مرثيه في شيخ المراجل / حمود الجهيمي. رحمه الله

[ناصر بن هذال]

أبى الشعر الا أن يترجم التعزيه الى هذه الابيات :
البارحه قحطان جاها هزيعه
....من بعد ما قالوا توفى الجهيمي
ان أشهدٍ إنها ي حماله فجيعه
........حلّت بنا مابين ليله و يومي
صحيح هذي للاوادم شريعه
........ نهاية الانسان شيٍ لزومي
لكن فرجة ذ السنافي وسيعه
........والله يلوم اللي لمثلي يلومي
ننعى الكرم بعده ونفسٍ رفيعه
.......وتواضعٍ لبسه سواة الهدومي
شيخٍ بنى مجده بخطوه سريعه
......الين حلّق فوووووق ذيك النجومي
وفي صفحة التاريخ جاله وقيعه
........ (شيخ المراجل) جاعلٍ له وسومي
يارب نفسه جات عندك وديعه
......يارب جعله في الجنان محشومي
نفوسنا يارب لامرك مطيعه
.... مافيه شيٍ غير وجهك يدومي
لكن ليت الموت عنده طبيعه
.....يخلي الطيب ويبلى الرخومي
/////
http://www.qahtaan.com/vb/showthread.php?t=73728

[يقول المسردي]

الله يرحم أبو فهد والعزاء موصول لأبنائه وقبيلة حمالة وقحطان عامة.
وصح لسانك أبو هذال

[ناصر بن هذال]

صح بدنك.
واشكر مرورك.

[ابو بدر]

الله يرحم أبو فهد
وصح لسانك يابو هذال قصيده جزله وفي رجال يستاهل الله يرحمه

[ناصر بن هذال]

صح بدنك.
اشكرك مرورك يابو بدر.
كما اشكر جميع من مر من هنا وارجو ان يعذرني الاخوه اللذين لم أعقب على ردودهم في مشاركاتي السابقه.

[هذال آل الشوافه]

صح لسانك أخي ناصر
والله يرحمك يابو فهد ويسكنك الجنه

[الهاجس]

الله يرحم الميت وصح لسانك ومبدع كالعاده ياناصر
بس عندي ملاحضه بسيطه ياشاعرنا وغريبه منك صراحه
اللي هي قافيه البيت الاول لم تلتزم مع باقي الابيات


وتحياتي لك

[عابد نضال ابومعيلق]

صح لسانك مشكور على القصيدة الرائعة