محمد المناع=
.=.
ازهمو لي عـز منهـو للخـوي المشعلـي=
السراج إلي علـى طـول الليالـي مشعلـي=
والرقيـب اللـي يمشيهـا عليهـم مشعلـي=
رفرفي يالريـة الخضـرا العليـه رفرفـي=
.=.
سـلام رديــة وفــا كــاش و تـمـام=للشـعـر والشـعـار والعـالـم تـشـوف
نـدبـل قوافيـهـا و لا فيـهـا اخـتـلال=والـلـي عـقـد روس الحـبـال يحلـهـا
.=.
( المشعلـي ) شاعـر وعـارف بالنـظـام=مـن بيـت شعر وعـز والوضع معـروف
اذا ذكر ( صالـح ) فمـن خيـر الرجـال=والـلـي عـقـد روس الحـبـال يحلـهـا
.=.
عـبدالله الـمشعـلي=
.=.
انت يا ( المناع ) تزهمنـي وهمـك هملـي=
والزكـاة الواجبـه بالسايـمـه والهمـلـي =
يا سحابـه بالسمـا ترعـد وتبـرق هملـي=
رفرفي يا الراية الخضـراء علينـا رفرفـي=
.=.
يـا مرحبـا ترحيـب حشمـه واحـتـرام=اعـداد حجاجـاً علـى الكعبـه تـطـوف
يـا شاعـر يـدبـل ولا فيـهـا جــدال=والـلـي عـقـد روس الحـبـال يحلـهـا
.=.
المعـرفـه مكـسـب رفيعـيـن المـقـام=والطيّب اللـي صـار عـارف ومعـروف
خلـك جمـل وابـرك مباريـك الجـمـال=والـلـي عـقـد روس الحـبـال يحلـهـا
.=.
محمد المناع=
.=.
من قبل قرن من الزمن ماهي سنه والاسنين=
قال المثل مال السنين من الحسام إلا سنيـن=
تعقب فعال القوم كلمه من حلـوق الا سنيـن=
رفرفي يالريـة الخضـراء علينـا رفرفـي=
.=.
دام البـقـا لـهـل الكريـمـه والـكـرام=اللـي تـرحـب بالمعـانـي والضـيـوف
إلـلـي تسـابـق للمراقـيـب الـطـوال=والــي عـقـد روس الحـبـال يحلـهـا
يابوحـمـد حــد المعـانـي لاالحـسـام=والحـرف سطواتـه ولا فعـل السـيـوف
لكنهـا مـا بيـن قـيـل و بـيـن قــال=والــي عـقـد روس الحـبـال يحلـهـا
.=.
عـبـدالله المشعـلي=
.=.
دام في خاطرك علم وسايقك شـوق وحنيـن=
أنت مع غزوة بدر والا معا غـزوة حنيـن=
نسمع بقصة حنيـن ولا درينـا مـن حنيـن=
رفرفي يا الراية الخضـراء علينـا رفرفـي=
.=.
من قبل ما اعـرف الحـلال مـن الحـرام=مانيـب واقـف بيـن حـاذف ومـحـذوف
سلامـة الـرجـال ربــح وراس مــال=والـلـي عـقـد روس الحـبـال يحلـهـا
.=.
مـن سـل سيفـه للمشـاكـل والخـصـام=يبلـش مـع الجـلاس قــدام الـوقـوف
هـذي نتايجهـا عـلـى أقــل احتـمـال=والـلـي عـقـد روس الحـبـال يحلـهـا
.=.
محمد المناع=
.=.
ما نورد غير علـمٍ فيـه برهـانٍ و حجـه=
أنشد اللي أم بيت الله وصلـى بـه و حجـه=
وأنشداهل الدار منّا وانشـدو دامـج وحجـه=
رفرفي يالرايـة الخضـراء علينـا رفرفـي=
.=.
إن ثـارت الهيجـا وقـام لـهـا عـسـام=والنـاس تختـار المـواقـف والـظـروف
ماهـاب أنـا ياخـوك مــزاق الـسـلال=واللـي عـقـد روس الحـبـال يحالـهـا
.=.
بعـد الليالـي السـود جــلاي الـظـلام=إن جابـهـا و الا فجعـلـت لـلـذلـوف
المـوت مـره والنـكـد طــول اللـيـال=واللـي عـقـد روس الحـبـال يحالـهـا
.=.
عـبـدالله المشعـلي=
.=.
وجه اسلاحك على ذولاك يا المنـاع وجـه=
واخذ يومك بأوله وان فاتك المسـراح وجـه=
وان عطاك الوقت وجه وجاك راع الجاه وجه=
رفرفي يا الراية الخضـراء علينـا رفرفـي=
.=.
مـا يلحقـك مـنـي عـتـاب ولا مــلام=سيفك يقـص الـراس مـن فـوق الكتـوف
قـول وفعـل والـفـال يقـفـاه العـقـال=واللـي عـقـد روس الحـبـال يحالـهـا
.=.
لا جاتك الفرصه علـى احسـن مـا يـرام=تغـانـم الـفـرصه وخـلـك فيلـسـوف
النـاس مشغلـهـا المـزايـن بالـحـلال=واللـي عـقـد روس الحـبـال يحالـهـا
.=.
محمد المناع=
.=.
يا عميلي صح مانا لا منبي ولا نبي =
غير حيدٍ رزته بيّدي وطاح ولا نبي =
والحروب اللي تطارا ماتبيها ولانبي=
رفرفي يالرية الخضراء علينا رفرفي=
.=.
قسمك من اغلا قسم لاحان القسام =يالنادر اللي فاق باهين الوصوف
أشقر و متعلي على روس الجبال =و اللي عقد روس الحبال يحلها
.=.
لكن (خاميني ) طلب برميل خام =وعطيت مقذوفين وكلاشين كوف
و أصرف جنيهاتي لعباد الريال =و اللي عقد روس الحبال يحلها
.=.
عـبـدالله المشعـلي=
.=.
من مشى في جانبي ما اصد عنـّه وأجنبي=
والدروب البينه شرق بها والا اجنبي=
وأنته مواطن وأنا مواطن ولا فينا اجنبي=
رفرفي يا الراية الخضـراء علينـا رفرفـي=
.=.
من قام حظه مع كبار الحظ قام=لو كانت الدنيا مشاكلها تحوف
وأنا لقيت المسك تحت إبط الغزال=واللـي عـقـد روس الحـبـال يحالـهـا
.=.
رد السلام ويا سلام اسحب سلام=للي يحطون النقط على الحروف
واختامها وصّلت لك روس الحبال=واللـي عـقـد روس الحـبـال يحالـهـا
محاورة بين محمد المناع وعبدالله المشعلي
العرض العادي
