المساعد الشخصي الرقمي

مشاهدة النسخة كاملة : محاوره بين القحطاني والطرقي


القحطاني
09 / 03 / 2007, 45 : 09 PM
سلامي على اللي تكسب الطيب يمناه=اقوله حقيقه والعلوم امحسوبه
انا شايف الطرقي يتبع مطاياه=يدور حلوبه ما لقاله حلوبه

الطرقي
10 / 03 / 2007, 50 : 03 AM
هلا مرحبا باللي طروقه مخلاه= بعد مالبس له ثوب من غير ثوبه
عسى الله يوفقنا على مكسب رضاه=ونلقا المثوبه من اله المثوبه

القحطاني
10 / 03 / 2007, 42 : 12 PM
يدوم البقاء ورجول خيلك محذاه=تجيب الحطب والاتجيب الجلوبه
ترى العاقل اللي لامشى يحسب خطاه=وعلى قد ماتخطي تجيك العقوبه

الطرقي
10 / 03 / 2007, 40 : 06 PM
تروض تحت عين ابن غانم وشلفاه =ولاهوب مثلك يعشق اجواء الرطوبه
اشوفك مثل من لحًق الغرب مسحاه =بعد ما اقترفت الذنب سويت توبه

القحطاني
10 / 03 / 2007, 05 : 08 PM
ليا زان خطك يا عميلي قريناه= ولاشان خطك في القرايه صعوبه
لقينا رفيقك بين ضانه ومعزاه=يزمر ومزماره يزيده عذوبه

الطرقي
11 / 03 / 2007, 46 : 03 PM
الا يا عميلي من زرع زرع يجناه=ولك في الثمر غرسه وفي البذر روبه
مدامه بمزماره ويرعى رعاياه=ويش اللي حدابك يابن الاجواد صوبه

القحطاني
11 / 03 / 2007, 26 : 06 PM
من سنين والطرقي كثيره نواياه= ولا ادري متى الطرقي تلاقا دروبه
ولاشفت للطرقي قصايد معاناه=كن الوضع عادي والبلا في جنوبه

الطرقي
13 / 03 / 2007, 43 : 11 PM
من سنين والطرقي راعى الوجه والجاه=على كل مذهب للعرب والعروبه
ويا ابو قحط لو لك قصايد مغناه=يجوز لك تنقد من رسب في رسوبه

القحطاني
14 / 03 / 2007, 55 : 02 AM
ابن عم ذيك ام الكفوف المحناه=عطاها نهار العيد دبلة خطوبه
وانا اقول ذا عصر الغناء والملا لاه=تلاعب مع الدنيا تراها لعوبه

الطرقي
14 / 03 / 2007, 28 : 03 AM
انا مادريت انه انت شوق المخباه= ويادوب عرفك بان يادوب دوبه
ومن لاعب الدنيا بتبحث خفاياه=ولا عاد ينفعه الندم من ذنوبه

القحطاني
14 / 03 / 2007, 21 : 02 PM
طويل الذراع ابدا الاسف من خطاياه=وظني طويل العمر ماهو بصوبه
على كل حال احسب هذي من مزاياه=هي الميزه اللي لنفوس محبوبه

الطرقي
14 / 03 / 2007, 28 : 03 PM
ولو كان يبكي قيس من حب ليلاه=عرفنا شروق السالفه من غروبه
وعلى كل حال جعلها من فداياه=سواء ان مادرو بلعلم والا دروبه

القحطاني
14 / 03 / 2007, 23 : 08 PM
عطيناك يالطرقي مثل ماعطيناه=فتشنا جيوبك قبل نفتش جيوبه
ومن راح زاري روحت مقيط ورشاه=قصير المدى يشرب لحاله شروبه

الطرقي
15 / 03 / 2007, 15 : 01 AM
عطيتك للواحد وتفتيش مخباه =تدوبي من حدود العطاء للنهوبه
ولا احد (ن) يفكر في ابن قحطان ودعاه = ولو كان يدعي جعل ماهو(مهوبه)

القحطاني
17 / 03 / 2007, 24 : 12 AM
اشوف الذهيبه دون كبري المسماه=حدوها وراحت راضيه ومغصوبه
لقينا الذهيبه والذهب مالقيناه=لقوه الحراميه زمان وعدوبه

الطرقي
19 / 03 / 2007, 11 : 04 AM
وعزاه ياكثر التفاكير عزاه=انا في شمال الدرب وانت بجنوبه
جميع الذهب واللي تقوله معاياه=تطارد سراب (ن) في مشاهد كذوبه

طيب الفال
02 / 11 / 2007, 09 : 01 AM
السلام عليكم ورحمة الله وبركاته مشكوور ..بارك الله فيكم كلمااااااااات احلى من العسسسسسل

طيب الفال
02 / 11 / 2007, 22 : 01 AM
السلام عليكم ورحمة الله وبركاته مشكوور ..بارك الله فيكم كلمااااااااات احلى من العسسسسسل

الذيب2010
30 / 04 / 2008, 17 : 03 PM
صح لسان المبدعين ولكني ارى بيوتا من الطرقي مليئة بالحكمة وتجارب الحياة وفق اللة الجميع وللامام يانجوم المنتدى