المسعودي
12 / 02 / 2003, 42 : 02 AM
[poet font="Arial,5,black,normal,normal" bkcolor="transparent" bkimage="backgrounds/17.gif" border="groove,5,gray" type=0 line=200% align=center use=ex length=0 char="" num="0,black" filter="":c6c76757e5]
نصيحة عابر سبيل
-
بادي باسم الولي منشي الهميل=واحد يعطي العطا مده جزيل
عالم ما كان تخفيه الصدور=خالق المخلوق وبرزقه كفيل
قابل التوبة من العبد الضعيف=يستجيب دعاه لو ذنبه ثقيل
باسط ارضه لحيه والجماد=مالكٍ الملك ذو العرش الجليل
استعيذه من زلل نطق اللسان=لايذٍ بحماه وبجاهه دخيل
سايله يوم الملاقا والحساب=غير ظله مالنا ظل ظليل
قلتها من هاجس لج بحشاي=لج قمريٍ تلاحا بالهديل
او لج الذود بين مقسمين=خلفها لجت وقام لها عويل
لا غفا السالي جفت عيني المنام=اقتلب كني على جمرٍ كليل
من زمانٍ بان عيبه والدمار=للرجال اهل الكرم خيره قليل
قاصرٍ الخير من سعد الضيوف=وكاثرٍ خيره على اللاش البخيل
صايرٍ فيه النمر ماله وقار=والحصيني صايرٍ باعه طويل
رافعٍ راسه على النمر الفروس=عقب عاداته وجحره والنثيل
والحرار اللي مخالبها حداد=اصبحت تخشى من البط الهزيل
حول القرناس من عالي الوكور=واعتلى نسر الوطى راس الوحيل
شفت وقتٍ صايرٍ فيه اختلاف=صار فيه اللي من اول مستحيل
استدار وسار واخطا الاتجاه=يا زمان البين ضيعت الدليل
من كثر ماله غدا قدره كبير=وقلد العبسي بسيفٍ له صليل
لو نطق بالكذب قالوا له صدوق=قام كلٍ في سنع شفه يميل
صار هو راعي المنصه والشداد=يامر وينهى ولو ساسه رذيل
والكريم وان قل ماله والحلال=قل قدره عند ربعه والعميل
وكذبوه الناس لو قال الصحيح=وعذربوا فيه وبنوا قولٍ وقيل
وان حداه الوقت واعتاز الرفيق=ما بدا من فزعته مومي شليل
فعزتي للي تحداه الزمان=وضاع معروفه وهو راعي الجميل
يفعل المعروف لا جا له مجال=باللوازم موقفه يبري الغليل
ردته دنياه عن ما يشتهيه=لين طاوع شفها كنه ذليل
فزارع المعروف بالشخص اللئيم=مثل زراع السبخ يبغى الحصيل
وزارع المعروف بالناس الكرام=مثل ما عل المطر خصب المسيل
تثمر اشجاره ويزها بالنبات=يستوي نبته ويصلح للنزيل
قبلنا قاله رجال مجربين=والردي قد بذ جيلٍ بعد جيل
فبانصح اللي للنصايح قابلين=ومن تقبل للنصايح ما يعيل
النصيحة قبل ما تمشي طريق=اخذها لو كان من عابر سبيل
فبانصحك جنب رديين العزوم=الطحالب لا تغرك بالمغيل
بالرخا ياتون لك فيما بغيت=وان حدتك المعضله كثر الجفيل
وابتعد من موكراً فيه الفساد=فيه لنسور الخنا ممسا ومقيل
ينقلون الهرج من هذا لذاك=كل منهم بالحكي يهذل هذيل
يشعلون النار من بين الرفاق=لين تقبس بينهم قبس الفتيل
باردين الحيل ما منهم صلاح=جنسهم جعله من الدنيا يزيل
ولا يغرك بالجمل كثر الهدير=بالجمال هزال ما تقدر تشيل
ولا تغرك خضرة اشجار الضريع=خضرة تزهى ولا منها ذبيل
التعب فيها خسارة راس مال=من رجا منها الجنا قلبه هبيل
وقوس غبات البحر قبل العبور=وان نزلت الدار فاحسب للرحيل
وان كرهك الحي واظهر لك جفاه=فاتركه وارحل ودور له بديل
بدل الاوطان باوطان جداد=في مناحي الارض طبٍ للعليل
وان نساك الخل في وقت اللزوم=خله وتلقا عوضه مية خليل
والعسر لابد بعده الانفراج=والفرج ماحدٍ على بابه وكيل
والختم صلوا على صفوة قريش=عد ما هب الهوا وانشى المخيل
واسمحولي في نهايات المطاف=اختتم باسم الولي منشي الهميل
-
عبدالهادي المسعودي
-
[/poet:c6c76757e5]
نصيحة عابر سبيل
-
بادي باسم الولي منشي الهميل=واحد يعطي العطا مده جزيل
عالم ما كان تخفيه الصدور=خالق المخلوق وبرزقه كفيل
قابل التوبة من العبد الضعيف=يستجيب دعاه لو ذنبه ثقيل
باسط ارضه لحيه والجماد=مالكٍ الملك ذو العرش الجليل
استعيذه من زلل نطق اللسان=لايذٍ بحماه وبجاهه دخيل
سايله يوم الملاقا والحساب=غير ظله مالنا ظل ظليل
قلتها من هاجس لج بحشاي=لج قمريٍ تلاحا بالهديل
او لج الذود بين مقسمين=خلفها لجت وقام لها عويل
لا غفا السالي جفت عيني المنام=اقتلب كني على جمرٍ كليل
من زمانٍ بان عيبه والدمار=للرجال اهل الكرم خيره قليل
قاصرٍ الخير من سعد الضيوف=وكاثرٍ خيره على اللاش البخيل
صايرٍ فيه النمر ماله وقار=والحصيني صايرٍ باعه طويل
رافعٍ راسه على النمر الفروس=عقب عاداته وجحره والنثيل
والحرار اللي مخالبها حداد=اصبحت تخشى من البط الهزيل
حول القرناس من عالي الوكور=واعتلى نسر الوطى راس الوحيل
شفت وقتٍ صايرٍ فيه اختلاف=صار فيه اللي من اول مستحيل
استدار وسار واخطا الاتجاه=يا زمان البين ضيعت الدليل
من كثر ماله غدا قدره كبير=وقلد العبسي بسيفٍ له صليل
لو نطق بالكذب قالوا له صدوق=قام كلٍ في سنع شفه يميل
صار هو راعي المنصه والشداد=يامر وينهى ولو ساسه رذيل
والكريم وان قل ماله والحلال=قل قدره عند ربعه والعميل
وكذبوه الناس لو قال الصحيح=وعذربوا فيه وبنوا قولٍ وقيل
وان حداه الوقت واعتاز الرفيق=ما بدا من فزعته مومي شليل
فعزتي للي تحداه الزمان=وضاع معروفه وهو راعي الجميل
يفعل المعروف لا جا له مجال=باللوازم موقفه يبري الغليل
ردته دنياه عن ما يشتهيه=لين طاوع شفها كنه ذليل
فزارع المعروف بالشخص اللئيم=مثل زراع السبخ يبغى الحصيل
وزارع المعروف بالناس الكرام=مثل ما عل المطر خصب المسيل
تثمر اشجاره ويزها بالنبات=يستوي نبته ويصلح للنزيل
قبلنا قاله رجال مجربين=والردي قد بذ جيلٍ بعد جيل
فبانصح اللي للنصايح قابلين=ومن تقبل للنصايح ما يعيل
النصيحة قبل ما تمشي طريق=اخذها لو كان من عابر سبيل
فبانصحك جنب رديين العزوم=الطحالب لا تغرك بالمغيل
بالرخا ياتون لك فيما بغيت=وان حدتك المعضله كثر الجفيل
وابتعد من موكراً فيه الفساد=فيه لنسور الخنا ممسا ومقيل
ينقلون الهرج من هذا لذاك=كل منهم بالحكي يهذل هذيل
يشعلون النار من بين الرفاق=لين تقبس بينهم قبس الفتيل
باردين الحيل ما منهم صلاح=جنسهم جعله من الدنيا يزيل
ولا يغرك بالجمل كثر الهدير=بالجمال هزال ما تقدر تشيل
ولا تغرك خضرة اشجار الضريع=خضرة تزهى ولا منها ذبيل
التعب فيها خسارة راس مال=من رجا منها الجنا قلبه هبيل
وقوس غبات البحر قبل العبور=وان نزلت الدار فاحسب للرحيل
وان كرهك الحي واظهر لك جفاه=فاتركه وارحل ودور له بديل
بدل الاوطان باوطان جداد=في مناحي الارض طبٍ للعليل
وان نساك الخل في وقت اللزوم=خله وتلقا عوضه مية خليل
والعسر لابد بعده الانفراج=والفرج ماحدٍ على بابه وكيل
والختم صلوا على صفوة قريش=عد ما هب الهوا وانشى المخيل
واسمحولي في نهايات المطاف=اختتم باسم الولي منشي الهميل
-
عبدالهادي المسعودي
-
[/poet:c6c76757e5]