مطلوب بالخفاره

[الطرقي]

يا سفير المحبه صار للحب سوق =ونقلب منتدنا ساحة مغازله
واليدين الشريفه ما تصون الحقوق =ان كان فيهم شريف ودي تراسله

[أبو فيصـل]

مرحبا بالصديق اللي على طول ذوق=صادق (ن) في كلامه والوفاء طايله
عارفه من زمان مايحب السروق=وماذكرته يبيله كشف ومساءله

[الطرقي]

نحمد الله تعالى من ظنونك وفوق=ما أتنكَر على الطًيب ولا أحايله
منهو اللي يحب البايق اللي يبوق=راعي البوق لا أحبه و لا أجامله

[أبو فيصـل]

الله يحمي وجيه اهل الشرف كل عوق=والردي مانبيه ولانبي زامله
من يخون الامانه لازم انه يذوق=ماجنته اليدين وماثبت قايله

[الطرقي]

دندني يارعود ورفرفي يابروق=والردي مايغير وجهة القافله
اشهد انك صدوق اناشهد انك صدوق=واقع (ن) مأختلف من سابق اوايله

[طيب الفال]

السلام عليكم ورحمة الله وبركاته
بيض الله وجيهكم على هذا الكلماااااات الحلوووووووووه

[مايكبرني لقب]

مشكووووووووووووووووووووووين وماااااااااااصتو وبيض الله وجيهك على هالكلام الزين وماهي غريبه منكم طال عماركم
وتقبلوووووووووو تحياتي اخوكم/ مايكبني لقب

[الذيب2010]

صح لسان الشاعران والحقيقة هذان الشاعران فحول شعر بكل ماتعني الكلمة