(( انادي والفضاء غرفه تضيق ومالها جدران))=انادي ليـن مليـت المكـان وضاقـت افاقـي
كسرت الصمت لا والله رجعت وغربتي اوطـان=مكبل والحزن دوله وجيش(ن) يرفض اعتاقـي
سجين الذات فالمنفى البعيد اللي بـلا عنـوان=مقيد في يدي غصن وبيـاض القلـب اوراقـي
يحاصرني الالم في كل ركن ومالقيـت انسـان=افضفض له تراتيل الوجع من داخـل اعماقـي
على هالظلم ليه اسكت وانا ادري للجـدار اذان=بلاش اجمل الواقع وقبحـه يحجـب اشراقـي
ياعمي الوطـن للكـل ماقالـوا وطـن لفـلان=حرام اقول هالجمله اجامـل واخسـر اخلاقـي
تصفح بالوجيـه وراح تحكـي لـك وبالمجـان=قصصها غير .. عن اهل التـرزز والتزبراقـي
رسمت خطوط بعقول البشـر ياسيـد الالـوان=وانا ادري القاع ملغومه بـلاش اكمـل الباقـي
تعبت ومالقيت النور في اخـر نفـق الاحـزان=رجعت وكنت منتظر المـلاذ يباغـت اشواقـي
تمهل ياولد عـم الوجـع والضيـق والقيفـان=حرام تروح ماصبيت باقي الكاس بـا آحداقـي
مادام ان الفضاء غرفه تضيق ومالهـا جـدران=اجل ليه؟! انتظر وأسكت بعد ماضاقـت افاقـي
تراتيـــــــــل الوجــــع
العرض الشجري
