اطلب ابو راكان للمحاوره

[أبو فيصـل]

ابن سمران احتزم بالجنابي والرصاص=ناوي بالشر يالله تكفينا بـــــــــــــلاه
يوم شفته مقبل قلت مامنه مناـــــــــص=احتزمت بمحزمي قبل تكبير الصلاه

[مناحي معدي المسردي]

الاسير نكتفه مايحاول لملاص = ما نفكه لين يعلن رغم خشمه ولاه
والحرامي نقطع ايده ويعلنها خلاص = مير خلك للمحبه سفير ما حلاه

[أبو فيصـل]

مانبيها يامناحي مثل سيف القصاص=يركد الرجال وان شاف له شي حـــــــداه
في جنوب المملكه يعرفون اهل النماص=اقشر العربان يمشي معه حيد وعصاه

[مناحي معدي المسردي]

يا سفير الحب قص الاثر كان انت قاص = لا تضيعها وهي من طريب الى الغضاه
انت مدري فوق صالون ولافوق شاص= مادرينا وين وجه المغني من قفاه

[أبو فيصـل]

لارميت ارمي واصوب على راس القناص=واضحه وحدودها جاش من يم السراه
انت شاعر لكن اظن عيبك لحتراص=والمعاني واضحه ماتبي اخذ وعطاه

[عاشق المجد]

عساكم سالمين وغانمين ويخليلكم ديرتكم.
وهذه المحاوره التي توسع الصدر.

[مناحي معدي المسردي]

مابعد فيها معاني ولا كهرب وماص = كان تقراء الخط الابيض ترى غيرك قراه
لا تحسب ان البحر ينقصه نزف القلاص = ياعميلي كلنا نعرف القدر وغطاه

[أبو فيصـل]

لاتقسمها على كيفك ارباع ونصاص=والمسائل حلها مايبي شد انتبـــــــــاه
رفقه تشرى ورفقه تعد من الرخاص=ومن دخل بالسوق لاشك يعرف مبتغاه

[ناصر بن هذال]

يعطيكم العافيه جميعا ...وهالمره انا بصف ابو راكان ويسمح لي سفير المحبه.
,
,
اخوي عاشق المجد ...

ترى دورك في المحاوره جاي او تعطينا قصيده جديده.

[مناحي معدي المسردي]

لو نقسمها يبين النحاس من الرصاص= اكثر الاسهم بقرشين يشكر من شراه
ورفقة دايم وهي في مشاكل وانتقاص = خلها لاروحت روحت مقيط ورشاه

[أبو فيصـل]

الرساله في حروف الكتابه شي خاص=يا زميل كل ماجاء زميله مالقاه
الصديق اللي ليامن نصيته منك حاص=وش تبي في صحبه مابها خير وغناه

[مناحي معدي المسردي]

لو تخلون المنصات لصحاب المناص = كان كل (ن) عارف مبتداه ومنتهاه
لو يطولن الشوارب يحدن المقاص = وانت مدري دون جاش الخضر ولا وراه

[أبو فيصـل]

ابن مطلق قايد الحمله وسواق باص=في مسلسل اخوتي ضاع من ركبو معاه
والله اني مسلم مومن ماني بعاص=لاتجود لحيتك وانت عينك للحصاه

[مناحي معدي المسردي]

يا زميلي ما ندور معك غير الخلاص = في الحقيقه ماعرفنا الحجاز من السراه
الخلاص اخلص خلصنا وخلصنا خلاص = والسلام ختام واللي ورى الطيب وراه

[أبو فيصـل]

زادت الرفقه ولافيه زود ولانقاص=ودام ماحد عارف مبتغاي ومبتغاه
ابشر بما تطلبه يامدور لملاص=عاده لي لاطلبني حد شي خذاه