قصيده الخالدى فى صدام

[الميال]

الخالدي لاعوّدت حـرب الاقـلام !=
حسب ماتملي بالسياسه ضروفـه !=
عني وعن كـل الخوالـد والاعـوام=
اقولهـا مالـي عليـهـا نكـوفـه=
حكامنـا ماعـادوا اليـوم حكـام !=
واللي حصل عند العراقي بروفـه !=
ياحاكم النيه علـى شـرع الاسـلام=
الصبح كلٍ مبتلـش فـي خروفـه !=
صحيت قالوا نفـذوا حكـم صـدام=
في شاشـة التلفـاز كـلٍ يشوفـه=
اسير حرب وكيف يحكم بالاعـدام ؟=
والرافضي ( ملعون ابو ) فيه نوفه !=
نكّست من زود القهر كل الاعـلام !=
وغيري صباح العيد يكرم ضيوفه !=
لاعاش سيستاني ولاعاش خـدام !=
وعزّي لشعـبٍ ماتعـزّه سيوفـه !=
والشعب يامسكيـن فيديـن الاقـزام=
بين البطالـه والحماقـه وخوفـه !=
خطير يقفل داخل القلـب صمّـام !=
والعمر يفنى ماعليـه الحسوفـه !!=

[الولهان22]

صح السانك يالميال ومن قالها صح السانه

[الميال]

صح بدنك
ومشكور ع المرور

[الولهان22]

اخوي الميال ازوار 31 ومارد الاواحد والاعلشان الشاعر خالدي ماهو قحطاني
يعني معناها اذا لم تكن قحطاني فلاتتعب

[الميال]

مشكور اخوى الولهان22 شى طبيعى ان يمر على القصيده كثير من دون رد فكذالك اغلب المواضيع تكثر عدد الزيارات دون رد
اما قولت ان الشاعر خالدى مو قحطاني هذا احساس عندك ولا لم توضع هذه القصيده هنا وعنوانها شاهد على ذالك
هذا الموقع وضع للعرب جميعاً بغض النظر عن الانتماء

[طالب الجنان]

أخي الميال بارك الله فيك على نقل هذه القصيدة الرائعة
وهنا همسة في أذن أخي الولهان 22 المنتدى عالمي و
لكافة المسلمين ويوجد أعضاء من خارج المملكة .
وتقبلوا تحياتي .

[الميال]

مشكور اخى طالب الجنان على المرور والتعقيب

[moiean]

ألف شكر على هالقصيدة

[الميال]

moieanالف شكر على المرور

[وجــد]

قصيده رائع:3: :3:
:
سلم الله القائل والناقل
:
اخوي الميال تسلم على القصيده الراااائعه
:
الله يرحم صدام ويدخله فسيح جناته
:
تحيه..طيبه

[الميال]

مشكوره وجد على المرور وعلى الدعاء