جيتك من اقصى الشوق متعب جوادي *** لجل المشاعر تحتضر فيك وتموت
عطها الامل لا تترك الغلب غادي *** ما فيه داعي يمضي الوقت ويفوت
قفّ;ى العمر ما فاد فيه التمادي *** سقت الهوى من ساحه الحب للموت
يا منتهى ذوقي وغايه مرادي *** شوفك شراب وردت الروح والقوت
تاخذني الذكرى على كل وادي *** واذكر حلاك وروعه الورد والتوت
وابقى اسيرك لذكرياتك وانادي *** ويرجع صدى صوتي من البعد مكبوت
ياما زهمتك وارتجاك الفوادي *** حتى غدى حبل الرجا منك مفلوت
عاود حنينك لا تزيد بعنادي *** ما تشوف حبك داخل الجوف منحوت
الوضع ما اصبح لو تأملت عادي *** كيف البحر يلفظ على الشاطي الحوت
بنظر رجوعك يا هناي وودادي***دام الغلا ينزف لك الشوق ببيوت
وكانك رميت اعهودنا والمبادي *** برحل واكفن حبنا وسط تابوت
عمر الهناء ساعه ولاله مزادي *** إما ابذله والا انسحب عنه بسكوت
جيتك من اقصى الشوق
العرض العادي
