محاوره نادره بين الشاعرين مستور العصيمي وصياف الحربي

[ابن وافي]

[poet font="Arial,5,white,normal,normal" bkcolor="transparent" bkimage="backgrounds/15.gif" border="groove,5,gray" type=2 line=200% align=center use=ex length=0 char="" num="0,black" filter="":40d2640f8a]

مستور :
سلام ردية للي حضر معنا وللسامعين =ردية وافيه ماينقص الكيال مكيالها
اناليا شفت صياف السحيمي قلت يالله تعين=الله يعينه على دنياعلى الجنبين مشتالها
*
*
صياف:
يامرحبا بالكلام اللي يغنيبه طويل اليمين =والكلمه الطيبه لو من بعيد الدار يعنالها
الله يعين الجميع ويرحم التالين والاولين=وايامنا يالعصيمي بالسعاده خيل اخيالها
*
*
مستور:
قدام يلعبك الوسواس عوذ من بليس اللعين=الهرجه اللي تضر الناس ياصياف من قالها
خلك بظل البيوت اللي عليك اجسورها ماتلين=اتحيل بينك وبين الشمس وتظللك بظلالها
*
*
صياف :
ابليس بين العرب يطحن كما طحن الرحا للطحين=يهجم على الناس بخيوله وانا ماني بيخيالها
اناكان شفنا صحنكم يالعصيمي فيه سمن سمين =قلنا عسى القافله ماتاقف الا عند جمالها
*
*
مستور :
النجم ابو ذيل اشوفه يختفي ليله وليله يبين =منازيله في الفضا من سابق الدنيا هذا حالها
انا احسبنك صغير السن واثرك عود مالك سنين =ياصاحبي خاف ربك لاتغش الناس فعمالها
*
*
صياف :
انا اعرف انك لياشفت النجوم البيض لديت عين =واصغيت راسك وطاحت وارد البسام بعقالها
ان كان سنك صغير ماتعديت اربعه واربعين=دور على بير جمتها قراح وطيح في جالها
[/poet:40d2640f8a]