يالله ياللـي تعـلا فــي ملكـوتـه
يالخالق اللي تربـع فـي سماواتـه
يامخرج نفس يونس من بطن حوتـه
يامنجي نوح مـن بحـرك وغباتـه
من عظم شانه ومن قـوة جباروتـه
نرجيه عفوه ونخشع لاجل مرضاتـه
افرج هموم بوسط الصـدر مكبوتـه
تضايق الصدر ليـن تزيـد وناتـه
والله مايجعـل الافكـار مشتـوتـه
ويطير النـوم مـن عينـي ولذاتـه
الا رفيـق فقدتـه وانقطـع صوتـه
عسى الزمن ما غدابه في متاهاتـه
وعساه ما يستمع في كـل شاموتـه
اللي على الغافـل يشغـل رداراتـه
بعض المواقيف كنها الغـام موقوتـه
تكشف ردي الروابع مـن ضعافاتـه
ملا نفع حي ما ينفـع عقـب موتـه
وفي الاخره ماني براجـي حسناتـه
من يزرع الحنظله ما يجني التوتـه
يصبر على حامض الغصن ومراراته
ونهاية الوضع دونته علـى النوتـه
ومعناي واضح ولا تخفى عباراتـه
والرابح اللي صلاة الفجـر ماتفوتـه
يحفظ كتـاب الله ويتقـن صلاواتـه
[/align]
تعليق