رساله لشعار المحاوره

[أبو فيصـل]

ماابي في المنتدى واحد تقرع عصاه=دام شيخ القوم سلم لشاره والسلاح
والله اني لجعل الخبل والصاحي سواه=واتحدى بالكفر كل اركان الصلاح

[عاشق المجد]

قدها وقدود ياسفير المحبه

[أبو فيصـل]

عاشق المجد شكرا لمرورك وتشجيعك وهذا من طيبك وطيب اصلك,والهدف من كل هذا تحريك المنتدى والاخذ والعطاء والاستفاده من الشعار الكبار,وانا اتمنى من الجميع المشاركه سواء الشعار الكبار او المبتدين امثالي ,وأن يصبر الشعار الكبار علينا ولايزعلون علينا فنحن مبتدين وعظامنا طريه على قولت اهل جده,وفي الاخير كله كلام في كلام لايودي ولايجيب ولايزعل ,وشكرا للجميع

[عاشق المجد]

عاشق المجد شكرا لمرورك وتشجيعك وهذا من طيبك وطيب اصلك,والهدف من كل هذا تحريك المنتدى والاخذ والعطاء والاستفاده من الشعار الكبار,وانا اتمنى من الجميع المشاركه سواء الشعار الكبار او المبتدين امثالي ,وأن يصبر الشعار الكبار علينا ولايزعلون علينا فنحن مبتدين وعظامنا طريه على قولت اهل جده,وفي الاخير كله كلام في كلام لايودي ولايجيب ولايزعل ,وشكرا للجميع

هذا من طيب اصلك ، وانت شاعر بس وين الشعار الباقين لا يكون متوهقين في الاسهم الله يعينا ويعينهم.

[المارد]

الرجل لاقال قولٍ يابوزيد احتماه=وآخر المشوار أذكرِك ياطير الفلاح
لاتحدى وأنت شاعر مانجهل مستواه=وقدم شيخ القوم ماحالفك درب النجاح

[مناحي معدي المسردي]

الاخ سفير المحبه لقد اخطأت في شطر البيت الثاني واتمنى ان يكون المعنى غير مقصود ونتمنى منك تغيير البيت لأن الكفر ليس سلاح ضد الصلاح فعليك ان تتقي الله ويكون تحديك للشعراء ليس على حسلب دينك لأن شطر البيت يجرح في العقيده
هذه ملاحظه احببت التنبيه عليها
وجزاك الله خير
وقد كفانا الاخ المارد في الرد عليك واذا انتهيتوا فلنا معك لقاء آخر

[أبو فيصـل]

ابو راكان انت تعرف وأنت الشاعر الكبير ان المعنى الظاهر يختلف عن المعنى المقصود ونحن في لهجتنا الدارجه نعرف معنى كفر فلان في فلان ,واستغفر الله يابو راكان ان يكون معناي هو تحدي الصلاح با لكفر ,واشكرك على نصيحتك الذهبيه ,ولي معك عوده انشاء الله.

[أبو فيصـل]

ياهلا يامرحبا بك وكل ومبتداه=والجبل يذري ذرى من تذرى من الرياح
خذ نصيحه محترف يلعب بنادي هواه=لاتهاجم وانت مالك ظهير ولاجناح

[المارد]

البقا والطيب من قدّمه يلقى جزاه= والسلامة من بغاها مشى الدرب السماح
لاتوصيني وانا ماأنتظرمنّك وصاه=لاوردنا الما شربنا من العد القراح

[المارد]

مثلك وشرواك شرهٍ ولانطلب رضاه=شاعر ومتفتحٍ قبل عصر الانفتاح
أنت أصلك داهية غير تدهاك الدهاه=تستلذ بلذته في المقام والانبطاح

[عاشق المجد]

نتمنى ان ترقى المحاورة عن المعاني التي كل من يتعلم الشعر بأمكانه ان يبدعها وانتم تجيبون المعاني الجزله ، والله يحفظكم عليكم بالمعاني السمان واتركو الردى لهله.

[مناحي معدي المسردي]

الاخ المارد
الاخ سفير المحبه

لي عندكم طلب انكم تنهون هذه المحاوره
لانها خرجت عن نطاق الاستمتاع الى السب والشتم
وهذا لايليق بكم وطلبي انها هذه المحاوره
وسلامتكم

[المارد]

حرر من قبل المشرف

[أبو فيصـل]

والله يابو راكان اني قد كتبت الرد عليه ولكن طلبتك عندي غاليه ولا يقدر الرجال الا الرجال ,وأحب اوضح اني مستعد للمحاوره مع المارد مره اخرى اذا حاول ان يصلح من نفسه ,وليس يعلم الله في قلبي عليه شي وكما قلت سابقا ,ان الاخطا وارده في المحاوره لكن تبقى الروح الرياضيه هي المسيطره,ودمتم

[المارد]

الاخ سفير المحبة :السلام عليكم ورحمة الله وبركاته وبعد: يعلم الله انك احرجتني بسمو اخلاقك آمل المعذرة اذا حصل خطأ ويشهد الله اني كذلك لاأحمل في نفسي عليك اي شى ... اكرر اعتذاري منك ومن جميع القراء ودمتم بخير............... المارد

[أبو فيصـل]

المارد لايقدر عذر الرجال الا كريم وانت فعلا كريم وانا والله اعتذر لك عن كل مابدر مني تجاهك وأسأل الله لك التوفيق والخير انه على كل شي قدير.

[أبو فـلاح]

تم إعادة هذه المحاورة بعد حذف بعض الردود بناء على طلب الأخ المارد

[المارد]

يعطيك الف عافية ياابو فلاح

[ناصر بن هذال]

شكرا لمتابعتك اخوي جاش نت