9 / 2001
الا ياهنيك ياحمام(ن)مع الاشراق=تجر المويلي كل مازان لك طرقا
تهاجر ليا بان السويبع *وصدرك ضاق=يرفرف جناحك كل مالاح لك برقا
تهاجر بدون موادع(ن)يجرح الخفاق=وحن لابغينا نسافر ارواحنا تبقى
بغيت اتمشى وانزع الهم والارهاق=واثر راحتي في داخل المملكه تلقى
الاياوجودي ياسعد والدموع سباق =تهامر من العينين زرقا ورى زرقا
على ديرة (ن)يابومحمد لها مشتاق=عساها من احقوق الوسم دايم(ن) تسقى
نزفت المحبه شعر ينبت على الاوراق=زهوره بنات الفكر والطيبه تنقى
لجل لاسمعها ناقد وشاعر وذواق=تعجبه معانيها وللذائقه ترقى
,
وسلامتكم
-------------
*هو النجم السابع (السويبع) ويعتبر طلوعه بداية دخول الوسمي.