ضعيف(ن)وغلطان

[خلاص إنتهينا]

[align=center]يالله يامنشي هماليل الأمزان @@@ ياواحد(ن) بيديك رزق الخليقه
__________________________________________________ __________
ياواحد(ن) لاقلت للشي كن كان @@@ ياعالم(ن) مافي الصدور الغليقه
__________________________________________________ __________
نسجد لوجهك ضعف يارب وإيمان @@@ كلن يبي فزعتك لانشف ريقه
__________________________________________________ ____________
في ساعة(ن) ماينفع أهل(ن) والا أخوان @@@ وكلن تخلى وقتها عن رفيقه
__________________________________________________ _______________
يارب سامحني ضعيف(ن) وغلطان @@@ وأغفر لقلب(ن) يعترف بالحقيقه
__________________________________________________ _________________
قلب(ن) غدا مابين نفس(ن) وشيطان @@@ إبليس ملعون(ن) ونفسي رقيقه
__________________________________________________ ___________________
زين له أبدربه على كل الألوان @@@ وقلبي على دربه ويتبع بريقه
__________________________________________________ __________________
أصير أنا وياه بالدرب صدقان @@@ وإليا أرتكبت الذنب جنب طريقه
__________________________________________________ ___________________
وأنا ملايكتي تسجل بالأمتان @@@ وأقلامهم فالصحف دايم غريقه
__________________________________________________ __________________
وما يكتبونه يوضع بوسط ميزان @@@ أما يجيلي خير وألا حريقه
__________________________________________________ __________________
لامن قضا عمري معا طول الأزمان @@@ لاناقص ولا زاد فوقه دقيقه
__________________________________________________ __________________
في لحظة(ن) يبطل عمل كل شريان @@@ وضاع النفس مابين زفر وشهيقه
__________________________________________________ _________________
وجردت من ثوبي ولبست الأكفان @@@ وروحي لرب البيت راحت طليقه
__________________________________________________ _______________
وأخر مكاني حفرة(ن) شانها شان @@@ مترين طول وتحت ماهي عميقه
__________________________________________________ _______________
إليا دفنت وكشف عن ذيك الأعيان @@@ وروحي معا ذاك اللحد لي مويقه
__________________________________________________ ________________
ترجع علي روحي بعد صرت عريان @@@ وجوني ملايكة(ن) ومعهم وثيقه
__________________________________________________ _______________
أما يجي قبري حرايق ونيران @@@ وألا يجي مزروع كنه حديقه
__________________________________________________ ______________
قد لي سنه يارب منهك وتعبان @@@ وأحس بين ضلوع صدري بضيقه
__________________________________________________ ________________
أساير الدنيا وأنا كلي أحزان @@@ وصارت توالي العمر عندي زهيقه
__________________________________________________ _______________
يارب ساعدني على الوقت من شان @@@ أطيق هم (ن) عجز غيري يطيقه
@@@@@@@@@@@@@@@@@@@@@@@@@
أرجو من جميع من يقرأ هذه القصيده الدعاء لي
@@@@@@@@@@@@@@@@@ [/align]

[السلطان 7]

قلب(ن) غدا مابين نفس(ن) وشيطان @@@ إبليس ملعون(ن) ونفسي رقيقه
خلاص انتهينا ابداع شعري وشاعر بما تعنيه الكلمه

[برق الحيا]

خلاااص إنتهينـــــــآ ,,, شهادتي فيك مجرووحه بعد أن شاهدت أول قصيده لك في المنتدى ,,

مبدع ,, في كل حالاتك !

الله يوفقك ويكتبلك السعاده دنيا وآخــره .

تحيااتي .

[أبو محمد]

صح السانك00000قصيده صادقه 00000ورائعه 000000 وتبين الطريق الاجباري 00000بعد متاهة الحياه 000000000000اجباري للجميع 000000 خلاص انتهينا

[خلاص إنتهينا]

الأخوووه الأعزاء السلطان7
برق الحيا
أبو محمد
تشرفت بمروركم على القصيده وسعدت بردودكم عليها
مشكورين وما قصرتو

[عبدالله المشعلي]

خلاص أنتهينا
صح الله لسانك على هالقصيدة التي لا أعلق عليها أكثر مما علق عليها السلطان وبرق الحيا وأبو محمد
تقبل تحياتي وصح لسانك

[القرم]

صح لسانك قصيده جميله .
تحياتي .