سواد الليـــــــــل ( فايز المسردي )
يالله ياللي ما حدن غيرك أرجيه=ياواحد(ن) كل الخلايق ترجاه
فرج على اللي همه اليوم يكويه=يشكي زمان(ن) بالشدايد تحداه
يالله دخيلك لاطوى الهم راعيه=أسهر عيونه واحرق القلب وأبكاه
ولياجفاه الوقت واظهر خوافيه=ما احدن قرب يمه وكل(ن) تعداه
والناس بين اللي يسبه ويشكيه=صار الهدف عند العرب كيف فرقاه
لاصار حظه بالتعاسه يباريه=ماله سوى الله يجتهد يطلب رضاه
واللاش ماهو ربح مالي بطاريه=ما ينفعك لو كان رتبه وله جاه
والقرم ربح(ن) كل ماله بيصخيه=من يحتمي بالقرم يزبن ويحماه
بعض العرب حظه تردى ومشقيه=ما يقتنع باللي كتبله ويرضاه
وبعض العرب يسلك طريق(ن) ويخطيه=من يسأل العُرّافْ ياصل ولاتاه
ومن يُبتلي بلوه ترى الصبر يرضيه=إصبر على دنياك لوهي معاناه
ومن يهتوي الكذبة ترى الصدق ينجيه=للكذب مهواةٍ وللصدق منجاه
هاذي مشاعر شاعر(ن) قال مافيه=في ليلة(ن) شعره تحزم وخاواه
وختامها بختم كلامي وبنهيه=الشكر لله تسجد الناس لرضاه
الشاعر / فايز بن سالم أبو زوير المسردي 
سواد الليـــــــــل ( فايز المسردي )
العرض العادي
