصا دسنـا علـى علبـاه=نحطـه عبـره للـي بعـد نفسـه تسـول لــه
شبـاب المملكـه دون العقيـده و البـلاد حمـاه=ولا وصلـت حمـى الاســلام لا والله ولا والله
نسوق أرواحنـا و اموالنـا فـوق الاكـف فـداه=نمـوت و لا تدنـس رايـة التوحيـد و المـلـه
هذا منهج سلفنا و الخلف يمشـي علـى ممشـاه=نعز اللي يبـي عـز الوطـن و نـذل مـن ذلـه


والسلام عليكم ورحمة الله وبركاته
الكاسر

[ابومدى]

من جد قصيدة بن جدلان ماهي صاحيه لو انها قصيره بس نقوه ولا يهون السلولي ولانت
صح يمينك ولسان الشعار يعطيك الف عافيه
ولاتحرمنا من المزيد

[الميال]

اشكرك اخى الكاسر على النقل الرائع
وصح السان اشاعرين بن جدلان والسلولى

[محمد بن عايض المسردي]

أبـــوسعــــــود..
بيــضَ الله وجهـــكـ..والله لايهينـــكــ..علــى نقلــكــ الرائــع..
@@دمتــــــــ .. بـــــــود@@

[طيب الفال]

السيــــــــل الهم سقي رحمة لاسقي عذاب ولاهدم :: كلمااااات حلوه وتسلم يديك الى سطرتهاااا والشاعر سعد غني عن التعريف واشكرك بعنف .

[ماهر الماهر]

أيها الإخوة الشاعر سعد بن جدلان شاعر غني عن التعريف إن قال الشعر فاستمتع وتذّوق الشعر بمعناه الصحيح .
في هذه الصفحة اخترت لكم قصيدته وهي موجهه للشيخ جعفر بن جمل بن شري شيخ المسا ردة
وعلى فكره إذا ورد اسم جعفر فله نطق خاص كأنك تكتب أمامه حرف الألف اجعفر حتى لا يشك أحد في وزن البيوت

ياراكب اللي تقـول أيكفكف اشناقـه=حواف قـوم علـى مهجدادهـم نـاوي
ابيـض خطـوط الوكالـه فيـه لهاقـه=لا اضحى الضحى كنها تنعومة النـاوي
حـر تعـلـق بـكـدر اول اطـلاقـه=قبلـه مذيرهـن الشبـوط والــواوي
وكن اختفاقـه مـع الجويـان وادعاقـه=ادعـاق ذيـب يـدور غـرة الشـاوي
لازل ثلثيـن ليـلـه قــام سـواقـه=خلا اتجاهـه لنجـم سهيـل شرقـاوي
الليـل ومخافـت الهـوج وتونـداقـه=ونفث المحرك تقـول قرايـة مـداوي
لازاح جنح الضلام الصبـح بااشراقـه=فوق الشفق شفت قرص الشمس متساوي
اقلـط بقصـر لـه الخطـار تـواقـه=احد من اضيوفه امصبح واحد ضـاوي
قصر جعفر بن جمل بن شري واشقاقـه=قصـر يـذري ذراه ويهجـي الطـاوي
به مجلـس فيـه نـار السمـر شعاقـه=وفواصل البن الاشقر وازرق الجـاوي
النعم والبيض لـه فـي كـل شوهاقـه=الصـدق مالـه نطيـح ومالـه مقـاوي
كان النعـم يربطـه بااصحابـه علاقـه=مـع جعفـر ذابـح الغـرم ومخـاوي
شرهات الامجاد فـي طاريـه منساقـه =الامداح هويانـة مدحـه وانـا هـاوي
بنات فكـري تعشـق الطيـب عشاقـه=الله يصح الصحيـح ويغـوي الغـاوي
شره الروابـع علـى الامـداح سباقـه=والا ضعاف الروابـع نجمهـا هـاوي
مطلق عمس خطر الضيفـان بااخلاقـه=وجه التقي الرضـي المفتـي الـراوي

[المارد]

الاخ :ماهر قصيدة رائعة صح لسانك ولسان ابن جدلان وابو ناصر يستاهل

[ناصر بن هذال]

ســــيرة الشيخ جعفر هي عباره عن عشرات السنيين من العطاء و"الطيب" كفيله بان تحصد مثل هذه القصيده الجزله من شاعر كبير ايضا مثل ابــــــــن جدلان.

شكرا على النقل اخوي ماهر.

[السنحاني]

يستاهل المدح /الشيخ جعفر بن جمل

صح لسان الشاعر/ بن جدلان

[أبو ضويحــــي]

شكر اا اخي ماهر الماهر
قصيده جزله من شاعر جزل في شيخ جزل
تحياتي

[ابن غوينم]

صح للسان الشاعر الكبير سعد بن جدلان

والشيخ جعفر بن جمل كفؤ للمدح ويستاهل .

والله يطول عمر ابو ناصر ويحفظه


ويعطيك العافيه يا ماهر الماهر