اسفرت وانورت ياسفير المحبه

[الطرقي]

سفير المحبه بعد ماغاب عامين =يقولون يبغى دوري للبطوله
وهاذي الطريقه عندنا قد لها حين =وعرفنا وجيه (ن) بايهه ومغسوله

[أبو فيصـل]

هلا بالذي يعرف عن الزين والشين=ولااشكل علينا شي عنده حلوله
طريقتك عكس السائد من القوانين=وبعدك بدى كل ينوخ ذلوله

[الطرقي]

هل العرف تعرف بعضها ياحمر العين=ولافيه شي(ن) ينكسب بالسهوله
على الحق ماعاكس ولا اذم وافين=وعلى شان هاذي نييد اللي تقوله

[أبو فيصـل]

هل العرف تاهو في جميع الميادين=بوقت غدى صاحيه مثل مهبوله
الاصرت شبعان وتملك ملايين=يصير لك بالميدان صوله وجوله

[الطرقي]

الالماس مايرجع نحاس وبليتين =وقدره رفيع (ن) في اي عمله ودوله
على مستوى الدنيا تزين باثنتين =وراعي الدراهم تكثر الناس حوله

[أبو فيصـل]

جمعنا اللجان وغاب بعض المعدين=وعسا فكرتي تلقى لديكم قبوله
عس البارق اللي خلت من قبل يومين=صدوق خياله والحيا في نزوله

[الطرقي]

الا ياخويي دربنا صار دربين=وقد ذاك ركبك يالله اشوف زوله
وراء البرق عسو والحقايق براهين =عسى من وراء العمله تعين عموله

[أبو فيصـل]

انا باول المفرق على يدك يمين=كتاب قريته ماارتب فصوله
ترى علمنا واحد ولاهوب علمين=سمعت ان بعضهم فاز واكد حصوله

[الطرقي]

(عساها فداك) ومحور الجيم والسين =زمان العجايب حيير العقل هوله
لصار الحَلق يعطى الذي ماله ذنين=يكون الخطاء من الوقت والا عدوله

[أبو فيصـل]

كتب قبل قولك بالصحافه عناوين=وشقرا مع اللي قام يسرج خيوله
قبيلة قريش انقلب عسرها لين=وصارت بعد الاسلام قوه مهوله

[البدوى]

الطرقي+سفير المحبه الله يعطيكم العافيه متابع معكم من البدايه وألي لامام<<<<< كان يتجسس:025:

[الطرقي]

حياك الله يالبدوي


انا اقول لو تطعم ثمانين مسكين =عليك الاثم ما فيه شي يزوله
على الشعر جاء مثل انتفاضة فلسطين =عسى الله يعين اهل الشعر والرجوله

[أبو فيصـل]

يقولون ابن جدلان في عصر الالفين=ولايمكن توافق ميولي ميوله
صفات الرجوله عندهم وفق شكلين=وكلام الذرابه يرفع اللي يقوله