جمل ابن ناصر شيخ عني عن التعريف.
مره سير علي وكان عندي مجموعه من الشعرا منهمـ على ماذكر
سلطان بن وسامـ وعبدالله بن راجس وعبدالعزيز الفراج
وعلي بن جمري وجمل المرشدي وناصر القحطاني ( شاعر الاندلس ).
ودار حوار طويل حول الشعر وكل شاعر طبعا قال قصيده وجمل معجبته قصيده
قلتها في الامير فيصل بن خالد وطلبها مني اكثر من مره وقالي هذي
من اجمل القصايد اللي سمعتها في المدح . فقلت له انا كاتب قصيده احسن منها بس
راح اعلمك بها بعد ماتكمل.
وكانت هذي القصيده ونشرتها صفحه كامله في جريدة الجزيره واتصل علي من فرنسا
وابدى اعجابه بها وكان معاه خلف بن هذال اللي قال : انها رائعه
فقلت له القصيده اللي مجملها انها فيكــ يابو ناصر ...
وجمل يستاهل اجمل القصائد لانه وريث امجاد ووريث تاريخ عريق من المجد.
يسيرني غلا بعض القـــصايد لابــدى منهــــــاج
..... واحب الحر لامنه رضــــــى لعيـــــــــــون قيفـــانه
تجي مثل افتعالات الـــــرياح اليا هدت الامواج
..... تجي مثل انفــــــــراجات الكـــــــريمـ بوجه ديـــانه
مثل ركض الاصايل باول الغاره بدون سراج
..... مثل فـــرحة غريب بعد مايس عـــاد لاوطــــانه
ثلاث شهـــور زلت والقصايد حرفها ماداج
..... تجي مثل السحــــــاب ونوب مثل رشاش هتانه
على بيض الوجيه وكل قرم للوفــا محتاج
..... سلامـ الله سلامـ للسنافي تطــــــــرب الحــانه
سلامـ ياجمل مثل الصباح اليا بدى وانباج
..... سلام مثل نســـــــــــمات الربيع بزاهي الوانه
على متن القصايد جيت اهيجنها بدون ازعاج
..... لابن عم عزيـــز يعتبرني رابــــــــــع اخوانه
كريم لاقسا وجه الزمان ولانتخا المحتاج
..... حكيمـ لاغدا راي الحكــــــيمـ وموقفه خانه
تنومسني علومكـ يابن عمي واعتليت ابراج
.... وغيركـ من الاسامي لو اعده باخر الخانه
وتنومس بك ربوعكـ لانك حصان طليق حجاج
..... حمر عين حكــــــيم تفه الشاعر من لسانه
الا ياشوق عذرا وجهها مايعرف المكيـــاج
.... هنوف من غلاكـ تشوم بك هيـــــفا وريانه
جملها ياجملها لاحما راس الشجاع وهاج
....... جملها لاشكــا صدر الرفيق وضاق باحزانه
الا قالوا جمل ناصر يجي للكايده مخراج
...... علومــــه غانمه من طيب ابوه وطيب جدانه
‗۩‗°¨_‗ـ قصيدة في الشيخ جمل بن ناصر ـ‗_¨°‗۩‗
العرض العادي
