... (( صحيح الدنيا يا قلبي بها من هالبشر أجناس )) ...
.
طلبتك يابحر خذها وأغرقها بدون إحساس
رميت همومي فموجك..وتكفى لاترجـــعـها
من الحيرة وضياع الذات وما يطري من الهوجاس
من الحرمان والأشواق..ومثل ماذقت ذوّقها..
عليك الله تسقيها..بلا وزن ولا مقياس
كثير البؤس والآلام..أمر المر شربـــهــا
عليك الله تحرمها لذيذ النوم ..والمجلاس
وشرات اللي سكن قلبي..من الحرمان يسكنها
وشرات اللي ملا صدري وكتم في داخلي أنفاس
وشرات همــومــي المرة وأحزاني وسبايبها
وعدتك يابحر اصبر..وعلى عيني عشر حرّاس
أزيح الشوك من دربي وتزهر لي جوانــبها
صحيح الدنيا يا قلبي بها من ها لبشر أجناس
بها الوافي بها الخوان ومن تشهد فعايلها
بها محروم من خلّه يداري لوعته والباس
يسامر نجمها الساري..ويبكي من هوايلها
ولكن ماشي بدربه..تقول انه ما ذاق الكاس
ولو يشكي رفع يده..لرب البيت وخالقها
دمتم بالف سلااااااااااااام
من الحيرة وضياع الذات وما يطري من الهوجاس
من الحرمان والأشواق..ومثل ماذقت ذوّقها..
عليك الله تسقيها..بلا وزن ولا مقياس
كثير البؤس والآلام..أمر المر شربـــهــا
... (( صحيح الدنيا يا قلبي بها من هالبشر أجناس )) ...
العرض العادي
