اسهر مع النجمه الـي زان سالفهـا=واسحب لها بدع شاعر زان موالـه
واسج سجت عزيز النفـس عايفهـا=عاف الاوادم وشاف ان الخلا اشواله
كل مابغى وافي ن في ناس عارفهـا=وين الوفا والعرب محـدن تفضالـه
هـذا يسايـر هواميـر ويحالفـهـا=وهذا تبختر ويبغـا الخلـق تعنالـه
واخر طمع والعوايـد فيـه خالفهـا=سمى حلال الاوادم شي مـن مالـه
وهذا يتاجر علـى اموالـن تسلفهـا=يبغاء يسـدد وهمـه لقمـت عيالـه
والعين شابت وقلت فـي مواصفهـا=ومنهو يسامر وحيدن جالـس لحالـه
والهاجس الي يعني العيـن والفهـا=ومهما تعنت بطاري الزيـن يهنالـه
ياريم يالي رعت من زهر شارفهـا=ترتع على قلب منهـو دوم تطرالـه
اطريه ثمـن عيونـي تهـل ذارفهـا=واصيح باسمه مثل مـن زاد بخبالـه
ربي حسيبه دروب العشـق حرفهـا=ذا جيت يمه فزع ثـم فـز لجفالـه
ولامن تشالت جروح القلب يجلفهـا=ويرجع فوادي صويب وشانت احواله
وارجل قامت وبعد الخـل عاسفهـا=والكف صافي من الي قاطع وصالـه
وحنيت ماحن ذي طالـع مشارفهـا=سكسن يسوقه خبل والبـدو تختالـه
كن في ضميري مكينه زاد راجفهـا=كل ماهديت وضوتني اشواق قتالـه
يالله ياعـالـم الدنـيـاء وشايفـهـا=يراحم ن عبدك الـي تايـه ن بالـه
طالبك ترحم عيـون ن زاد ذارفهـا=وترحم فوادن صويب وشانت احواله