على ما يبون الاحمديه..فرشت..بساط
وببسط عباره .. كلمة الحق .. تبسطني
وشعر النبط.. يحتاج..تحليل..واستنباط
ولاهوب يعـرف رطني..الا.. ولد بطني
تجي غلطه الشاطر.وتحسب بعشر اغلاط
وهـذا.. يصحح لي .. وهـذا .. يغلطني
ورغم المغالط..لي مبادئ..ولي مقلاط
مع اهل الادب.. حسن النوايا.. تقلطني
ياعطاط..وش باقي من اشواط..ياعطاط
معك علم.. ياعطاط.. مما معك..عطني
تعدا.. شهر تشرين الأول..وشهر شباط
بدأ له مواري .. والطواري .. تشابطني
تجاوزت سته.. كامله.. والعزوم انشاط
كبار الهقاوي .. والمناوي .. تنشطني
وراحت نتايجها.. حروفٍ.. بدون نقاط
لكن الصبر.. يبيّن الصوف .. والقطني
عبد الله المشعلي
(1444/11/5)
يا عطاط
العرض العادي
