المساعد الشخصي الرقمي

مشاهدة النسخة كاملة : زواجاتنااااااااااااااااااااااااااا


SaMaHeR
12 / 02 / 2003, 52 : 01 AM
[align=center:469cd386e9]وبمصطلحنا العامي عشان تفهمون (مع الخيل ياشقراء) وياكثر الامثله

اللي مانعدها ولا نحصيها على حكايه المشي وراء أفكار الناس

مثل حكايه السفر لماليزيا ( خلونا نتكلم بصراحه بدون مكابره)

ملك بيتزوج شهر العسل في------------------ > ماليزيا

سباك بيتزوج شهر العسل في------------------ > ماليزيا

خباز , مهندس , مدرس ................. كله ماليزيا



********************************



هذا دليل على ظاهرة الفكر الجمعي , يعني حتى لو الواحد ما اقتنع

بالسفر لماليزيا لالالالالالالالالازم يسافر , ليه ؟ لان الناس سافروا



====================================



وعشان تفهمون أكثر خلونا ندخل للظاهره من مدخل ثاني :



حكايه بعض(وأكرر بعض) البنات اللي مايقدرون اهلهم يحطون لهم

زواج كشخه , تقعد تصيح وتحن وترن على أهلها l(لازم تحطون لي عرس

لا فلانه ولا علانه احسن مني !! (وش حيثهن !)

طيب يابنت الحلال الوالد منتف حرام تظلمينه منين بيحطلك عرس بشىء وشويات

( اعرف بنت لها 5 سنوات متزوجه ولازالت تسدد تكاليف زواجها , ليه؟

من كثر الخرابيط والبرابيط اللي سوتها (( والله محد درى عنها)) )



لازم يحطون (البعض) زفه وكوشه وباتشي >--- -- وبقل

وشاهي وغجر ويانسون وليمون وزنجبيل وكمون وبهارات وحليب وكابتشينو

وكليجا وقرص عمر .....(هاهاها)

بالاضافه الى التمريات والسكريات والفطائر والكيك وكل مالز وطاب )

وش بقى !!!!!!!!! ( مابقى إلا يوزعون بفك وشطه وحلاو نظارات)
هاهاهاهاهاهاهاهاهاهاهها

وهات يازعل من حكايه البطاقات الشخصيه انواع المجازر)

مطاقق وهواش , انا اعرف مليون حرمه من اقاربي متزاعلين ...

والرجال متهاوشين والبزارين صار فيهم عقد وتوحد من سالفه

( ممنوع اصطحاب الاطفال ) اذا شافوها دعو على العرسان



------------------------------------------------------------



ومارحمت إلا حارس القاعه الضعيف !!!!!!!!!!!!!!!!!!!!!!

تجي له وحده (ماإنعزمت أصلا )ومعبيه جمس من الحريم وكلهن بيدخلن

يقول الحارس :( يامدام معليش لازم بوطائه مئدرش أدخلك أم العروصه

منبهه علي مادخلش حد )
تقول الحرمه : (وخّر أهوه ,, هجوم يابنات ,, ويوطونه

ويدخلون --------------------------------- الى البوفيه )
--------------------------------------------------------------

]طبعا البوفيه هو الهدف الرئيسي لهذي الاشكال , مقاتلات عليه كانهم

عقده نمل على حلا( ماشافو العيشه!!)

طبعا ماتشوفون إلا الغبار والجزم الطايره وتلحيس بهالصحون

وشفط بهالعصيرات
وبعضهن تدخل شيك وماتكلم أحد , المكياج يلمع آخر شياكه وعزة نفس

وتروح الكشخه وكرامه ( ايه هين نشوف اذا جاء

وتدخل في دوامة الصراع على البوفيه , ولاتنسون السعابيل اللي تقطر

واذا انتهى العشاء يرجعون كشخه وترجع الكرامه والاتيكيت والرقه

( طبعا أعزائي هذي الظاهره منتشره نعم وبعض البنات يشهدون بكذا
ولكن ليس في كل الطبقات ولا في كل الحفلات )



----------------------------------------------------------



نجي للعروس ( اللي قلبها يدق 220 ) خوفا من فشل الحفله , تلاقيها محبوسه

بغرفه مع الكوافيره (وهات ياصياح ومطاقق لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 . البنيه وش ملحها وشعرها ناعم

وتبغى تسريحه حلوه مثل صوره اختارتها , وبعدين تجيك الميكانيكي ((عفوا

الكوافيره)) ماتقصر تحوس الشعر وتلخبط المكياج

وتقول : انتي طلبتي كده

والعروس : لا انا ماطلبت كذا .............. وهات ياهواش



الوحده احيانا تدخل محل كوافيره مبتسمه للحياة متفائله والبوك مليان فلوس

تطلع مفلسه وشعرها حوسه ومنتف ( تتمنى عزرائيل ذيك اللحظه )


-----------------------------------------------------------------



وبعدين تجي , تلهف ألوفات وتقول(بعض المصورات النصابات لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 . )

هذي عشان تصيري حلوه طبعا تصويرنا مو أي تصوير (شعارنا السريه

وعنواننا الخصوصيه), ومن بكره صوره البنت وزوجها واصله سكان

الآسكا وزحل !! ( وهذا عند بعض الاستوديهات )



وراعين الكوشات علومهم علوم (بعضهم متخصص وفنان) لكن البعض

الاخر لاعب على هالضعوفه , تشوف البنت كوشه وش حلاتها

واذا جاء التنفيذ شىء اخر تماما , مثلا :

تبغى البنت كوشه على شكل اهرامات , يجيب لها الاخ كراتين تايد

وقراطيس أولكر ويقول هذي أهرامات (إيه أهلين أهرامات)



وبنت تبغى كوشه ثلج يقطع لها كم قطنه من شنطه الاسعافات الاوليه

ويقول هذا ثلج !!!!!!!!!!! لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .


وبنت تبغى كوشه أدغال (البنيه شايفتها بعرس وعاجبتها ) يقوم يسرق لها

من اقرب حديقه كم شجره ونبته ونمر بلاستيك من ألعاب ولده وقماش منقط

من ابو هلله وربع ويقول يالله ايديك على 40 ألف , أما لو يحط لي احد مثل

هالكوشه ليلة عرسي والله لأنهبل وأكمل المهزله وألبس مثل طرزان وانزل

على الناس بحبل )( آآآآآآآآآآآ آآآآآآآآآآآآآ آآآآآآ عشان اسوي حركه جديده ...



-----------------------------------------------------------------



أما عن الكبوس( أقصد العيون) لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 . المسلطه على العروس المسكينه

نتناول اذا أصابت البنت عين كامله :

فهي من الكوشه الى العنايه المركزه (طاااااااااازه من الفرن الى المائده)

في حاله اصابت البنت بنص العين :

تتطلق

أو تجي ثاني يوم الشعر متقصف , والرموش منتفه وعيونها مفقوشه

متهاوشه هي وأبو الشباب من قنابل الحريم ......


------------------------------------------------------------------



وأم العروس حكايتها حكايه من كثرة مشاكل الحريم , تجيها (متلازمه داون)
ما راحت ذيك الليله على خير , الكل ناشب في حلقها هذي تجي تصيح

دخلي ولدي تراه عند الباب حرام عليتس ماعنده احد بالبيت , والثانيه

تقعد هي وبناتها عند الباب (كانهم شحادات , لانهم غير مدعوين ) ويقولون

اللي جابنا راااااح ( حيله قديمه ومغبره ,, طيب مو مشكله خوذو تاكسي

وارجعو بيتكم (( وحده نذله )) ) لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .


وإلا حكايه الحضور أكثر من الكراسي تسألون لييييش ؟؟
عن طريق التزوير في البطاقات والهجوم بعنف على البواب المسكين



وإلا مشكله اللي تنشب بحلق (ام العروس ) ياأخيه حرام عليك الطق حرام

( وطبعا انا قاعده اتكلم عن الناس اللي يحطون دف بدون موسيقى وين الحرام

في كذا !!!!!!!! )

وتقوم تهاوش وتأخذ الميكرفون وتذكر بالموت والقبر والنار ....

( احنا ماقلنا شىء عساكم على القوة انشاء الله و الدعوة اشرف رساله

لكن لها أصول واعتبارات واماكن , الناس جايه تفرح بعرسانهم

قال تعالى " وادعو الى سبيل ربك بالحكمه والموعظه الحسنه "

وفيه بعض الحريم هداها الله تشوه صورة الملتزمات والداعيات المحترمات

وتجي للعرس وهي عارفه انه فيه طق وتقعد عند الباب وتقول حرام عليكم

ولا حظو تراها عارفه بحكاية الطق وياليته مع موسيقى مجرد دف عادي ,,

والرسول عليه الصلاة والسلام اباح الدف للنساء في الزواج

(إقعدي بالبيت احسن وإلا قولي أنا على بلاطه جايه للبوفيه !! )) )



------------------------------------------------------------------


وإلا عاد الحضور انواع واشكال :

حريم تقعد على الطاوله تلف الحلا كله وتدف وراه الفطائر (هذا غير

المسروق بالشنطه !! ) وتشفط كل ترامس القهوه والشاي

ونوع من قعدو وهم مبققين عيونهم عشان يقلدون بعروسهم القادمه

ونوع يسجلون كل الاحداث ( حتى مايرمشون من التركيز )

لزوم الحش ( والتحليل الرياضي اذا رجعو للبيت ) , والحسنات رايحه

جايه ......
وفيه نوع مهذب مؤدب راقي محترم يحضر بأدب وينصرف بأدب

وهذا هو الغالب

( وطبعا تتراوح هذه النسب مابين خفيفه الى متوسطه الى غائمه جزئيا

حسب مستوى الحضور)

وياويل البنت اللي شعرها حلو (تكتب على شعرها السلام )اذا حدث

ونجت بأعجوبه , فانها تطلع من العرس وشعرها مثل شعر ولد عبدالله السدحان

في حلقه ( آباء نت ) , وفيه بعض الحريم المشاكسات واللي شايفات انفسهم

تشوفها من بعيد لابسه طقم يهبل أقل شىء 50 ألف ( ألماز يقنن يأخواتي )

وإذا تبقشت العلوم تلاقيه على بسطات الحريم مع الصواريخ والفشا فيش

-----------------------------------------------------------------

(تنويه : احنا مانخاف العين وأنما نؤمن بها ونتوكل على الله لان العين حق)
------------------------------------------------------------------



وفي الختام يابنات ياحلوين (يابعد قلبي انتو لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 . ) القادره منكم مافيه مانع

تحط اللي تبيه , لكن اللي ماتقدر لاتحمل نفسها واهلها وعريسها مالا

يطيقون

والله ماأحد داري عنك أنتي عايشه بنعيم ,والا عذاب مقيم

والناس مايفيد فيهم والله لو تحطينهم بافخم قاعه وتقدمين لهم المن والسلوى

وإلا باستراحه والطق بتنكه وتقدمين حلاو بقر وتانج

(خلو البساط احمدي) ----- يعني خلونا صريحين

حكايه الطنازه ماراح تخلصون منها , الناس مثل العلك تشيله من أيدك

يلزق بشعرك.......... والله حاله



عشان كذا خلو زياده المصاريف بشهر عسل زي العسل , تنبسطين

فيه انتي وزوجك وبس والباقي خس


ومبرووك لكل اللي بيتزوجون في إجازة الحج ولا تنسون أنه هدفنا

الطرح الهادف وليس مجرد التهكم والضحك وكل هذا من واقعنا والله ما جبنا

شىء من الخيال ............

وكل عام وانتم بخير ...................... تحياتي ودمتم سالمين

لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .

منقووووول[/align:469cd386e9]

مجموعة انسان
12 / 02 / 2003, 18 : 02 AM
[align=center:f7d6e9702f]

شكرآ على هذا الموضوع


وللأسف ان هذا هو واقع مجتمعنا

تحيااااااااااااااااااتي[/align:f7d6e9702f]

SaMaHeR
14 / 02 / 2003, 07 : 04 AM
:cry: ليش كذا محد قراء موضوعي غير مجموعه الله يطولي عمره
صحيح هو كفايه ان المبدع مجموعة انسان يقرا موضوعي ويرد
لكن صراحه الموضوع مو لهدرجه شين , حتى المشرفات ماعندهم اي تعليق!!!!!
على العموم اشكرك مجموعة على المرور
والله يجبر بخاطرك :مبسوط:
تحياتي.....
سماهـــــــر

الدكتور مناحي
14 / 02 / 2003, 45 : 09 PM
[align=center:ec5e111cfd]الأخت سماهر ..
كل عام و أنتم بخير و مجموعتنا العزيز ..
سماهر أنت تتكلمين عن مشكلة اجتماعية واقعية ..
وهي تحتاج الى دراسات و بحوث و أولها التقليد الأعمى ..
شكرا على طرحك لهذه المواضيع ..[/align:ec5e111cfd]

شذى الورد
25 / 02 / 2003, 51 : 01 PM
سماهر والله انك جبتيها

تسلم الأيادي على هالموضوع واعذريني عالتأخير


تحياتي

محسن المسردي
25 / 02 / 2003, 30 : 09 PM
واقع مرير

يحتاج الى وقفه

مشكوره SaMaHeR

تحياتي،،،
.
.