وينك يالطرقي

[أبو فيصـل]

يالطرقي اللي غدا ماعاد شفناه=يالله دخيلك تغير ذا الزماني
العام معنا يجي ويروح محلاه=واليوم مدري علامه مايباني

[الطرقي]

ما عادك بتنتبه ياطيب الجاه =تمشي مع الناس وانت بجو ثاني
لك مدة عايش عيشة معاناه=صدرت لاحداثها كم من بياني

[أبو فيصـل]

نجبر العظم يالطرقي ونرفاه=ياعلها لاثمرت فل(ن)يماني
وان ماربحنا فلابه ماخسرناه=والحمدلله في عسر ولياني

[الطرقي]

يامجبر العظم باقي داه في رداه=ونبت اليمن قات ماله نبت ثاني
لله كتب رزق عبدا ماتعداه=والامر له جل شانه فى اي شاني

[أبو فيصـل]

من اول(ن)تذكره واليوم تنساه=غيرك من يحفظ السبع المثاني
منه يروم الرجم لابد يرقاه=ان كان له فوق قمتها مكاني

[الطرقي]

من اولا موقفي يجبرني احماه =واليوم بعطيك علم مقرحاني
راس الجبل شاغر لك انت وياه=ومعاد تستغرق الرحله ثواني

[أبو فيصـل]

ياشين بعض العرب سود(ن)نواياه=يوم يودك ويوم فيك شاني
راس الجبل يابن عمي لاظهرناه=تبين قهد الرخال من السماني

[الطرقي]

شهادة الحق مافيها مراواه=ومايزعل من الصحيح الا الهداني
ومدام نظرتك حول العنز والشاه=فانا اعتذر من هزيلات المعاني

[أبو فيصـل]

يالطرقي الخط واضح يوم تقراه=ماله لزوم كلام منك جاني
هذا مثل من زمان قد حفظناه=وقاصي العلم ماهو منك داني

[الطرقي]

ياراعي الخط جاك ردود معناه=انا حريص(ن)على منطق لساني
والا وانت في موقف اللي ضاعت رياه=من بين راعي المطيه والحصاني

[أبو فيصـل]

العذر للذيب ابن شالح وشرواه =مقبول عند الكرام ابلا امتناني
الموقف الصعب يالطرقي مشيناه=والبعض من شوفنا صابه جناني

[الطرقي]

اتجامل اقصى العرب وتدور رضاه=لو قد شبع موت يالله المستعاني
والموقف الصعب خله وترك حماه=بيبهذلك وانت اعرفك ماتداني

[أبو فيصـل]

اقصى العرب ميت لكن ذكرناه=وكم واحد حي ماله ذكر باني
اسمع كلام المصامل انت وياه=والله لارميك يا منه رماني

[الطرقي]

هذا انت حي(ن) وبمكانك تعداه=ويغنيك فعلك عن فعول قحطاني
ومن غير حلفان مثلك نبخس اشياه=واحاول اجنبك مس العناني

[أبو فيصـل]

انا احمد الله جزيلات عطاياه=بالعلم نرقى ماهو بحد السناني
بعض العرب لو نبي نبحث خفاياه=ماعاد يعرف رفاع من طماني

[الطرقي]

الله يوفقك ياشوق المخباه=دعوات صدق على سر وعلاني
حبيت امازحك في الطاروق وتلاه=واظنها وصلت لبر الاماني